時光倒流打工仔 小朋友「扮工」鍛鍊精明頭腦

時光倒流打工仔 小朋友「扮工」鍛鍊精明頭腦

好多家長想囝囡精叻過人,並唔係要求將來大富大貴,而係怕佢哋亂使錢 / 畀人呃,所以無論男仔定女仔,都需要從小建立良好嘅理財觀念,以應對日後嘅金錢世界。呢個暑期限定嘅活動「時光倒流打工仔」,就係一個值得推介嘅活動。

撰文+圖片:Fiona Kei

懷舊小店「扮工」

其中一個方法,係將課室教授嘅知識,透過角色扮演,應用喺日常生活之中,呢日我帶咗 Keicy、Kassy 去大排檔、辦館、藥材舖同理髮店「扮工」,學習昔日小店點樣做收支預算、量入為出。

兩姊妹一次過返晒「4 份工」,落單、執檯冇問題之外,面對客人仲好叻冇計錯數,冇找錯錢,因為佢哋有用工作紙計數,仲可以順便油顏色!

最開心係 Keicy、Kassy 學識咗咩係「需要」同「想要」,譬如……

「需要」物品:油、豉油、米

「想要」物品:零食、玩具

做個精明嘅小朋友!

 

兩姊妹仲話,做打工仔一啲都唔容易,不過話返工可以同人傾偈好開心!

呢種舊香港小店嘅人情味,而家愈嚟愈少喇……

Keicy、Kassy 仲知道好多事物嘅別稱, 例如靚仔 = 白飯 、牛意 = 牛肉湯意粉、0T = 檸檬茶,又知道以前啲掃把、碗碟、水煲係點樣,對佢哋嚟講好得意,身為家長嘅我就好懷念,概嘆原來我哋身邊好多事物,不經不覺已經改變緊。

有意思嘅係,小朋友仲可以將《理財管家》記帳表帶返屋企,記錄自己嘅開支 ,慢慢掌握收支平衡嘅概念。

無論時代、環境點樣變,無論使用現金、八達通或其他電子付款系統,家長只要陪伴及用心指導,生活中每個角落,都係小朋友學習理財觀念嘅好地方,包括呢度:

「時光倒流打工仔」

日期:2018 年 8 月 15 – 21 日

時間:上午 11 點至下午 6 點

地點:紅磡置富都會中庭

對象:4 至 12 歲小朋友

語言:廣東話

8 月 18 -19 日,仲有周末講故事及合唱表演:

【講故事】

幼兒教育工作者堯老師,帶領閱讀「愛花錢的公主」故事,小朋友一邊聽故事,一邊動腦筋,睇吓國王點樣令公主唔再亂使錢。

【合唱表演】

香港童聲合唱團獻唱童謠,家長同小朋友一齊細味傳統文化。

 

FB: KeicyKK

更多精選內容