秋天滋潤湯水|10款止咳排毒抗衰老轉季湯水 解決秋燥氣管敏感

秋天滋潤湯水|10款止咳排毒抗衰老轉季湯水 解決秋燥氣管敏感

入秋時份,天氣轉乾,轉季時,無論是小童還是大人也較易有氣管敏感的問題,加上成年人經常熬夜、也會食重口味食物,更加容易爆發秋燥的症狀,如氣管敏感,容易咳、鼻乾、流鼻血等。秋天後燥氣上升,在飲食上適宜以滋陰潤肺、益氣補血、養肝明目為主。所以初秋季節,媽媽們不妨多啲煲以下呢10款湯水,有助止咳及排毒!

 

10.止咳潤肺 龍利葉海底椰無花果蘋果水

1. 長胎益氣 百合淮山花膠湯

花膠含豐富的蛋白質、磷質及鈣質,具滋補作用,對女士有養血美顏功效,對孩子則有滋養氣管及肺部、紓緩於轉天氣時出現的過敏情況。百合亦有潤肺止咳功效,而淮山茨實就是健脾益胃的食材。這款百合淮山花膠豬骨湯有美顏潤膚、益氣補腎功效,適合任何人仕飲用,亦特別適合產前產後女士飲用,花膠於產前有助長胎 、產後恢復元氣多種功效。

材料:

花膠筒 7-8件

百合 70g

淮山 6-8片

茨實 20g

蜜棗 2粒

豬骨 $40

水 3.5L

秋天滋潤湯水
做法:

1) 豬骨洗淨出水備用

2) 花膠筒浸軟洗淨備用

3) 百合、淮山、茨實、蜜棗略浸備用

4) 將所有材料放入高壓煲煲20分鐘,於喝前再大滾一下便成 (若用一般煲具,則以大火煲滾,再用文火煲2-3小時便成)

秋天滋潤湯水

閱讀更多:祛濕防感冒 節瓜章魚花生眉豆湯

返回:10款秋天滋潤湯水止咳排毒湯水大合集

2. 准山赤小豆扁豆湯

赤小豆同扁豆可以話係夏天多數煲嘅湯,因為扁豆可以健脾和中,消暑化濕。赤小豆就利水除濕,和血排膿,消腫解毒。有朋友就教我用生熟薏米、北芪及准山一齊煲,除左可以清熱袪濕之外,仲可以健睥胃、強肺同預防感冒。見咁簡單就當然買齊材料返屋企煲。

材料:

豬肉眼$35、果皮1小角、無花果4-5粒、生熟薏米、北芪、准山、赤小豆及扁豆,藥材份量方面你同藥材店職員講大約幾多人飲用,佢就會幫你執份量啦。

秋天滋潤湯水

做法:

1) 豬肉洗乾淨,氽水準用;果皮浸透去囊;其他藥材浸洗一陣備用。

2) 煲內放約3L水,然後加入果皮。

3) 水滾後放入所有材料。

4) 待水再次滾起時,先繼續用大火煲約15分鐘,然後轉慢火加蓋煲1.5小時。

5)最後加入少少鹽調味,就可以飲啦。

秋天滋潤湯水

好坦白講,其實個味道係偏向有一陣比較重嘅赤小豆味,所以如果唔太”好”豆味重嘅人,可能會唔多鐘意飲依個湯(小小豬就係表表者,要三吹四請之下先飲一湯,真係激C我呀)。不過..其實又唔係好難飲,我自己都飲左兩碗,只係可能豆味重左啲,所以小小豬先唔鐘意啦,等我下次買到老黃瓜嚟煲依個袪濕湯,我諗佢一定會鐘意!

溫馨提示:由於材料都涉及藥材成分,所以係好因應個人體質,大家記得煲之前了解下自己,或者問下相熟中醫/藥材店職員,呢個湯料啱唔啱自己呀!

閱讀更多:【冬季必飲】滋潤去燥 無花果雪梨水

返回:10款秋天滋潤湯水止咳排毒湯水大合集

3.滋潤排毒 蘋果百合無花果瘦肉湯

原來蘋果煮過之後係會非常甜,而且果膠仲可以幫助吸收身體入面毒素,所以想排毒潤腸之外,又想清清地滋潤下同埋養養裨胃,咁就可以試下煲依個蘋果百合無花果瘦肉湯 啦!

材料:(7人份量)

蘋果4個、無花果5粒、雪耳1朵 、鮮百合1包、果皮1片、豬肉眼$70
秋天滋潤湯水

做法:

1)豬肉洗乾淨氽水;果皮浸透去囊;無花果洗淨切半;鮮百合洗淨剝成一瓣瓣備用。

2) 雪耳浸軟剪切塊;蘋果洗淨去皮去芯切件(蘋果最好就買中國蛇果,因為如果用富士蘋果的話,煲出嚟就會帶點酸味呀。

3) 煲內放約4L水,然後加入果皮。

4) 待水滾後再放入其他材料,用大火煲約半小時。之後就轉用慢火加蓋煲約1.5小時。

5) 最後加鹽調味就得啦(真係少少好啦..因為太重鹽味就會蓋過蘋果甜啦)
秋天滋潤湯水

絕對唔係自己讚自己,我睇見屋企各人飲完一碗又一碗,話咁快就幫我KO晒一大煲湯,睇佢地表現就知道依個湯真係唔輸得,真係十級清甜,就連小小豬都自動自覺要添飲呀!

 

返回:10款秋天滋潤湯水止咳排毒湯水大合集

4.蘋果海底椰玉竹頭無花果瘦肉湯- 抗菌止咳 清熱潤肺

近日天氣轉涼,容易喉乾舌燥,今次推介呢個湯水-蘋果海底椰玉竹頭無花果瘦肉湯,有抗菌止咳 、清熱潤肺嘅功效,煲嚟潤一潤之餘,又可以抗菌,人冇咁容易病啦!

材料:

蘋果、無花果、海底椰、玉竹頭、無花果、蜜棗、南北杏、瘦肉

秋天滋潤湯水
相片由成洛媽媽家常湯提供。

玉竹頭:具清熱、養陰、生津、潤燥、潤肺的作用,這些與普通的玉竹功效大致相同,不過玉竹頭還能調和人體氣血運行,亦能降血脂和血壓,而且味道較香無酸味,因此售價上要比玉竹稍貴。同時,和玉竹一樣,除了入藥,玉竹頭也是煲湯的好食材,清潤去燥,老少皆宜。

除此,玉竹頭有抗菌止咳的功能,配治療慢性支氣管炎所致的咳嗽的藥物,會有較好療效。

做法:

1) 海底椰、玉竹頭、無花果、蜜棗、南北杏,洗淨浸軟備用。

2) 將蘋果一開四,去籽去皮。

3) 無花果切半。

4) 瘦肉切大件汆水。

5) 凍水下瘦肉,水滾後將其他材料放入湯鍋,再滾起後轉慢火煲約2小時。

秋天滋潤湯水

返回:10款秋天滋潤湯水止咳排毒湯水大合集

5.止咳化痰潤肺 橄欖蘿蔔豬肺湯

材料:

豬肺1個
橄欖150克
蘿蔔1000克

青橄欖:開胃、化痰

蘿蔔:清熱、解毒

豬肺:降燥、止渴、止咳

秋天滋潤湯水

做法:

1) 蘿蔔洗凈、去皮、切塊

2) 橄欖洗凈,用清水浸泡

3) 豬肺厚切成片塊,放進清水中浸泡,洗淨

4) 將豬肺放進開水中煮5分鐘,再過冷水

5) 將所有材料放進湯煲,加入適量清水,大火煲沸後,轉小火煲2小時,調味即可

返回:10款秋天滋潤湯水止咳排毒湯水大合集

6.祛濕解毒 牛大力土伏苓粉葛豬骨湯

材料:

牛大力 4兩、土伏苓 4兩、粉葛一件、赤小豆及扁豆約一兩、豬尾骨$50、果皮2片及蜜棗4粒~

雖然店主講到好利害,不過第一次煲都要上網睇下啲資料,睇下三樣主角係乜東東嘛!

土茯苓 – 除濕解毒,通利關節,治療皮膚痕癢~

牛大力 – 補虛潤肺,強筋活絡,治療腰肌勞損,風濕關節炎~
粉葛 – 解熱退燒,降低血糖,透疹止瀉,治療熬夜頸背筋骨酸痛~

秋天滋潤湯水

做法:

1) 牛大力、土伏苓及粉葛由於已經切好晒,所以用水沖洗幾次就得(真係好方便哦);蜜棗、赤小豆及扁豆浸洗一陣;果皮浸軟刮囊;豬骨汆水。
煲內加入約4L水,然後加入果皮。

2) 待水滾後加入所有材料。

3) 繼續用大火加蓋煲約30分鐘,之後轉慢火加蓋煲多2小時。

4)最後加鹽調味,就飲得啦。
秋天滋潤湯水

 

 

返回:10款秋天滋潤湯水止咳排毒湯水大合集

7.滋陰潤肺 清熱化痰 霸王花響螺豬展湯

霸王花 具健脾養胃及 潤肺止咳 的功效;響螺有開胃消滯、滋補養顏、滋陰補腎等功效;南北杏有 潤肺止咳 及潤腸通便的功效;無花果健脾滋養;蜜棗亦是 潤肺止咳 及化痰平喘的食材。

材料:

霸王花 約70g

乾響螺頭 5隻 (約75-80g)

南北杏 15g

無花果 3粒

蜜棗 2粒

豬展 $35

水 3L

秋天滋潤湯水

做法:

1) 豬展出水備用。

2) 響螺頭洗淨浸軟,去腸切片備用。

3) 霸王花 用水浸半小時,剪去硬蒂及洗淨備用。

4) 無花果洗淨切半;南北杏略浸備用。

5 )將所有材料放入高壓煲煲20分鐘,於喝前再大滾一下便成(若用一般煲具,則以大火煲滾,再用文火煲2-3小時便成)。

秋天滋潤湯水

10款秋天滋潤湯水止咳排毒湯水大合集

8.滋潤祛濕 無花果雪梨薏米水

無花果我多數用嚟煲湯,用嚟調味為主。不過原來用嚟做主角都一樣係好正,因為無花果係好益,可以補血氣、強體質、滋潤喉嚨、幫助皮膚鎖水、祛水腫 同埋潤腸減少便秘。無花果再加埋雪梨就夠晒滋潤,再加埋薏米一齊,就可以有埋祛濕同祛水腫,真係飲完可以即刻潤返晒,飲完仲唔即刻靚返晒。

材料:

雪梨4個

無花果6粒

生薏米及熟薏米各半碗

做法:

1) 平時我煲湯就用普通細細粒嗰啲無花果,不過我今次就買左大大粒嗰啲土耳其無花果,咁煲出嚟嘅味道就會甜啲,咁就可以連冰糖都唔洗加呀。

2) 生熟薏米先浸1小時;無花果略沖洗後切開一半(咁就可以易啲出味);雪梨去芯切件。

3) 煲內放入3水,然後將所有材料加入煲內,待水滾後,用大火加蓋煲約15分鐘,然後轉慢火加蓋煲多一個鐘。

4) 煲好之後就可以試下味,如果有需要就可以加少少冰糖調味。不過我就覺得只係用無花果都夠甜,所以就冇加冰糖都好好飲。

除咗滋潤之外,平日食得多熱氣嘢、捱夜或睡眠不足,都好啱飲呀!

返回:10款秋天滋潤湯水止咳排毒湯水大合集

9. 猴頭菇蘋果椰片南棗湯

猴頭菇益處多,有提高人體免疫力、抗氧化、提高胃部及消化系統功能等等;蘋果助消化、生津潤腸;南棗健脾補腎;花生含多種維生素、補腎益精;眉豆健脾化濕;蜜棗 潤肺止咳 。

材料:

猴頭菇 1個(約30g)

蘋果 2個

椰片 50g

南棗 5粒

花生 40g

眉豆 40g

蜜棗 2粒

豬展 $30

水 3L

滋潤止咳湯水

做法:

1) 蘋果去皮去芯切件備用

2) 豬展切件出水備用

3) 猴頭菇 以清水浸片刻並擠乾水

4) 去核南棗、椰片、花生、眉豆及蜜棗清洗略浸備用

5) 將所有材料放入高壓煲煲20分鐘,於喝前再大滾一下便成 (若用一般煲具,則以大火煲滾,再用文火煲2-3小時便成)

10款秋天滋潤湯水止咳排毒湯水大合集

10.止咳潤肺 龍利葉海底椰無花果蘋果水

材料:

龍利葉
海底椰(要一片片,乾嗰d,唔係一個個透明嗰d)
蘋果
南北杏
無花果/蜜棗

*如果想煲湯就加埋瘦肉啦!

至於份量,你地可以去買材料時話俾街市阿姐阿哥知大概幾多人飲,佢會教你材料落幾多買幾多ga lar~

做法:

1) 將材料洗乾淨,蘋果切件去芯。

2) 然後落凍水開火大滾半個鐘,再細滾兩個鐘,搞掂!飲得!

如果加瘦肉,我就會切件,飛一飛水,去咁d血水同污糟嘢,然後同其他材料一齊煲,同樣簡單!

龍利葉的功效:清肺,治肺熱咳嗽。

海底椰的功效:清燥熱、止咳、滋陰補腎、潤肺養顏、強壯身體機能。可治熱病之後,餘熱未清,虛煩不安,失眠多夢等症。

返回:10款秋天滋潤湯水止咳排毒湯水大合集

延伸閱讀:27款合時滋潤止咳湯水 大小朋友啱飲 流感高峰防感冒增強抵抗力

更多精選內容