【小創夢家】《警界線》津津–黃焯言 新一代男神

【小創夢家】《警界線》津津–黃焯言 新一代男神

港視劇《警界線》播出以來,好多觀眾讚劇中主角廖啟智、林嘉華、蔣祖曼等人好戲,但最令人驚喜是飾演周俊偉和蔣祖曼的癱瘓兒子「津津」,網民大讚津津比其他TVB童星有潛質!津津真名叫黃焯言,英文名Matthew,現在出街好多人都叫他津津,更大讚這位九歲的小創夢家愈來愈靚仔!自獻出第一次後,性格外向的焯言表演慾大增,對演戲好有興趣,希望之後有機會再拍戲或者做小model,焯言靚仔又好戲,絕對有潛質入行做新一代男神!

2
焯言在《警界線》一劇有好表現,而且劇中名字「津津」易記,劇中演員經常呼叫「津津、津津」夠洗腦,現在出街仍在很多粉絲叫他「津津」,已經變成他的乳名

津津小檔案
中文名:黃焯言
英文名:Matthew
暱稱:焯言、津津
年齡:2006年1月7日(9歲)
家庭成員:父母,獨子
演出經驗:港視劇《警界線》、《四年B 班》、港台劇《社企有道II 》
就讀學校:香港潮陽小學三年級
嗜好:計數、朗誦、chok樣、講嘢

m02

一次意外津津中流彈令他下身癱瘓,需要以輪椅代步,劇中爸爸周俊偉(左)誓要揪出真兇報仇。

第一次拍戲就扮癱
焯言與其他童星一樣,《警界線》招募小演員時,朋友介紹下去試鏡,媽媽Isabella就帶兒子去碰運氣,「試鏡當日係見晒咁多位導演,當時都有幾位小朋友一齊做戲,導演叫佢哋試吓點培養情緒。」焯言能突圍而出成為津津,媽媽估計他比較聽話,「其他小朋友唔係好定,焯言比較乖。」試鏡時未知道角色是下身癱瘓,直至選中才告訴他,第一次拍戲就
要扮癱,對當時只有6歲多的焯言來說,非常有挑戰性,父母本身亦非行內人,所以沒特別教戲,靠他自己揣摩角色,「導演話唔使特別做戲,做番自己就得,睇稿睇熟咗之後,將自己心情代入番份稿就OK喇。」焯言覺得自己都幾似津津,易哭易笑,「佢嘅心情同我好相似,可以好開心,又可以好唔開心!」

OLYMPUS DIGITAL CAMERA
拍攝時焯言只有6歲多,未識咁多中文字,坦言劇本有少少深,每次拍攝前父母都會幫手對劇本,學識所有字,令中文程度大躍進!

自評80分 喊戲最難
大結局一場喊戲令焯言好難忘,「我要喊,但好難喊出嚟,唔記得最後諗起乜嘢喊到。」係咪諗起爸爸媽媽鬧你呀?「都得嘅!嘻嘻!」他笑說父母不算惡,但講起讀書就比較勞氣,「我讀書OK嘅,但成績唔好爸爸媽媽會惡啲。」

焯言自評今次表現值80分,有網民把焯言的演技與智叔相提並論,要頒個視帝給焯言,他亦有留意網民反應,好開心得到支持,但將他與智叔相比就太誇張了,「下次拍戲要再投入啲,再練多啲、練熟啲!」

老師評語:好多嘢講
焯言正就讀天水圍熱門學校香港潮陽小學三年級,屬傳統津貼學校,功課偏多,很多畢業生派往band 1英中基督教香港信義會元朗信義中學。2012年至2014年,高達82%學生獲派第一志願,比全港比率的78%高,難怪潮陽小學成為區內熱校,吸引內地學童跨境爭位。

劇集出街後,學校有好多老師同學有追看,知道校內出了一位小明星,但他們比較內斂,選擇默默支持,沒有給予太多意見,但他在校內的表現就必須提點,剛過去的家長日,老師對他的評價是說話多,經常有東西想發表,媽媽笑稱他雖然多嘴,但不會上堂與同學談天。

喜歡說話,又有表演慾的焯言,去參加朗誦就最啱,果然他最近參加了校際朗誦節英文朗誦比賽,仲有獎攞!「我英文獨誦攞咗季軍!都係老師搵我參加,幼稚園嗰時我都參加過英文獨誦,今次就試多次啦。一二年級就參加中文集誦,兩年都攞亞軍!」

m04
焯言是獨子,一直想有弟妹陪伴,但父母坦言工作忙碌,難以生多個,但會多加與兒子溝通,了解他每日在學校的情況,平日又有爺爺嫲嫲照顧,所以他覺得生活並不孤單。

我的志願:做天文學家
焯言中英文都不錯,最喜歡卻是數學科,「我最鍾意計數,喺出面有學公文式。計數可以動吓腦筋,訓練吓自己頭腦囉!」男仔對數理科目比較有天分,問到小學生必答的「我的志願」,焯言即搶答:「我想做天文學家!因為啲星星、行星好奇妙。」

媽媽指學校暫未有相關活動參加,但他經常借閱天文學書籍,「佢睇完就會同我哋分享,呢段講太陽系乜乜乜,好多嘢講㗎!」咁多個行星最鍾意邊個呀?焯言二話不說:「都係地球,因為係我屋企囉。」人類將來要登陸火星喎?「我唔信!」

m05 m06

原本他對槍沒認識,但拍完劇後開始有研究,「鍾意拎支槍射地下,哈哈!」

出街被讚眼大靚仔
如果做不到天文學家,焯言的第二選擇是做科學家,好奇的他喜歡研究,但劇集播出後,焯言的演藝細胞躍動,將來入行做演員都是其中一條路,「以前未諗過㗎。」訪問拍攝當日,焯言擺甫士拍照駕輕就熟,攝影師哥哥叫他chok樣又得,陽光笑容又得,拿支好重的野戰槍都沒怨言,比其他童星乖巧易影,甚有潛質。

焯言最煞食是有一張俊臉,愈大愈靚仔,擁有一雙大眼睛,現在行出街周不時有女生大讚靚仔,行街市又氹到賣魚賣菜嬸嬸,但靚仔不能當飯食,嬸嬸沒因為他靚仔送棵葱。試過最誇張有一次兩母子搭巴士,聽到坐在斜後座的女生全程讚靚仔,媽媽回想也覺得好笑,「有次同佢坐坐吓巴士,睇到後面有個中學女仔係咁望住佢,仲同佢男朋友講:『嘩,你見唔見前面個男仔好靚仔呀?真係好靚仔呀!對眼好大,眼睫毛好長呀!點解咁靚仔㗎?』大大聲讚咗幾分鐘,我心諗使唔使咁誇張呀?」

問焯言覺得自己靚唔靚仔?他竟然話:「好醜樣!」真是謙虛!焯言靚仔、身形勻稱、性格多言外向、識做戲、識擺甫士、喜歡動腦筋……長大後做新一代男神,絕對指日可待!父母就話最緊要先讀好書,開心健康成長,之後想做乜就做乜啦!

m07 m08

人仔細細已經眼大大,深雙眼皮,有個靚仔雛形。

津津眼中的警察
焯言在《警界線》出生於警察世家,父母都做警察,覺得警察好正義。但現實中父母並非警察,但覺得媽媽比較似警察,因為爸爸好蠱惑!在真實世界他怎樣看警察呢?片段中他以動物、食物、顏色去作出比喻,想知佢點講?–>即刻去片<–

●撰文:Ling ●攝影:Clay Lam (部分相片由受訪者提供)
●化妝:[email protected] MAKEUP
●髮型:Wilson [email protected] MAKEUP

●場地及裝備:CQB Plaza全天候室內近戰中心(tel:6971 8810)

更多精選內容