小心重口味  認清隱形高鈉零食

小心重口味 認清隱形高鈉零食

港人飲食一向偏重口味,餐餐務必夠鹹夠惹味才收貨,平時正餐已經吸收到一定的鈉量,再加埋惹味小食一大堆,鈉質就更加易超標,到時高血壓、心血管病等亦大有機會跟住嚟!Sundaykiss一於請來專家教路,避開高鈉質零食,走出埋伏在身邊的爆鹹零食地雷陣!

鈉量標準

每日攝取量:成人每日不超過2,000毫克鈉(約一平茶匙鹽,約5克)
高鈉定義: 根據英國食品標準局,每100克食物含量高達600毫克鈉或以上
註:資料數據按包裝上的營養標籤換轉而成

1
即食麵
鈉量:2,120毫克(每100克)

dsc_0302_1_1

杯麵
鈉量:2,325毫克(每100克)

即食麵和杯麵一樣,其實麵餅本來鈉質不高,資深營養師黃榮俊表示只有100毫克鈉,而高鈉的只是其味精湯粉,如果食時省去湯粉就可以大大減鈉,John 建議吃時不要把湯飲用,否則一碗湯麵已超出全日限額,亦可以選擇落半包湯粉減鈉;而杯麵食用分量少一些,不夠100克,所以鈉量也相對少一些,但在於其湯粉早已在滲麵餅內,如要減鈉,做法只可以沖水後倒半再加熱水。

b2
紫菜
鈉量:1,723毫克(每100克)

表面上,若果單從數據去看,其每100克含鈉量已差不多比起高鈉標準,足足多出1,000多毫克,再加上質地薄,易入口,很容易令人食唔停,就以上種種理由,亦好理所當然被認定係高鈉食物。而John指,雖然以每100克去計的鈉量的確驚人,但實際上要食百幾包紫菜先得。如果跟包裝所示的「食用分量」去睇,一次過食5包左右,也只是65毫克而已, 不算高, 所以「食用分量」也是一個影響因素。

140182318340
魷魚絲
鈉量:1,690毫克(每100克)

魷魚本身無味,但在製作過程中加入各式醬油及調味,令到鈉量大增,每100克魷魚就有1,690毫克鈉,已近達標,雖然包裝輕盈分量少,但食幾包就已足夠全日限額,絕對係爆鈉零食!

gw09

梳打餅
鈉量:660毫克(每100克)

食物中的鹽分除了可保鮮外,在製作烘焙類的食物如包餅類等,同時可以調製發酵過程影響食物的質地。所以麵包和梳打餅等,雖然味道不太鹹,但其鈉量亦高。如這款梳打餅亦是高鈉食物,雖然比高鈉標準的600高出60毫克,而獨立包裝2塊約10克,其淨重200克,要足足吃半包才攝取到660毫克鈉,而John建議大家食用分量為4至6塊就足夠。

DBAK2Z-A71959779000_534bb317400cb
蜜糖味粟米片
鈉量:627毫克(每100克)

粟米片都鈉超標?大家可能會覺得,鈉同鹹劃上等號,而粟米片明明係甜,點解會可能高鈉?其實鈉量高不高,跟鹹味並沒有必然關係,唔鹹亦一樣爆鈉,這個陷阱常有人不知,今次例子就係最好代表。因蜜糖味已蓋過粟米片的鹹味,所以味道不代表一切,加上粟米片每次的食用分量大概為一杯左右(約50克), 而用「每100克」去計也屬高鈉,吃多一杯就攝取了627毫克鈉, 幾乎是全日的四分一量。

B10011320
消化餅
鈉量:600毫克(每100克)

消化餅都係唔覺好鹹,但一樣高鈉的食物。而呢款消化餅蠱惑地方在於其單位用了「克」去計,而不用常用的「毫克」。如果用「毫克」去計就啱啱好600,達到「高鈉」食物的標準,如果用「克」去表示就為0.6,驟眼睇就以為好細,其實一樣!而分量方面,100克大約6至7塊左右,加上消化餅亦係食唔停口的零食之一,所以唔經唔覺就好易食多咗鈉。

dsc_0282_1

薯片
鈉量:529毫克(每100克)

薯片唔使講都知道鹹,雖然每100克未過600毫克, 但都有差唔多530,差唔得多,但今次要講嘅都係關於分量方面嘅問題。薯片惹味易入口,通常一人擦晒成包,如果中型至大型包裝的薯片,其分量絕對不止100克,極易超標,John 建議每次不要吃完一整包,可以先吃一半,再留下次再食。

110406180105845
蔬果汁
鈉量:176毫克(每100毫升)

1347873453

番茄汁
鈉量:288毫克(每100毫升)

蔬果汁及番茄汁,本來是低糖健康的營養飲品,但想也想不到原來也是高鈉飲品。由於新鮮蔬果易變壞,所以要加入鹽作保鮮作用,除了水分外鹽就是最多的食材,加上罐頭食物的鈉一定比新鮮食物高。雖然以飲品專用的每100毫升去計, 其鈉質未達到高鈉的標準,但由於罐裝飲品一般都是一次性的食用,所以會用其罐裝分量作為食用分量,以上兩罐的鈉分量都接近全日的四分一量。

資深營養師黃榮俊
資深營養師
黃榮俊(John)

更多精選內容