楊張新悅 想三個女學好普通話

楊張新悅 想三個女學好普通話

圈中很多父母生三個,繼徐子淇、梁洛施、Bob 林盛斌徐淑敏後,下嫁前教育局政治助理楊哲安的張新悅(Nicola),同樣育有三個寶貝女Lucy(6歲)、Lily(4歲)和Leah(5個月),細女上年9月尾才出世。已退出娛圈、冠上夫姓,專心相夫教女的楊張新悅,坦言三個夠晒數,不會再追仔,現在五口之家充滿愛,人生好完美。

Nicola 自小聽明伶俐,港大法律系畢業,陀二女時轉讀環境管理碩士,並以全班第一名畢業,之後走訪社企及商業機構講talk宣揚環保,口才了得,她希望三個女能學好兩文三語與人溝通,尤其身為中國人應加以學習普通話,到內地做慈善工作,都能發揮所長。

楊張新悅早前帶同三個女支持丈夫跑半馬,丈夫揚言為家人而跑,兩夫婦覺得現在一家五口的生活幸福美滿,每日都覺得世界很美好。
楊張新悅早前帶同三個女支持丈夫跑半馬,丈夫揚言為家人而跑,兩夫婦覺得現在一家五口的生活幸福美滿,每日都覺得世界很美好。

湊三個女︰似天堂做奴隸

本身是獨女的Nicola,與丈夫渴望有個大家庭,2007年婚後即展開造人大計,七年間誕下三女,「我哋都鍾意大家庭,但生完第三個就覺得,大家庭係無比快樂,亦係無比嘅,每日係好快樂滿足咁,我哋成日話我哋喺天堂做奴隸,天堂係美好,但做到奴隸咁,湊三個日夜冇停手。」
Nicola形容大女Lucy和二女Lily性格相近,都是爽朗多言的人,但6歲的Lucy開始有兒童心事,「佢哋好似我鍾意講嘢,但每個階段有唔同,大女開始明白咩叫尷尬,俾人笑會唔開心,有啲心事嗰個階段,我要經常解釋, 亦要俾佢知道父母好錫佢, 令佢感覺到愛,唔好因為小小事唔開心,咁會好痛苦,要教佢用最少時間令自己開心番。」

她們家住薄扶林,一有時間就到附近行水塘,睇睇靚瀑布,兩位家姐更會幫手帶奶樽尿片,一齊湊妹妹去玩。
她們家住薄扶林,一有時間就到附近行水塘,睇睇靚瀑布,兩位家姐更會幫手帶奶樽尿片,一齊湊妹妹去玩。

大女有心事 二女爽朗

相比家姐,Lily比較男仔頭,好多古靈精怪想法,「佢係好得意爽朗,講嘢好好笑,好似佢最近同我講,『媽媽,新年一定要着紅色衫,因為新年怪獸驚紅色,如果唔係佢會食咗我哋!』我就問點解怪獸新年先嚟嘅?佢就話:『媽媽,因為佢叫新年怪獸!』聽完覺得佢好傻,唔知佢點諗到,哈哈!人哋A for Apple,B for Boy,佢就B for Bee,T for Tea!」

去到第三個,Nicola已好有經驗, 覺得細女Leah算易湊,並開始睇到性格,「佢好直接,想食嘢同瞓覺係有某一個聲,只要一聽到個聲就知佢想點,已經好識溝通。」兄弟姊妹難免有爭寵情況,但她們仨之間絕無爭寵及呷醋,Lucy和Lily反而爭着湊妹妹,Nicola沒好氣道,「佢哋係呷我醋,話我霸住BB呀。」

5a {"IPTC-DATA":"NMG","data":{"photoID":2016661}}

(左圖)Nicola丈夫楊哲安為前任教育局政治助理,現從商做獵頭公司執行總監,卸下政府包袱,有更多時間陪伴家人。

(右圖)Nicola覺得香港狹窄,小朋友常困在細小室內好易有近視,必須多帶小朋友到戶外活動睇遠景,對眼睛及身心發展都有幫助。

讀環保拯救地球

Nicola是高材生,港大法律系畢業,陀二女時重拾書本,棄法律轉讀環境管理,亦為女兒做到一個好榜樣。「以前讀法律唔知自己讀緊乜,嗰時個個都話做律師好呀,讀法律啦,咁我就去讀,渾渾噩噩過咗大學生涯,生第二個女嗰時覺得係時候進修,俾多次機會自己用心讀書,當時大肚係最好時間,又唔會出街做啲咩,又冇返工,最好係讀書啦,就用咗兩年時間讀。」

「我想拯救地球,好老土㗎我!」她笑稱細個想做醫生,但怕血做不到,又想救「某啲嘢」,長大後就想到拯救地球,「對生活環境嘅要求,同經濟應該成正比,香港經濟體系同歐洲差唔多,但對環境要求低,所以香港呢方面仲有好大進步空間,我自己睇吓有咩幫到手。」

Nicola覺得自己的得着比女兒更多,「今次係好好嘅人生體驗,佢哋仲細未好深入了解,反而係我得着較大,知道自己應該點教小朋友,好多嘢都係得來不易,要付出先有收穫。
Nicola覺得自己的得着比女兒更多,「今次係好好嘅人生體驗,佢哋仲細未好深入了解,反而係我得着較大,知道自己應該點教小朋友,好多嘢都係得來不易,要付出先有收穫。

名牌紙盒做勞作

她常走訪各區講環保講座,教女亦有灌輸環保訊息,她笑言自己是「環保傻媽媽」,在家堆放了許多垃圾給囡囡玩,「好多品牌邀請我出席event,咁名牌嘅packing十分靚啦,盒呀、邀請卡呀都用好厚好靚紙,學校一有勞作要整乜整物,突然要張粉紅色紙好難搵㗎嘛,既然要特登買,不如我平時收集好,所以好多勞作係用Gucci、Van Cleef & Arpels等好多唔同品牌嘅紙,其實對阿女嚟講都係一張厚紙。」

還有一大堆護膚品化妝品,她統統不放過,每次用剩的空樽她會洗乾淨,當做女兒的玩具,「佢哋會拎嚟裝顏色,溝吓唔同顏色好似做實驗咁,又可以用筷子敲唔同空樽當敲擊樂,其實我冇話要用啲樽做咩,只係話俾佢哋聽,呢啲就係玩具,佢哋就會自己發揮,玩具都唔使買。」

10 11

(左圖)Nicola覺得好多所謂勞作玩具包有齊材料,欠缺創意,寧願儲一堆廢物給女兒發揮創意,今次兩女利用廢物製作了一架飛船。

(右圖)兩女利用媽媽的護膚品空樽做實驗。

聖士提反重品德美術

兩女現就讀熱門學校聖士提反女子中學附屬幼稚園,Nicola指好難把該校的課程與其他學校比較,不知道程度深淺,但可以肯定女兒返學開心,對課程有興趣,返家會自發做功課。「唔會忙到12點都未瞓得,功課量合理,另外學校好重視品德、親子同美術呢三方面,我都覺得好重要,好似美術係發揮小字宙嘅途徑,因為小朋友未識用其他方法表達。我會由得個女自己整嘢,我唔會控

制,只會輔助佢例如貼嘢要用呢隻膠紙,膠水黐唔到嘅,雖然製成品好核突,但佢用自己方法喎。」

兩姊妹性格活潑,有時活潑到不肯瞓覺,媽媽常催迫她們9點前一定要睡。
兩姊妹性格活潑,有時活潑到不肯瞓覺,媽媽常催迫她們9點前一定要睡。

棄flash card實戰學語言

Nicola重視一家人溝通、講道理,而語言是溝通橋樑,她希望女兒好好學習兩文三語,「語言係了解文化同溝通,廣東話係我哋
母語,所以廣東話一定要最流利;第二係英文,要同工人姐姐溝通,喺香港亦好重要;第三就係普通話,身為中國人需要學好普通話,一有機會接觸就學,最好可以同內地小朋友做同學仔,有機會就到內地旅行,明白語言嘅重要性。
到內地不是常常有機會,所以Nicola報讀了兒童普通話教學中心Mini Mandarins,睇中課程有情景教學,可以實戰講普通話,「睇書只能夠學某啲嘢,但實戰先有用,我冇理由逢周末帶個女返內地講㗎,所以能夠喺一個小小區域玩情景學習,好似

超級市場,就可以學到點樣禮貌購物。」
Nicola教女不用flash card,一有時間就叫女兒放下功課出街玩,「我完全唔俾識字卡小朋友,要識呢個字大個一定會識,但
大個會唔會四點鐘去公園玩?未必有機會,點解唔好好把握依家自由嘅童年時間呢?郁多啲對身心發展都好啲,語言可以慢慢學,唔能夠一步登天,但我希望訓練阿女由語言、計數、讀書、人生,全部都自發性學習,發掘當中樂趣。」

女兒漸漸長大, Nicola 開始教導責任感及 金錢概念,設立了儲印仔計 劃,每完成一件家務就獲一個 印,「唔係換衫刷牙呢啲必須要做嘅事,例如煮早餐俾家人、幫手鋪枱五次就有一個印,儲夠10個印就獎50元買嘢,教導佢哋有收穫就要付出呢個道理。」
女兒漸漸長大,Nicola 開始教導責任感及金錢概念,設立了儲印仔計劃,每完成一件家務就獲一個印,「唔係換衫刷牙呢啲必須要做嘅事,例如煮早餐俾家人、幫手鋪枱五次就有一個印,儲夠10個印就獎50元買嘢,教導佢哋有收穫就要付出呢個道理。」

●撰文:Ling
●攝影: 溫俊鏘(部分相片由受訪者提供)

場地:Mini Mandarins Learning Centre(tel: 2320 1128)

更多精選內容