楊千嬅丁子高夫妻檔聲演超人 丁生:「阿仔一定好自豪!」

楊千嬅丁子高夫妻檔聲演超人 丁生:「阿仔一定好自豪!」

楊千嬅丁子高最近夫妻檔同為動畫電影《超人特工隊2》配音,第一次為電影配音的丁生坦言,是很大的挑戰,但相信囝囝Torres看過之後,一定會很自豪的很同學說:「我Daddy Mummy係超人!」現實生活中的丁生丁太,工作繁重,但同樣以家庭為先,講到教仔理念,更加是默契十足,親子之間,最緊要係講個「信」字!

撰文:Joanne 攝影:Issac、Day 相片:新傳媒資料室

丁生丁太 VS 超能先生彈弓女俠

《超人特工隊2》事隔14年面世,暑假回歸,請來楊千嬅與丁子高夫妻檔配音,吸引力自然大增!今次劇情講到超能先生與彈弓女俠家庭崗位對調,實行男主內,女主外,丁生丁太都認為角色與自己有不少相近之處,不過講到邊個持家為主,二人異口同聲表示會沒有特定崗位,但會靈活調度,互補不足。

丁生:「正正因為大家都好忙,所以就要因應大家嘅時間表去編排,所以一定唔會兩個同時唔喺香港,消失咗。」

丁太:「而家工作自主性高咗,就係因為要家庭行先,如果有學校活動,就同工作單位商量,時間遷就吓,或者可以攝中間啲空檔,只要預先可以夾得到,其實都好彈性。」

楊千嬅丁子高

相信製作單位會找二人各自適演超能先生與彈弓女俠,除了認為夫妻檔聲演有一定的噱頭外,亦是看中他們遇與角色有一定相似的地方,未知二人認為自己最角色最相似,和最欣賞這個角色的地方是甚麼呢?

丁生:「我好欣賞阿Bob係個好有責任心嘅人,呢方面同我係好似嘅。我哋喺家庭上同工作上都係好鍾意主導,但係如果要我喺今集咁,返去照顧屋企為主,唔係唔得,OK嘅!但係維持長時間又真係未必可以,所以嗰個心理糾結同我都好似。」

丁太:「彈弓女俠喺家庭崗位上多咗層次嘅,點同丈夫溝通呀,好想同丈夫講想出番嚟做嘢,喺湊仔同追求夢想之間嘅矛盾。我好欣賞佢係雖係有咗婚姻同家庭,但係仍然冇放棄到自己對工作上嘅追求同滿足感,係需要勇氣,去妥協很多才可以達到目標,呢方面都係有啲相似嘅。」

「我Daddy Mummy 係超人!」

粉絲等了14年,對這新遲來的續集固然期待,但千嬅相信Torres一定也會很期待看到這部電影。「佢應該好想知Daddy Mummy做過啲乜嘢,同埋佢應該會好開心,有一啲我工作上嘅嘢可以欣賞同了解得到,我都好期待睇吓佢到時嘅反應!」「我諗佢會好Pround of,返到學校一定會同啲同學講:『我Daddy Mummy 係超人!』

更多精選內容