慈父安志杰幫手湊女 教女刷牙好有愛

慈父安志杰幫手湊女 教女刷牙好有愛

育兒

廣告

同安志杰已有一女嘅名模Jessica C.(JC) 去年平安夜再次宣布有喜,至今已懷孕達38周 (即九個多月),卸貨在即,老公都有幫手湊囡囡,日前JC在IG Story上載短片,片中老公安志杰為咗教導囡囡Tessa清潔牙齒嘅重要,夜晚喺廁所陪佢一齊刷牙⋯ 果然係慈父!

原文:東方新地|圖片:新傳媒圖片庫、Jessica C.IG

JC 兩周後生得 慈父安志杰 教女刷牙好有愛

曾以「警鐘胸」聞名嘅名模JC正為老公安志杰陀緊第二胎,今胎係囝囝,加埋大女Tessa,正好湊夠個「好」字。

日前JC在IG Story上載短片,片中老公安志杰為咗教導囡囡Tessa清潔牙齒嘅重要,夜晚喺廁所陪佢一齊刷牙,見Tessa跟住爸爸一齊向上刷、向下刷,眼碌碌咁好可愛!

兩父女一路刷一路對望,之後女兒Tessa覺得有爸爸陪刷牙好開心,邊刷邊笑!而安志杰怕囡囡企馬桶太高會跌親,一直用手扶住小手,好細心!

女兒Tessa都忍唔住向媽咪報以甜笑⋯

而契爺伍允龍日前都有去探吓契女Tessa,一見到佢仲忍唔住錫錫㖭!

早前Jessica C.已為慶祝自己生日,放出大肚性感相,今次佢趁住陀B到38周卸貨在即,再晒出數張性感孕照,力證其實大肚都可以好索!

早前JC已開始晒出不少大肚靚相。

JC大肚手腳依然纖幼。

JC嘅懷孕照則以黑白色為主,有別於一般色彩鮮豔嘅照片,非常有特色!

安志杰哂六舊腹肌 影一家四口照

而老公安志杰亦放出一張一家四口嘅相,相中可見以內衣及內褲上陣嘅JC露出巨肚,躺在有六舊腹肌半裸嘅安志杰懷中,而女兒Tessa則輕撫着媽咪個肚,非常溫馨。

而另一張則係懷孕老婆JC緊緊抱住女兒Tessa,望落女兒同媽咪都有幾分相似,一樣係個美人胚子。