楊千嬅丁子高甜蜜慶祝拍拖11周年   丁生一句「Love You Always!」冧丁太

楊千嬅丁子高甜蜜慶祝拍拖11周年 丁生一句「Love You Always!」冧丁太

楊千嬅同丁子高呢對恩愛夫妻不時都喺社交平台放閃,尋日(5月28日)係佢哋拍拖11周年,丁生就就同丁太一齊食好西,撐枱腳,幸福指數爆哂燈呀!一齊回顧吓佢哋呢11年係點過啦!

撰文:Sunday Kiss 相片:丁子高IG、微博、東方新地、新傳媒資料室、網上圖片

兩公婆撐枱腳慶祝

丁生喺蛋糕上嘅一句「Love You Always!」,相信丁太未食個Cake都甜到入心!

View this post on Instagram

11年了⋯ #丁生好介紹

A post shared by Real Ting (@real_ting) on

Fans替佢哋高興之餘,亦不忘提醒丁生要對丁太好啲!

2007年,楊千嬋遇上了丁子高,很快就認定咗對方。

當年丁子高其實兩度求婚不果。2009年,他趁兩人到美國旅行第三次浪漫求婚,借千嬅之前曾講「自己過了30歲就要為自己倒數」回應她「如果真的是這樣,是不是應好好珍惜,讓我陪你一齊走下去」。千嬅頓時十分感動,最後兩人決定開車去拉斯維加斯註冊結婚,還婚後才通知雙方父母呢!

結婚一周年,縱使外界仍然對佢哋唔太睇好,成日話佢哋「女尊男卑」,不過佢哋依然恩愛,對所有閒言閒語,一於少理。

今年2月,丁太生日,丁生專程飛到東京搞咗個「孖寶賽車生日派對」,為老婆慶生!

呢次生日派對是在旅行途中舉行,楊千嬅話事前並唔知情:「原本是簡單幾對couples旅行團,突然驚喜,很有趣,感謝朋友們的surprise!」相中可見千嬅同老公丁子高貼上鬍鬚,一身「孖寶兄弟」裝,但丁子高就留言話兩人係「Mr & Mrs Mario」,認真sweet!

外遊慶生,丁生仲落重本為千嬅準備咗驚喜煙花匯演,千嬅驚喜得在Instagram寫到:「嚇一嚇⋯⋯公主變蕃薯???? 」

結婚7周年,丁太已經唔止有丁生錫,仲有非常愛錫媽咪嘅Torres。千嬅透露過阿仔愛上烹飪,閒時會整曲奇、蛋糕等小食俾千嬅品嘗,人仔細細相當有孝心!

7周年結婚紀念,Torres又再大顯身手,精心整咗碟「正野」俾媽媽嘆!

楊千嬅於12年6月誕下兒子Tor res,多年來都望追多個女,不過一直未有聲氣,在今年的母親節活動 上為粉絲的女兒梳辮子,問到可有想過再生一女兒?千嬅表示自己很喜歡,有當然會很開心。

正在忙拍《多功能老婆》的楊千嬅,上星期同其他同劇演員一齊賀寶華姐慶祝生日,主角們同壽星一齊合照,又發現到丁生嘅身影,可見在工作時丁太都同丁生形影不離。

希望丁生丁太繼續恩愛,一齊走過更多個11年!

 

 

更多精選內容