實行BLW必睇!17種BLW初階食物大曬冷

實行BLW必睇!17種BLW初階食物大曬冷

最近的一套電視劇掀起左一鼓BLW既熱潮,青蛙仔早在4個月時, 我已經開始四出搜尋有關BLW的資料,相對傳統餵法既分別,經過一番的資料搜集,決定俾青蛙仔採用BLW既加固方法。

撰文:BLW之港B自主食

BLW 條件

要安全地進行BLW的加固方法,青蛙仔必需要符合以下幾個條件:

必需!係必需要在無輔助的情況下可以自己坐到。因為頸部需要有力先可以控制到口顎的上下動作架。
青蛙仔剛6個月時,由於我見佢都仲未可以坐到好穏,所以我亦都唔急於一時,慢慢觀察佢等佢坐得到先開始,所以佢係6.5個月時先開始食第一啖的固體食物架!

呢條就係佢人生食的第一條菜心喇!個樣好奇到不得了…一開始的時候,青蛙仔未必一下就識執起條菜心放落口,所以我就拎起條菜心放在佢面前,佢就再放落自己口。

BLW原意係想引發BB食各種食物的興趣,所以唔會將食物打爛 / 磨蓉,而係會俾食物的原本形態讓佢地接觸。

或者好多爸爸媽媽/ 四大長老都會好擔心啲BB無牙,點可以俾「呢啲野」佢地食架!其實BLW本身都唔係一開始乜都會俾佢地食架,可能好多新手媽媽都會好迷網唔知俾咩佢地食好。

青蛙仔

BLW 食物初階曬冷

綜合青蛙仔頭3個月的BLW過程,以下有一堆食物都可以提議一下俾新手BB試下食:

1.菜心莖

菜心莖 (記得唔好刨走面頭層皮呀!大家有無試過可以一口咬斷到條菜心莖呢?青蛙媽同青蛙爸做過實驗,我地大人都好難一口就咬得斷條菜心,秘訣就係層菜心皮喇!青蛙仔只係會”妹”哂入面啲肉同汁,剩返層皮就唔會食)

2.南瓜

南瓜

3.三色椒

三色椒

4.牛油果

牛油果

5.西蘭花

西蘭花

6. 無鹽PASTA

無鹽PASTA

7. 自製香蕉pancake

自製香蕉pancake (食譜之後可以再同大家分享)

8. 秋葵

秋葵

9. 雞柳

雞柳(建議大家買無激素雞柳)

10. 烚蛋

烚蛋(建議先俾蛋黃再試蛋白,因為蛋白屬高敏食物)

11. 飯波

飯波

12. 薯仔

薯仔

13. 紅蘿蔔

紅蘿蔔

14. 熟透的啤梨

熟透的啤梨(青蛙仔的最愛,因為好甜!)

15. 蕃薯

蕃薯 (初段唔太建議,因為比較黏喉)

16. 自家饅頭

自家饅頭 (食譜之後可以再同大家分享)

17. 露筍

露筍

其實當青蛙爸同青蛙媽決定用BLW呢套加固方法時,四大長老的反應其實都係我地的預料之內,青蛙媽媽覺得其實四大長老都係太愛青蛙仔先會咁緊張,為左釋除佢地的擔心,就更加會多啲邀請四大長老一齊參與同青蛙仔的飯局,比佢地親眼見到青蛙仔係識自己安全地主導自己的每一餐。

青蛙仔

當見到青蛙仔有GAG的情況時,青蛙媽媽同青蛙爸爸只係冷靜地望住青蛙仔(四大長老在呢個時候,應該緊張到黎想將青蛙仔掉轉,倒返舊食物出黎 >…<)我地好相信青蛙仔可以處理到GAG的情況(雖然心裡面難免會有啲緊張),青蛙仔會將太大舊的食物吐出黎架!

青蛙仔而家14個月喇,實行BLW呢8個月真係每一日都睇住佢進步,由只拎到finger size的食物,到而家可以拎得到飯粒 / 豆腐黎食,仲有試過兩次自己將雞脾同雞翼的軟骨吐出黎添,青蛙爸爸媽媽都覺得好驚奇呀!

希望以上少少的分享可以幫助大家面對選擇BLW的疑惑喇!

如想進一步查詢,歡迎到我們專頁留言交流 !

港B自主食@青蛙媽媽(Carrie)

以用愛·用心·感受·學習·信任為宗旨,希望透過分享多方面的資訊,為大家加加油!打打氣!

更多精選內容