開刀誕9磅小小王子!葉翠翠教路「長胎不長肉」方法

開刀誕9磅小小王子!葉翠翠教路「長胎不長肉」方法

2005年港姐冠軍葉翠翠2015年7月嫁建築公司董事周曉東(Raymond),之後三年抱兩,去年四月誕下囝囝周津羲(Jake),今年元旦再次宣布陀B,預產期為六月,日前翠翠入院開刀誕下第二胎,母子平安,翠翠稍作休息後在IG上載同老公及大仔「小王子」Jake同小小王子一家四口開心合照報喜,幸福滿瀉,恭喜晒!

撰文:東方新地、Sunday Kiss │圖片:葉翠翠IG | 原文刊於:東方新地

葉翠翠開刀誕9磅小小王子

翠翠留言:「感謝大家的愛護,小小王子來到我們的家庭了!9磅,非常健康!生產過程順利,聽到小小王子的嘩嘩哭聲真的好感動。。 入到產房非常緊張,一直抖震,好緊張,一心想住小王子和小小王子,時間好快便過去。。 現在可以好好休息了。。」

葉翠翠
葉翠翠的小小王子出世,她與老公及小王子一家四口合照,好幸福。

葉翠翠陀B八個月影孕照 肥肚不肥身

陀住第二胎的葉翠翠,今年4月到影樓拍懷孕寫真,她留言說:

「昨天影的大肚相,以美,簡單為主!好想告訴大家,懷孕都一樣可以保持得好好,只要參考我的方法,大家都可以做到!

這一切都是保養得來的,沒有天生麗質這四個字,每天都非常努力嘗試新方法,再同大家分享的,長胎不長肥肉已經成了口號!
第一輯大肚相,小王子初生相,家庭相,現在到了第二輯大肚相都是同一位攝影師!翠翠粉絲有優惠 package。
小王子仲未出場,我知道大家好想睇佢 昨天忙了一整天,小王子半夜 3:30am 醒左,要餵食粥仔,今天真的超級累,要休息一下。。。」

葉翠翠陀B
葉翠翠陀B八個月影孕照,肥肚不肥身!

葉翠翠早前貼超聲波照,她說:「 今天去了婦科檢查,有好消息!胎兒比正常週數大了一點,頭仔大了12天,肚腩大了10天,大腿長了15天,醫生說陀得好好! 各位準備懷孕或懷孕媽媽,真的可以參考我的分享,雖然我不能說究竟是那一個環節起了作用,但只知道我的秘方的而且確係對胎兒有幫助!」

葉翠翠
葉翠翠大晒BB超聲波照!

翠翠早前喺復活節親自幫小王子剪髮,佢大讚囝囝非常乖,全程安靜乖乖,未開始之前還以為會扭計,點知非常配合!

葉翠翠

葉翠翠
葉翠翠親自操刀幫兒子理髮!

葉翠翠親身試驗「長胎不長肉」方法

葉翠翠誕下「夠秤」的小小王子後,亦不忘即時喺社交網同網友分享自己親身試驗的「長胎不長肉」方法。翠翠留言話「我重左29磅,小小王子有9磅,現在真的可以告訴大家我的長胎不長肉食療有效!希望能幫到胎兒過細的媽媽。」

開刀誕9磅小小王子!葉翠翠教路「長胎不長肉」方法
未到預產期 小小王子已經有6磅重

「整個懷孕期終於結束了!感謝大家的支持、祝福和鼓勵,BB出世的時候很健康很「夠秤」,醫生都很替我們高興,並表示現今不是太多BB能夠達到這個磅數,一般平均重量是3.3公斤,所以大部份BB出世時是6磅多至7磅左右。

事實上,我一直有跟大家分享「長胎不長肉」的方法,經過第一及第二胎之後,我可以放心地說「實驗成功」!因為這些方法我都是在自己身上試驗過、認為有效才分享;其實在懷孕期間,飲食習慣及食療等都非常重要,讓準媽媽的身體處於最佳狀態,令胎兒可以在最好的環境下發育。」

葉翠翠則表示「長胎不長肉」的秘訣係,讓準媽媽的身體保持在最佳狀態,懷孕過程中,BB所需要的東西基本就齊備了。而到出生時,BB的磅數自然較理想。媽媽們無需盲目追求磅數,只需要給予胎兒一個足夠的發展空間,最重要的是令胎兒自然增磅的同時又能健康自由發育。

開刀誕9磅小小王子!葉翠翠教路「長胎不長肉」方法

葉翠翠「長胎不長肉」超級食療

「超級蛋白質」食療

葉翠翠自創高蛋白質「超級蛋白質」食療,用阿麻子、阿麻子油以及茅屋芝士,將這些食材攪在一起在食用。不過要留意,有一個頗為尷尬的問題要提醒大家,進食高蛋白質食療,會較常「放臭屁」。

開刀誕9磅小小王子!葉翠翠教路「長胎不長肉」方法

「超級滴雞精」懶人食法

將泡好的花膠、海參,冬蟲夏草,與滴雞精一起燉一小時;燉完後將這個「超級滴雞精」倒落容器內,然後放入雪櫃冷凍一晚。到翌日拿出來,它就會變成啫喱狀,可以將它切成一份份(份量自行調校),用保鮮紙逐份包好、放入冰格,然後每天早上可以拿一份食用。

開刀誕9磅小小王子!葉翠翠教路「長胎不長肉」方法

28-29週 準備好「走佬袋」

不少準媽媽在懷孕中後期都會開始幫自己準備好「走佬袋」,免去,在生B時的手忙腳亂或麻煩家人逐樣運送。葉翠翠就表示自己會在大約廿八、廿九週時,準備好「走佬袋」,無論出現甚麼狀況,就這樣拿著袋子就可以出發了。

除了「走佬袋」之外,翠翠亦提醒要準備好BB用品,例如BB床、衣服等等。佢建議媽媽們可以準備一個有層架的車仔,在層架上放好初生BB的日常用品,例如棉花、紗巾、尿片、尿墊棉花棒等等;到生完BB、回到家中就可以立即用上呢個萬事俱備的換尿區。

開刀誕9磅小小王子!葉翠翠教路「長胎不長肉」方法

葉翠翠:就快生點搬?

葉翠翠話希望再添多個囝囝:「老公鍾意仔,話可以陪他玩。生女會擔心啲,依家有啲女仔12歲就話拍拖,好驚。如果生女,日日都要接佢返學放學,所以生仔會較放心。」不過早前翠翠狂呻鄰居多年來製造噪音,忍無可忍情況下,惟有報警求助,葉翠翠指對方「每早製造噪音,管理處勸喻,警察勸喻,全部無效,反而變本加厲!」

葉翠翠
葉翠翠在FB哭求解決辦法,不少網友都勸佢為咗BB健康,唔好理咁多,盡快搬走。
葉翠翠
陀B近六個月嘅葉翠翠因為情緒受困擾,磅數不增反減咗數磅。
葉翠翠
葉翠翠話佢因為噪音影響,情緒唔穩定,試過攬住阿仔喺度喊,老公都有問使唔使請假照顧佢。

每晚失眠

葉翠翠話自己住喺呢個單位八年以上,以往從來未試過投訴,但今次實在忍無可忍:「每早小王子都比(畀)噪音吵醒,非常影響他的心理生理發展,做媽媽非常內疚,什麼也做不到,導致我出現抑鬱症和焦慮症,並且每晚失眠⋯⋯」又話:「我地(哋)好想搬屋,但我就快生點搬?帶兩個奶樽走?搬去服務式公寓,大公主點算?點解要咁對個大肚婆⋯⋯」網友都好為佢憂心,希望事件可以盡快得到解決,唔好影響到BB健康!

葉翠翠
葉翠翠話好擔心噪音影響囝囝心理同生理嘅發展。
葉翠翠
葉翠翠指近一歲大嘅囝囝Jake每朝早都畀噪音嘈醒。
葉翠翠
葉翠翠話佢哋一家人都好想搬,但擔心搬去服務式公寓,大公主點算?

孕媽葉翠翠 趕追女

選擇於元旦日公佈成功陀二胎喜訊,實情翠翠同老公9月做人成功,等足三個月至敢向外公佈。據悉陀住小王子時過程舒服又順利,比起今次陀二胎完全係兩極,經常疲勞見暈甚至曾出現休克症狀,所以翠翠三個月來極度小心,為安胎唔敢接job,仲臥床足足兩個月。

葉翠翠
養到小王子同一屋貓狗個個肥肥白白雖然係好事,不過為咗陀穩第二胎,葉翠翠新年前兩個月都盡量臥床休息養胎。
葉翠翠
餵足小王子六個月人奶,一停即陀第二個,葉翠翠話請教過中西醫,哺乳期身體會自然停止排卵,好易懷孕。
葉翠翠
抖足兩個月,精神同胃口都返晒嚟,所以日前葉翠翠扮到靚一靚在個人FP分享大肚孕照。
葉翠翠
葉翠翠一直視一屋貓狗為寶貝仔女,今次陀第二胎要卧床,除咗小王子都有貓家姐陪瞓。

疲勞過度險休克

本刊致電翠翠,當事人亦承認第二胎的確比起上次懷孕事狀況連連:「我陀第一胎時一直好多嘢做,生完又冇足夠休息,好似冇嘢,但係再懷孕事就發覺現晒形。成日見暈,有一次仲覺得想休克,好彩個人喺屋企……我有睇醫生,話係疲勞過度血壓低,所以俾自己喺屋企抖咗兩個月、唔敢接工作,更加唔敢抱個仔,直到過咗三個月胃口同精神至慢慢精神番。」話就話唔接job,不過成功再懷孕,FB立即湧入海量訊息詢問懷孕秘技,卧床兩個月一樣冇停手:「真係有好多想懷孕或者不幸小產inbox我,佢哋的確需要幫助,可以做到我都好樂意分享資訊。呢個階段未知道係仔定女,其實仔女我都冇乜所謂,老公又冇俾壓力我。(再陀B有冇獎勵?)梗係冇啦!我生第一個都冇獎勵吖!我老公唔興呢啲,生日同紀念日唔提都一定唔會有禮物收。不過識佢第一日已經係咁,重點係只要我出到聲,佢係半夜兩點都會出去買雪糕俾我嗰種人囉!」

葉翠翠
16年開P陀緊大仔,17年聖誕又有咗,不過在家中休養安胎的葉翠翠都有幫手包聖誕禮物。
葉翠翠
發現懷孕後,葉翠翠自稱零工作全力休養,直到過咗兩個月才復出,為無綫拍攝賀年飲食節目。
葉翠翠
女人要補,孕婦更加要,每餐飯都必跟益生菌、葉酸、鈣片同蟲草。翠翠話為咗補身兼補胎,葉翠翠每日都勤力焞補品煲湯水,以前會每日三個鐘自製雞汁,依家就日日煲湯,強力推薦有安胎補血作用的桑寄生藍棗蓮子百合茶。而身體健康唔係日日蘋果沙律咁簡單,尤其係孕婦雖要更多能量,所以臨瞓前亦都唔怕加多餐宵夜。
葉翠翠
孕婦除咗營養夠最緊要心情輕鬆開朗,為咗氹自己開心,葉翠翠話最愛魚生海膽一樣可以食,不過最緊要係新鮮安全。

更多精選內容