BLW好處多多 包括媽媽不用再食冷飯

BLW好處多多 包括媽媽不用再食冷飯

BLW好處 ,豈止令BB 愛食咁簡單,對BB 和家人尤其媽媽更有大大好處 !!Iris 媽媽和 Speedy mum (凌安) ,由BB 6個來月大已實行BLW,和大家分享到底BLW好處有邊幾項 !

BLW好處小分享

Aiden BB由六個月開始BLW,到現在BB差不多22m,即係話Aiden已經BLW左就快一年半! 如果大家問我BB行得成唔成功,我自己覺得應該都算成功,但係我所指既成功,並唔係因為BB食得多與少,快與慢,而係我個人覺得,令到BB主動愛上食物,主動嘗試,主動用餐!

點先可令媽媽不用再食冷飯 ? BLW回顧小分享 +3大好處

BLW收成

 

身為媽媽既我,真心覺得,當初選擇BLW呢種方式引導我小朋友進餐,原來真係冇選擇錯。無論係BB既咀嚼能力,吞嚥能力都真係發展得好好,BB喺控制手指既力度、運用都處理得好靈活~唔需要迫,唔需要壓力,只要BB每一次進餐,對佢地黎講,已經係一個好好既練習。

我BB亦由八個月開始嘗試喺屋企以外既地方用餐,雖然每一次要準備既野都好多,用餐後清理現場都係一個大挑戰~但係見到BB可以喺屋企以外既地方,都享受用餐,自己開開心心自己食,自己進餐,果一種感覺,真係好感恩

https://www.youtube.com/watch?v=ByaFYDWp-ms&feature=youtu.be

 

對於媽媽 BLW好處

最重要係作為媽媽既我,亦可以好好用餐,而不需要好似三頭六臂咁又電話,又氹去招呼呢位小BB

好多開始凖備,或已經開始嘗試緊行BLW既媽媽,有好多擔心,或者因為外來原因而有挫敗感,希望呢一個小小既分享令到有挫折既媽媽們可以溫暖一啲有多少少既決心去行呢條路
再難聽,再打擊我地既說話,都唔緊要,相信自己,相信BB

各位媽媽們加油,共勉之 !

@ Iris 媽媽 Aiden bb, BLW since 6m,現在21個月。

BLW 對BB 有幾好: 提高進食興趣、手指靈活、自主等,很多分享也有提過。反而BLW 對家庭( 尤其是媽媽) 有幾好,都是零零碎碎的分享,Speedy由6個半月開始BLW ,至今他已21個月大,算已完結BLW 階段,作為BLW媽媽,讓我詳細分享下對BLW好處為何 :

1. 準備飯餐過程簡化

當然食材要切成合宜形狀煮成適中軟度,但BLW 不用磨碎食材,不用煮粥,不會有 ‘ 幾時才煮冇咁碎’ 的考慮。攪拌機、煮粥小飯煲、食物剪、磨蓉器可以不買、一切 用現成的就可 ( 當然考慮清潔問題的話有些媽還是會大人和BB 分開煮食用具)

我是有買蒸煮攪拌,因我手殘,蒸菜都會過龍,故有時間設定較啱我,有時打下碎肉薯仔整餅。

點先可令媽媽不用再食冷飯 ? BLW回顧小分享 +3大好處

雞脾原隻上,簡單介花就可

 

出街更簡單,初期時最多準備菜和肉,什或買定一小包那種紫菜和魚碎,到餐廳叫白飯包飯波就可,不用諗粥能否保暖咁耐的問題。如去台灣日本旅遊,便利店便可解決BB所需,水果飯團蛋都有,不用去旅行都要花時間煮粥。

2. 自助餐、飲茶,媽媽不用再割愛

家有幼兒的爸媽,輪流食飯、食冷飯什或冇得食,都不是新事,事因餵食的話,BB食完已想四圍走,到爸媽要食時便要有人招呼BB,那必定有一位家人要犧牲。更何況是需時更長的飲茶、自助餐 ? 相信家人們樂意,但如果可以一起食,總是更理想的吧?

BLW好處3項 包括媽媽不用再食冷飯

自助餐、飲茶、婚宴、外出食飯,BLW BB 都會排除萬難地一直食,大家輕鬆

Speedy 11個月大已挑戰自助餐,個來小時,由頭食到尾 ( 本人認為一個月不到一次可以接受),粟米、蕃茄仔、各樣生果、白飯、粉檔的各種粉、面包、雞牛豬…..上個月自助餐就見到另一家庭領一剛學行BB ,工人姐姐用盡辦法餵,BB 都擰開面,拿玩具等BB玩住食、拿貼紙都唔得,食左幾口就想走人,最後拿IPAD,BB才安定下來。Speedy的座位剛好看到那bb,他就看電視那樣時食時把匙指向那bb, 好像想問bb 食不食…而我們一行5人,各忙着進食拿食物,根本拿食物俾speedy 後,他就自行搞掂,那家人們自然多了時間好好享受食物、交談。除了有助爸媽心理健康,bb 看到也知道進食是享受的 !

兩歲前好多自助餐都免費,speedy 已超越小童份量,所以真係超值 !

3. 育成尊重孩子的教養模式

不是說傳統餵食不能尊重孩子,而是blw 讓父母習慣觀察bb、尊重bb 喜惡,易於習慣尊重和相信孩子。 BB 今天不想食這樣多? 不想食這種食物? 食快些食慢些? BB 食到就自己食,BB 話事,父母看住各種營養平衡就得。BB 6個月大父母就有這種習慣,自然,到BB 學行,活動能力提升時都相信到BB 可以有更大可能性

點先可令媽媽不用再食冷飯 ? BLW回顧小分享 +3大好處

相信孩子,只要俾孩子機會,歲幾已可對家庭有付出

 

Speedy 16個月會自己拿片去垃圾桶、放回自己的鞋、18個月可以把全機衫逐件拿去給媽媽哂,20個月見到地上濕,自己懂拿東西去清潔,如果不習慣相信孩子,這些全看來都是不可能的事。孩子能做到的,就讓他去做,對培育一個自信孩子有絕對幫助。但首先,父母要想起/相信這些是孩子可以做到的,不然就不會交給孩子做了。畢竟幼兒生活在家長的限制下,家長限制越多,幼兒的能力也越受限,家長放手,幼兒的能力就可大大發揮。

https://www.youtube.com/watch?v=vbcu22S3lR4

歡迎到我們專頁留言交流 !
作者︰@凌安 Speedy mum

Slash 一族 : home office媽媽+就業培訓導師,相信影響到一個就是一個、 祝福到一樣就是一樣。渴望如孩子般不停學習,成為孩子上升氣流︰

首先自強,再來身教。

育有一子Speedy , 21 month BLW since 6.5 month

關鍵詞
BLW

更多精選內容