小花首做「貓Blogger」 率先試食超美味新口味貓糧
廣告
天天與小Claire講故事，故事都說貓貓愛吃魚，但現實與故事總是兩樣，無論是我家小花，還是朋友們家中的貓貓，全部都對魚「不聞不問」，狠狠將故事書中「貓兒愛吃魚」的不明文定論全部推翻！那小花愛吃甚麼？她只愛吃貓糧，唯一能令這位花婆婆動心的就是Mon Petit的「貓貓湯」！
話說我家花婆婆絕對是「佛系貓」，不扭抱，不愛玩，不為食，不嗲人，緣份到，自然會「Meow」你一聲！她說甚麼都提不起興趣，玩具、抓板、新鮮魚肉、人類……超佛系，唯獨「貓貓湯」一出，即時從遠處跑出扭食，跟神蹟無異！為此Zoe媽我一知道MonPetit有新品發佈會，就算「小花」現在已變「肥花」，我就不怕辛苦，更特別買了新貓袋一個，長山水遠帶她與小Claire到長沙灣去試新口味yummy mum mum！
MonPetit Hong Kong春．夏新品發佈會一口氣盡show幾款新品，包括第一次推出的乾貓糧，還有極尚料理包（好似omakase一樣咁矜貴），仲有「睇見都想食埋一份」的新口味肉醬包，好吸引呀！花婆婆雖然已6歲，一把年紀學人做「貓Blogger」，未見過大場面自然有啲「驚驚貓」，一出袋就直飛入梳花底匿埋，「活捉」入袋後，就不肯再走出貓袋一步！小Claire一於唔理家姐，全情投入玩遊戲，仲贏到獎品，幫小花贏多幾包好味極尚料理包！再玩埋D.I.Y檯燈活動，仲食到好可愛的貓貓糖，大滿足呀！
做得「貓Blogger」就梗係有試食環節，一將乾貓糧倒落食物盤，其他小貓貓都「驚驚」唔敢食，花婆婆一於少理，一貓當先成為全場第一次食到「jup jup聲」的小貓，三兩下就一貓清盤！講番個乾貓糧，細細袋好方便，帶小貓去街去朋友家時帶定一包，就唔怕餓親花婆婆！乾貓糧仲有3種口味：小魚口味、海鮮口味與毛球配方，我就揀了小魚味畀花婆婆，合晒佢心水！
以為花婆婆食飽飽，錯！一到肉醬出場，小Claire餵佢食完一包又一包，連沾在Claire小手的醬汁也絕不放過，狂舔到乾乾淨淨！回家後我們隔天「請」小花吃一包，她一見醬汁就超興奮呀！
