日本Hello Kitty新幹線 大阪搭乘3大貼士|試坐報告:勁多影相位、男人多過女人

【日本親子遊】日本Hello Kitty新幹線 大阪搭乘3大貼士|試坐報告:勁多影相位、男人多過女人

親子好去處

廣告

各位Kitty粉絲請留意!行走大阪至福岡的Hello Kitty新幹線已經正式登場,各位吉蒂fans去大阪的話,就可以試Hello Kitty首輛新幹線列車,不一定要去福岡,只乘搭部分車程亦可。

原文:f@新假期|相片:Gettyimages、Joana

Hello Kitty新幹線報告:男人多過女人

編輯部訪問了一位Hello Kitty超級fans Joana,她於通車翌日7月1日就衝去試坐Hello Kitty新幹線,她表示首日來朝聖嘅以電車男鐵道迷居多,男人多過女人,並總結出以下乘搭3大貼士!

Hello Kitty新幹線暫定行駛至9月,每天來回新大阪至博多。(相片來源:Gettyimages)

貼士01|預早入場影車身

Hello Kitty新幹線行駛新大阪至博多,每日對開一班,網上有詳盡開車、到站時間,作為fans的Joana早半個鐘就入閘,點知勁多電車男覇晒月台上靚位等火車入站!

粉紅色列車超搶眼,不過當日月台勁多fans瘋狂影相,要等埋站才可跟車頭合照!

車身有齊各縣Kitty嘜頭

Hello Kitty新幹線列車車身,除了粉紅色絲帶貫連,仲有關西至福岡之間各個縣的特色Kitty,例如大阪Kitty會拎住章魚丸,福岡就拎住士多啤梨,Joana話列車埋站後好忙碌,要由頭至尾走一趟先可以上車!

除了縣代表Kitty,當然唔少得位於車頭的Kitty車長啦!(相片來源:Gettyimages)

Joana:「列車未入站時,千祈唔好企响月台邊呆等,因為月台小店有不少為新幹線推出的產品,除了趁火車埋站16分鐘的清潔時間由車頭走到車尾影一轉車身,仲要影埋車門掛上的「清掃中」掛牌,所以記得提早入場!」

貼士02|即場買自由席車票都得

Joana表示,出發前上網預訂了指定席車票,希望確保有得上車,但其實唔需要!「我的指定席位置在第卡4列車,但Kitty布置很少,原來主要布置都在第1-2卡,於是把手一橫走去車頭,果然第1-2卡車廂迫滿了fans瘋狂影相!」

走上第1-2卡才發現地板都係Hello Kitty!!!!後排車廂係無㗎囉!
除了椅子的頭氈有Kitty,車廂都有好多貓樣。
只有第2卡的自由席有貓樣,所以唔一定要指定席㗎!(相片來源:Gettyimages)
第2卡車廂行李存放櫃後方,有齊手持各縣名物的Kitty。(相片來源:Gettyimages)
必影Kitty車長!
行李架上方Kitty家族。

建議如果去開大阪旅行,又想試下搭短途Hello Kitty新幹線的話,可以在車站即場購買新幹線的自由席車票,排隊上第2卡影相,再去第1卡商店買紀念品。

車廂之間的位置都有Kitty蹤影,不要影漏!
車窗上的Kitty Ribbon

貼士03|半小時車程唔夠喉

Joana買了由新大阪往姬路的車票,乘車時間約半小時左右,但她表示時間唔多足夠:「單是頭兩卡車廂已經有好多Kitty布置和影相位,專程來影相的乘客又多,每個位都要輪住影相,之後又要排隊買手信,影得興奮之際,一抬頭原來已經到咗姬路,要下車了!」

過咗呢道門,就係第1卡賣紀念品的車廂。
精品店大排長龍,記得要預留時間購物,否則趕唔切落車!

不過,作為Kitty鐵粉的Joana表示,車上的精品唔算豐富,她只購入了文件夾、鉛芯筆、和扭蛋,貨架上的貨品主要是關西各縣的特產,未必有Hello Kitty個嘜頭。

Kitty新幹線主力宣傳JR西日本各個縣城的觀光名物。
貨架上有Kitty便當,Joana後悔當日沒有買到。
不少縣市的精品都無Kitty樣,唔夠吸引。

Kitty新幹線mt膠紙帶是搶手精品之一!

Joana入手精品:膠文件夾、鉛芯筆、扭蛋和紀念小冊子

落埋博多 幫襯Kitty Cafe

假如時間許可,可以由大阪直落博多,去埋6月初已開店的Hello Kitty Shinkansen Cafe,cafe位於車站閘內位置,行過少少仲有Hello Kitty Marche專賣精品,如果打算即日來回大阪福岡,建議買7日用JR West的「山陽&山陰地區鐵路周遊券」JR Pass,因為一程新大阪至博多就要14,480円,用Pass玩足7日關西至山陰、山陽地區才19,000円!

Hello Kitty新幹線行駛日程

遊大阪可以買來回岡山或新倉敷的車票,可以坐車1小時,應該夠影相㗎喇!或者購買5天任用的「關西廣域鐵路周遊券」JR Pass,9,000円玩埋其他關西廣域地區,最抵玩!

以下是Hello Kitty新幹線7-9月的行駛日,留意7月18-20日、8月8-10日列車都不行駛,10月後的運行情況有待公布。

Hello Kitty新幹線時間表

新大阪->博多

博多->新大阪

Hello Kitty新幹線
網址:www.jr-hellokittyshinkansen.jp