點分蜜瓜甜唔甜？日本達人傳授揀蜜瓜心得！
廣告
【揀蜜瓜】夏天終於到了，喜歡食日本生果的人一定好開心，因為由現在開始到秋天，美味的水果將會陸續登場，蜜瓜、車厘子、桃、提子… 日本電視節目《相葉マナブ》找來高級水果老店「銀座千疋屋」的買手，教大家怎樣揀蜜瓜，又怎樣存放蜜瓜最理想，快快學！
A的藤蔓是左右對稱。
B的藤蔓是左右不對稱。
對比看多一次，A的T字藤蔓左右對稱，B的T字藤蔓左右不對稱。
相葉雅紀和渡部健（佐佐木希個老公…）揀B，澤部佑揀A。
答案係… B，左右不對稱！
甜的原因：唔夠水?!
原來，農夫種蜜瓜的時候，會刻意灑少一點水，蜜瓜因為有「壓力」，所以糖度會增加！
因為唔夠水，轉瓜會從藤蔓給收水份，所以，收成一邊粗一邊幼。
粗是連接幹部，幼是連接葉。
黃金比例「6：4」
當然，農夫是經過「計算」，去灑少幾多水，而好的「比例」，是6比4，這樣的蜜瓜是最甜的！
切開看，就看到連顏色都不同！A的比較淺色，B的比較深色！
相葉雅紀試食，覺得A比較硬，而B則非常甜。
存放秘訣：不要放雪櫃！
一般買蜜瓜的時候，上面都會寫上最佳食用日期！（未到即係未夠熟，無咁甜！）
買返屋企唔好即刻放雪櫃，到食之前先拎去雪就最好！
