肚臍比廁所板污糟4千倍!日本專家教你正確洗肚臍方法

肚臍比廁所板污糟4千倍!日本專家教你正確洗肚臍方法

傳聞洗肚臍時,一個唔小心用力咗少少,就會搞到肚痛,加上唔知應該點洗,更加搞到懶得洗。但其實,如果唔理嘅話,細菌繁殖嘅數量會多到嚇死人!一齊睇睇專家教路,要如何清潔肚臍

撰文:[email protected]新假期|圖片來源:Thinkstock、新傳媒資料庫 、「Dcard」討論區 | 編輯:Chloe

洗肚臍會肚痛?

細個時,曾經被長輩鬧唔好亂咁搞個肚臍,因為會搞到肚痛。點解會有呢個講法嘅呢?

因為肚臍同內臟之間,只相隔薄薄一層皮膚,過於用力搞個肚臍嘅話,會對腸臟造成刺激,繼而引發疼痛,過於劇烈摩擦,更有可能導致發炎!

太大力搞個肚臍會肚痛!

肚臍嘅細菌多過廁所板?!

曾經有個研究,採集60人份嘅肚臍污垢進行檢查,發現咗2,368種種類嘅細菌!當中更有1,458種係新品種!

細菌示意圖。

棲息於廁所裡嘅有害細菌約有290種,隱藏於肚臍內的細菌卻有約120萬種!有機會比廁所污糟足足約4,100倍。

肚臍污垢主要來自塵埃、汗、身體乳液等等。如果置之不理,細菌繁殖後,可能會引發炎症,或者發出惡臭!

肚臍分分鐘污糟過廁所!

洗肚臍挖出1元硬幣大污垢

台灣有網民在「Dcard」討論區分享清潔肚臍的經驗,更貼上相片。該名男網民表示發現肚臍有污垢挖不出來,就想著「趁洗澡的時候灌水繼續挖」。結果他挖出一顆灰黑色污垢,更拿出台幣一元對比大小。他形容這是「肚臍裡的魔物,在我肚臍裡活了不知道多少個年頭」,直言「噁心死了」。

圖片來源:「Dcard」討論區

 

正確洗肚臍方法

日本專家岡田明三老師就話,洗澡前,喺肚臍上塗層油就得。橄欖油等食用油又得,BB油都得。塗油會令肚臍內嘅污垢浮起,更容易清理。

喺肚臍上塗油就能簡單清潔!

將油倒進肚臍,約8成滿,等5~10分鐘,令油浸透到污垢中。又或者可用沾滿咗橄欖油嘅棉花棒,輕輕擦拭肚臍,待污垢變軟後,可用鉗子等將污垢去除。注意唔好咁用力呀!

時刻保持肚臍清潔衛生!

更多精選內容