拎囡囡同朋友女比較 網民媽:點解人地個女咁得意?

拎囡囡同朋友女比較 網民媽:點解人地個女咁得意?

熱話

廣告

每個小朋友都係獨一無二,性格、外表、興趣皆不相同。近日有位媽媽於討論區發言,表示帶囡囡去朋友聚會,朋友的仔女年紀與囡囡相若,但聚會時朋友囡囡悉心打扮,引人歡心,反觀女兒因為怕生不敢說話而無人理睬。該媽媽表示「我真係好心酸」,網民對此有不同意見。

撰文:Kamen

拎囡囡同朋友女比較 網民媽:點解人地個女咁得意?

有位媽媽於討論區發言,表示帶同女兒參與朋友聚會。朋友女兒同自己囡囡年紀相若,但朋友女兒悉心打扮,盡得其他家長歡心,反觀自己囡囡因為怕生,無人理睬。該名媽媽指出「我個女的確係無人地個女咁靚咁得意,又唔識social。但果一刻我真係好心酸。」,亦表示「你地唔明,人地個女眼大大,我個女矇豬眼又扁鼻,重要因為敏感成面濕疹 果日仲起勢R,R到成損。」引來不少網民討論。

網民認為不應將自己女兒和別人比較

網民1:作為媽媽你唔應該成日拎個女同人比較,小朋友既自信心係父母俾佢,一個小朋友點解要識social, 佢只係一個小朋友,你應該帶領佢去識朋友,同人溝通,唔係怪佢唔靚唔識social,你諗野咁negative, 有無諗過係你影響佢性格?

網民2:呢啲就係怕輸在起跑線既家長心態! 你如果要繼續活在別人眼中,你只會令個女睇唔起自己! 先學習點樣為人父母! 呢一課唔可以skip ! 每個細路同家庭樂觀環境都唔會一樣! 自己成熟D!

網民亦指每名小朋友性格不同 獨一無二

網民3:其實小朋友性格唔一樣 對陌生人唔同反應 係好正常 何解樓主覺得自己個女咁樣就係唔得意?

亦有網民指出囡囡患濕疹 為人父母更不應該嫌棄

網民4:有何問題? 你咁樣叫自己睇小自己。我小朋友有濕疹, 別人小朋友無濕疹, 難道我又怪個小朋友 又或者自己好心酸? 這樣絕不可以囉。 我會好開心咁去面對, 小朋友是無罪的。

更有網民認為女大十八變

網民5:女大十八變,最經典應該係宣萱,佢自己拿過小時張相出來,又黑又瘦又男仔頭,無人估到佢大過唔同哂,不過無可否認佢美貌係本身氣質同自信加左唔少分! 另一個反面教材係一個童星出身既咩咩BB,細個做戲真係好靚好可愛,點知越大個様越普通成個mk妹咁!

其實小編認為外貌不代表一切,而且就算兒時樣貌不夠別人可愛,亦不代表長大後會醜!更何況每一名仔女都是父母的愛情結晶品,不應該作出比較,更不應該嫌棄!

關鍵詞
比較得意