張衛健 張茜共同面對兩度流產  細數10對圈中恩愛多年夫妻

張衛健 張茜共同面對兩度流產 細數10對圈中恩愛多年夫妻

「大帥哥」張衛健闊別22年再演TVB劇《大帥哥》播出口碑不俗,而張衛健跟太太張茜當年因拍劇結緣,張衛健跟張茜結婚11年,二人經歷流產喪孩之痛,度過不少風浪,張衞健對太太專一如初,有指張衛健送贈北京5000呎豪宅予張茜,絕對是愛妻號。

撰文:東方新地|圖片:新傳媒圖片庫、朱茵黃貫中微博 劉青雲IG | 原文刊於:東方新地

1.張衛健 陪伴太太經歷兩次流產

張衛健與張茜,一個來自香港,一個長在內地;一個來自單親家庭,一個從小受父母寵愛。不同家庭背景與成長經歷的人在片場相遇。至今兩人已經相識20年,結婚了11年,兩人的愛情經歷了很多波折。

1998年,張衛健與張茜相識,兩人共同出演電視劇《陳夢吉傳奇》,兩人有很多對手戲。張衛健經常主動找張茜一起對台詞,後來張衛健對張茜產生好感。當拍攝完《陳夢吉傳奇》後,張衛健邀請張茜一同去泰國旅游。在異國他鄉快樂地遊玩之餘,張衛健直言不諱地問︰「如果有天我真的破產,我們是否還能在一起?」張茜毫不猶豫地說:「本來我現在跟你在一起時,你也不是很富有!」短短一句話卻重如泰山,讓張衛健倍感溫暖。

v.wxrw123.com

張衛健曾對婚姻極度抗拒

直到2004年,張茜覺得已經拍拖數年,是談婚論嫁的時候,而且她還希望早日生個小孩,圓自己的母親夢。可每當張茜提到結婚生子這個話題,在不幸福的家庭中長大的張衛健,對婚姻極度抗拒,所以總是刻意回避,表示心中根本沒想結婚的事情,更談不上要生兒育女。面對張衛健潑來的冷水,張茜一怒之下搬離兩人的愛巢,兩人的戀情就此告一段落。

v.wxrw123.com-2

自從和張茜分手後,張衛健一直對張茜念念不忘,終於忍不住寫了封信給張茜。表示理解張茜的心思,知道女人們都是希望自己可以有個好歸宿,又指自己一直在克服障礙,拼命工作是他的逃避方式。張茜看著信,感動得淚如雨下,便打電話給張衛健,第一句話便說︰「從今往後,無論什麼時候,出現怎樣的情況,潮起潮落我們都一起度過!」

後來張衛健回到北京,決定向張茜求婚。張衛健並不是一次求婚便成功,由於第一次求婚連戒指都沒有準備,雖然張茜答應了,但他怕太太埋怨,於是又求了第二次婚。其實早在張衛健遇上股災瀕臨破產時,看到張茜對他依然不離不棄,張衛健一早已認定了張茜。

TUNGSTAR1440425拷貝

2007年,張衛健終於跟張茜在北京註冊結婚。之後一年,張茜懷孕,卻在懷孕8個月時,醫生發現張茜腹中女嬰心跳不正常,張茜告知張衛健。張衛健馬上丟下工作返回北京。當他抵達醫院,腹中的女兒突然停止了心跳。兩人哭得天昏地暗。此刻,張衛健體會到人生中從未有過的緊張,他非常擔心張茜流產後會出現心情抑郁,因而推掉一切工作,24小時寸步不離地陪伴著她,全心全意照顧太太的身心靈。

TUNGSTAR1752655拷貝

求婚兩次 婚禮選址暗藏愛意

那時,張衛健亦決心不再隱瞞,要把舉行婚禮的喜訊告知天下,徹徹底底地給張茜一個名份。張衛健還對張茜說︰「這麼多年,我拍過電視劇、電影,出過唱片,唯一沒有做過的就是結婚!我要辦一個最浪漫的婚禮,讓你在2009年農歷新年前做一個最幸福的新娘!」令張茜高興極了。

TUNGSTAR1751087拷貝

2009年,張衛健在菲律賓補辦大婚。婚禮選址在有四百多年歷史的菲律賓聖奧古斯丁教堂中舉行,寓意著兩人的婚姻屹立不倒。

2TUNGSTAR1751087拷貝

共同面對兩度流產

2014年,張茜再次懷孕。這次兩人加倍小心,可惜懷孕8個月後,孩子還是走了。一對經歷了兩次流產的夫妻,確實是受到很大的打擊。

時至今日,太太流產一事對張氏夫婦陰影猶在:「如果上天讓我倆選擇,一是我們一擊即中有小朋友,或永遠不會再有小朋友,我寧願選後者,因為我們曾經歷傷痛的回憶,不敢再去面對多一次。」但這件事並沒有影響到兩人的感情,還經常在微博上分享兩人同行旅遊的照片。

71d2867dgw1ezb4pzg5b7j20qo0zkahx

兩人結婚11年,還能恩愛如初,可謂圈中的模範夫妻!

71d2867djw1f4brk88ex9j20ku0rsgox

2.朱茵 全力挺夫

多年來朱茵對阿Paul的支持未停過,近年她復出幕前依然吃得開,更不時出面力撐阿Paul的所有演出與工作。上月阿Paul與夏韶聲、單立文等人在紅館舉行一連兩場《搖滾大俠奏HKBAND演唱會 》,右眼爆微絲血管的朱茵唔止帶埋黃鶯捧場,仲讓囡囡上台獻花,阿Paul接過花後跪低抱著愛女,父女更當眾錫錫。

朱茵

近年朱茵阿Paul簽同一經理人發展,早前夫妻檔拍廣告,仲出動埋家中愛犬,主力sell溫馨。

朱茵

恩愛20年

每年大時大節或朱茵生日,阿Paul都在社交網po相示愛,盡顯鐵漢柔情一面。

去年12月,朱茵憑內地電影《二次初戀》勇奪中美電影節影后,阿Paul在慶功宴上啜爆老婆。

朱茵

今年情人節,阿Paul又寫詩冧朱茵,閃爆社交網。

3.劉青雲 郭藹明慶瓷婚

劉青雲同郭藹明(Amy)這對圈中模範夫妻,自94年拍拖,98年6月17日拉埋天窗,早前正正係二人結婚20周年,恭喜晒!這對令圈內、圈外人人羨慕的夫婦,結婚20年依然恩愛甜蜜,兩人婚姻的保鮮秘技,原來要多得雙碩士港姐老婆郭藹明,持家有道之餘仲溫柔識撒嬌,成功將老公治得貼貼服服!

結婚20年,劉青雲和郭藹明這對今年步入「瓷婚」的圈中模範夫妻,至今行街仍會甜蜜拖手,恩愛羨煞旁人,能夠令婚姻保鮮,劉青雲坦言全靠老婆郭藹明功勞,他大讚老婆說:「太太係我人生最好嘅禮物,佢好聰明,我鍾意咩、唔鍾意咩,唔使講佢都一清二楚!」

人生最大膽一次

事實上,當年鼓起勇氣追求現任劉太,劉青雲曾表示這是他人生最大膽一次。據知情者透露:「青雲同Amy 拍《大 時代》嗰時仲未拍拖,佢兩個喺埋一齊都係多得周慧敏撮合,94年Vivian開演唱會,因為知道青雲對Amy有意思,就邀請佢兩個一齊去睇演唱會,幫青雲製造機會,不過之後青雲再約會Amy,都要鼓起好大勇氣,始終當時Amy有學識又靚,而青雲事業先啱啱起步,冇車冇樓,第一次約 Amy去街,青雲仲硬住頭皮叫Amy揸車去接佢,然後一齊食飯,所以到依家佢都成日提起,好感激老婆當時冇嫌棄佢!」

復出要問准老公

眾所周知,郭藹明是美國南加州大學機械工程學雙碩士,當年Amy為青雲放棄工程師工作。想不到人妻婚後至今,仍然為陪老公放棄復出;三年前《大時代》翻播,一眾演員被炒熱,當時就有唔少人邀請Amy復出。Amy友人透露:「嗰時同無綫都出嚟傾咗幾次,不過除咗睇角色, Amy最著重係時間,講明一定要就咗老公檔期先,最後都因為怕困身陪唔到老公,所以傾唔成!」事事老公行先又識得撒嬌,相信就是郭藹明維繫甜蜜婚姻最佳秘技!

4.吳岱融 鍾淑慧 結婚23年

吳岱融與鍾淑慧結婚23年,婚姻也曾因摩擦出現暗湧,年初他曾推出情歌〈回去愛你十億秒〉送給他眼中賢良淑德、默默付出的老婆鍾淑慧,更夫妻檔拍MV,情到濃時咀嘴,MV更由囝囝負責剪片。

吳岱融

吳岱融

吳岱融

互相扶持23年

89年拍拖,95年結婚,吳岱融與鍾淑慧經歷23年的婚姻,感情亦曾有過高低起伏,97年兒子Justin出世,二人忙著工作,兒子從小由婆婆湊大,不過近年他們一直把他帶在身邊,早年在國內奔波,夫婦二人決定定居番禺,安排兒子入讀當地的國際學校,前年Justin要返新加坡服兵役,吳岱融又陪仔返老家定居兩年,一家三口感情深厚。現在到吳岱融要留港搏殺,妻兒都在背後支持。

吳岱融

吳岱融

吳岱融
吳岱融夫婦不時去泰國芭堤雅度假,近年更在當地買下一間向海的度假屋,一有時間就飛去享受陽光與海灘。

吳岱融

吳岱融
最近一家三口搬到沙頭角的三層高獨立屋,地下大廳非常闊落,吳岱融不時招呼親朋戚友在家聚餐聯誼。

5.苗僑偉戚美珍 恩愛28年

外表睇唔出已經「登六」嘅三哥苗僑偉,同老婆戚美珍原來結婚已有28年,依然咁恩愛,三哥嘅大女苗彤亦都27歲大個女,前年仲成為港姐嘅御用攝影師,而24歲嘅囝囝苗俊就長駐喺加拿大。

苗僑偉

一定照顧她一生一世

其實從以前開始三哥畀人嘅感覺已經係好瀟灑、成熟穩重,82年苗僑偉同戚美珍合作《飛越十八層》擦出愛火,90年結婚至今已經28載。雖然三哥間唔中都會傳出緋聞,但戚美珍依然相信三哥,三哥接受本刊訪問時曾經講過:「佢 (戚美珍) 為我生小朋友,每個人年紀都會大,樣貌會變,冇理由生完小朋友就丟咗佢,做男人要學識承擔,同你生活咁多年,唔可以半途拋棄佢,結婚時已經係一個承諾,我同太太經歷過好多風浪,一定照顧佢一生一世。」深情告白,難怪兩公婆能夠恩愛如此。

苗僑偉

苗僑偉

苗僑偉

當年嘅三哥同三嫂!

苗僑偉

82年 拍《飛越十八層》定情

82年苗僑偉同戚美珍喺《飛越十八層》擔任男女主角,三哥更一人分飾兩角,劇集大受歡迎,除令兩人走紅外,亦係兩口子定情之作。

苗僑偉

87年29歲嘅三哥三嫂繼《飛越十八層》後,喺古裝劇《天龍神劍》再以情侶檔姿態示人,劇中兩人著古裝奉旨談情,份外溫馨甜蜜。

苗僑偉

苗僑偉、黃日華半裸露點同師妹戚美珍大玩3P型格合照,當時已同戚美珍拍拖,相中黃日華仲keep住《過客》髮型,當年男星未流行爆肌,難得一見二人騷胸肌,勝在罕見。

苗僑偉

6.梁家輝同老婆恩愛31年

60歲梁家輝與太太江嘉年87年結婚,至今恩愛足31年,早前5月20日,囡囡Chloe同Nikkie特別為兩人親手炮製咗一個靚靚蛋糕嚟慶祝,梁家輝仲一邊攬實老婆,一邊伸晒脷咁同老婆鬼馬合照,動作充滿童真。

梁家輝

梁家輝

之後佢又捉實老婆手仔一齊切蛋糕,認真sweet!

梁家輝

梁家輝

31年前嘅擺酒相,值得紀念!

梁家輝

梁家輝

仲有梁太江嘉年後生時嘅靚相,相當珍貴!

梁家輝

梁家輝

日常嘅恩愛照。

梁家輝

梁家輝

好sweet呀!

梁家輝

梁家輝

7.馬德鐘同太太 結婚25年

早前,馬德鐘50歲生日,翌日又係佢同太太張筱蘭結婚25周年紀念(銀婚)嘅大日子,馬太喺微博上載咗多張二人由拍拖到結婚嘅相片,並留言話:「由12歲開始認識你,到今天與你結婚步入4份1世紀,感恩一直同行。人生就是要將今天活得比昨天好。銀婚快樂!」

連當年前G4馬德鐘學堂畢業照都有!

而馬德鐘亦有轉載太太嘅發文,仲留言回應番老婆:「必須要每天都過得比昨天好。」好恩愛啊!

8.黎耀祥結婚近21年

三屆視帝黎耀祥同老婆梁耀蓮(Julia)結婚近21年,一直咁恩愛,問黎耀祥夫妻相處之道係點?佢話:「我哋相處係OK嘅、舒服嘅。學習啦,我成日覺得做人都係不斷嘅學習,做老公、老婆、仔女都好,因為無經驗,大家都係嚟到呢一世先識嘅啫,上一世點做我又唔記得咗,所以教仔嘅方法、同老婆相處嘅方法,其實每日都學緊。係咪好恩愛?其實我哋都有衝突㗎,一樣嗌交、一樣有唔開心嘅時候,我同我太太好明白,兩夫婦點樣走埋人生嘅路,最緊要大原則要好相同,譬如對錢銀、人生嘅步伐要同步或者近似,好彩我哋喺價值觀上都幾一致,又唔係太過緊張、又唔係太過hea,兩個都係積極做好自己嘅嘢,知足、努力,變咗兩個人行一條路,比較容易行。其實大家都知婚姻去到尾真係一個伴,個伴要啱,先至係一個伴,如果唔係盞搞,搵個人嚟喺身邊嗌交,咁不如自己一個好過啦!哈哈哈!」

黎耀祥
身在橫店拍國內劇三個月,入住劇組安排的服務式住宅,太太同行陪開工,黎耀祥謂:「OK㗎、冇咁悶吖嘛!」黎太則笑言,「除非我死咗嘅啫!我呢啲辛苦命。」恩愛羨煞旁人。

有break就返屋企食飯

講到黎耀祥夫妻將親子關係做得好好,同囝囝都好close,黎耀祥直言:「OK㗎,其實我好著重,因為我成日覺得,好多人成日話為家庭做好多嘢,但到最尾忘記咗家庭,我分好多時間畀屋企,好彩我個人冇乜應酬,我唔係好鍾意應酬,又冇乜朋友,以前我收工就返屋企,有個break就返屋企食個飯,變咗我同個仔相處嘅時間好多,到佢大個,就會同我哋close好多。」

黎耀祥
黎耀祥向來將兒子帶在身邊,拖手逛街、甚至同往片場開工,「我個仔成日跟住我哋,有好多藝人唔肯帶小朋友,我覺得做咩啫,又唔係做賊!係公眾人物就係公眾人物,你唔可以話『冇人識我哋嘅!』點可能啫?正正當當,畀佢行一條正常嘅路。」

9.姜大衛李琳琳結婚44年

姜大衛同老婆李琳琳結婚44年,出名係圈中模範夫妻,11年李琳琳患上大腸癌,姜大衛停工悉心照顧老婆,陪她捱過最辛苦的化療期,姜大衛坦言:「嗰段時間我的確係好擔心,唯一可以做嘅就係共同面對,40幾年感情,其實唔需要講出聲都知,大家都係冇咗對方唔得!」

姜大衛

早前姜大衛就陪老婆恩愛出巡,當日John哥駕車同老婆到又一城,原來是約了岳母及老婆家人吃越南菜,即使全女班,John哥亦唔介意融入女人堆,同班女人有傾有講,之後老婆想行街,更做跟得老公陪老婆去揀化妝品,任老婆慢慢揀慢慢試,等足半小時一樣毫無怨言,然後再做司機接載大家,老夫老妻仲咁恩愛,的確羨煞旁人。

姜大衛

姜大衛

10.姜皓文同老婆殷寧 恩愛18年

姜皓文與殷寧(原名金慧英)結婚18年,人前人後表現恩愛,去年結婚周年紀念日,黑仔更送上檳城一層樓給殷寧,揚言要與摰愛「牽手相伴甘苦與共」。黑仔對於老婆多年來的遷就更是感恩,雖然時有嘈交,不過二人很珍惜這段關係。

姜皓文
早前二人一起去日本福岡浸溫泉食好嘢,當作是金像獎前夕出埠減壓。
姜皓文
15年在殷寧計劃下,夫婦二人外遊慶祝結婚周年,更影了一輯sweet爆的婚紗相。
姜皓文
為支持黑仔的電影事業,二人不時孖住出席首映及公開活動放閃。

拍拖行名店

黑仔笑言同老婆結婚十八年嚟成日嗌交:「初初結婚唔識得點去珍惜,唔識點去處理婚姻生活,兩個人生活,唔係咁簡單,唔係話住埋一齊,你就我、我就你,真係有種節奏喺度,大家要配合得好好。我覺得最忌一樣嘢,兩口子點樣發脾氣、點樣惡都好,唔好講啲真係太傷人嘅說話,一次就你、兩次就你,三次就真係唔得㗎嘞,唔可以郁啲話離婚、分開,千祈點嬲都要忍住唔可以講,除非你唔想段婚姻長久落去啦!老土啲講句人氹人係OK嘅,個節奏咪大家盡量去配合囉!」

姜皓文
早前黑仔現身中環IFC,手持一袋戰利品的他撳住手機快步行,原來是趕住去會合在商場內的老婆殷寧。
姜皓文
黑仔與老婆見到本刊記者一直保持笑容非常友善,入到𨋢仲直豎拇指扮鬼臉。

姜皓文

去年10月,姜皓文趁結婚18周年,喺馬來西亞檳城買樓送畀太太。

姜皓文
對於太太金慧英近年改名殷寧,黑仔話:「佢覺得個名靚,貪玩啫!」

愛玩煮飯仔

問佢閒時同太太做咩多?黑仔回答:「我有我,佢有佢,哈!佢鍾意啲花花草草,好鍾意魂遊太虛諗啲佢自己世界裡面嘅嘢,但係每年我哋都會一齊放假去旅行,因為我哋生日同結婚周年連住幾日,平時就一齊煮吓飯,依家我唔鍾意出街,飲酒又唔揸得車,我依家都少飲,因為我好控制唔到自己,我會追酒飲,飲完亂晒籠,又斷片,好恐怖㗎,試過同朋友返內地飲酒,飲到唔見咗我,我去咗第度唔知同邊個飲,瞓醒褲袋一大疊咭片,所以好危險。」

姜皓文
姜皓文閒時會同太太殷寧一齊煮吓飯仔。
姜皓文
問到拍咁多戲,有冇女埋身?黑仔話:「冇呀,邊有咁多女埋身,咁犀利咩?除咗以前曳吓之外,咁耐都真係未試過。」

更多精選內容