免切免洗蘋果 小朋友健康零食

免切免洗蘋果 小朋友健康零食

3姊弟成日冇時停,食完正餐冇耐就嗌肚餓,但坊間大部分小食 / 零食都係冇益,小朋友多食,對身體唔好,所以我平時會用新鮮生果做零食,例如Keicy最鍾意嘅士多啤梨、Kassy最鍾意嘅車厘茄、Par Par最鍾意嘅藍莓,全部都細細粒,夠得意,最重要係唔使切,一洗就食得,等我可以做少一樣,3姊弟又快啲有得食,嘻嘻!

撰文:Fiona Kei 圖片:Fiona Kei

不過自己出街 / 勁忙 / 小朋友返學嗰陣,唔容易食到新鮮生果。提早洗定,怕唔新鮮 / 味道變差;即時去超市買,又未必搵到乾淨地方清洗;幫襯餐廳飲果汁,比較貴之餘,又驚會加好多糖 / 不知名人造色素……

最後我選擇同生果一樣新鮮、唔使切、唔使洗嘅零食:紐西蘭 ROCKIT APPLE!

棒球咁大個,紅噹噹,3姊弟一見到就好鍾意!

因為樂淇蘋果係紐西蘭出產,農藥及肥料使用量減至極低量,天然少添加,令呢種蘋果無論口感、保存期、安全性、營養度及鮮甜味,都達到聯合國產品水準,而且果肉結實爽脆、果核纖細,提高成個蘋果嘅可食比例。

清甜、多汁、爽口、冇澀味嘅ROCKIT APPLE,完全不靠打蠟,鮮亮外表純屬天然,所以唔使批皮,直接食就得。

由第一啖食到最後一啖,都感受到獨一無二嘅鮮香氣,更係小朋友嘅最佳零食,因為佢嘅營養價值比一般蘋果高,鉀合量比坊間蘋果高出65%,能量供應及纖維量亦分別高出19%同10%!

此外,的的骰骰嘅ROCKIT APPLE,放得入小朋友嘅飯盒,加上可以就咁食唔使去皮,3姊弟一定唔會嫌麻煩啫!:P

而佢好似網球筒嘅靚靚包裝,唔只輕易放入書包,拎出嚟與同學仔分享嗰陣,一定會嘩嘩聲,爭住要,咁小朋友就唔會再食有損健康嘅壞零食啦!嘻嘻!

ROCKIT APPLE分別有5顆裝,4顆裝 及3顆裝,各大超市有售。佢有高達12週冷藏保存期,無論自己口痕,抑或3姊弟嗌肚餓,都隨時有天然健康嘅零食,補充能量。

 

FB: KeicyKK

更多精選內容