【台灣親子遊】花蓮親子民宿大推薦 Part 1

【台灣親子遊】花蓮親子民宿大推薦 Part 1

暑假真係忙過返學,我唔係怪獸家長咁,比好多興趣班佢地上,只不過三日唔埋兩日就一拖二帶左佢地去玩咁姐。

事不宜遲,即刻同大家分享下今次既《迪迪媽一家四日花蓮親子之旅》!

迪迪媽一家四日花蓮親子之旅

今次旅程,迪迪媽最注重既就係住宿,因為帶住小朋友,行程都偏向悠閒型,萬一遇著天氣唔好,就可能無法如期出外活動,所以一間有親子遊樂設施既民宿係我既首選!

有親子遊樂設施既民宿係首選
芬奇斯親子民宿201綠野仙蹤客房

網上有好多花蓮既親子民宿介紹,而我一眼就睇中左「芬奇斯親子民宿」既呢間「201綠野仙蹤」客房。

芬奇斯親子民宿 201綠野仙蹤客房

房間內部牆壁上既壁畫相當可愛,房間內有2張雙人床,兩張床可以合併,呢一點對於迪迪媽黎講非常重要,因為兩位小寶貝夜晚訓覺時,都一定要我係身邊🤷🏻‍♀️。

芬奇斯親子民宿 201綠野仙蹤客房

房間內可以見到有唔少玩樂設施,黑色上下層既滑梯組,妹妹歲半都可以爬到樓梯上去玩滑梯,仲係住宿期間學埋點爬樓梯落返黎🤣,而下層就係小小既秘密基地。旁邊有積木組合檯,打開檯上既盒就有積木,檯面亦可以用黎玩積木用。隔離就係煮飯仔玩具,仲未止,仲有搖搖馬、車仔,另外仲有小朋友用既檯櫈。

芬奇斯親子民宿 201綠野仙蹤客房
芬奇斯親子民宿 201綠野仙蹤客房
芬奇斯親子民宿 201綠野仙蹤客房
芬奇斯親子民宿 201綠野仙蹤客房

除左房間內有野玩,去到浴室同樣有沖涼玩具!

芬奇斯親子民宿 201綠野仙蹤客房

聽到呢度,你都可以想像到,如果帶住小朋友黎到,佢地係會幾咁興奮、幾咁開心,同埋⋯幾咁夜訓😅

芬奇斯親子民宿 201綠野仙蹤客房

但係好玩既設備仲未完,民宿地下果層仲有公共遊樂設施,滑梯、圖書、煮飯仔、車仔、搖馬等等之外,仲設有決明子沙池,真係入黎容易,想出去就要過到小朋友果闗先得🤣

玩樂方面,呢間民宿真係無得頂,咁係配套上又如何呢?

芬奇斯親子民宿 201綠野仙蹤客房

房間內設有冷水壺、熱水壺、風筒、杯、毛巾,牙刷、牙膏、沖涼液、洗頭水、衣架等等,仲有專for小朋友用既設備,如睡袋、浴盆、膠櫈仔、廁板、卡通浴巾,牙刷牙膏,沖涼洗頭水等等👍🏻

芬奇斯親子民宿 201綠野仙蹤客房

而地下果層既公共空間,除左玩之外,都設有茶水間,有民宿主人手工製冰紅茶、冰水、熱水提供,仲有雪櫃、微波爐、餐具、兒童餐具等等。

芬奇斯親子民宿 201綠野仙蹤客房

有一樣野要特別講講,就係插座,大家都知道去旅行有幾多野要充電啦,手機、相機,甚至係電腦或者pad之類既野,而呢間房入面既插座,我敢講,絕對夠你用,而且仲有USB插座添!

唔係誇大,呢間民宿真係迪迪媽既心水推薦,除左以上非常貼心同非常歡樂既設備,地點亦相當便利!

地點相當便利
附近有很多美食
附近有很多美食

要知道花蓮係一個交通唔發達既城市,出入只可以計程車或包車,又或者租車自駕遊,而民宿主人比左當地計程車既Call台電話卡片比我,Call車往返巿區不論跳表都一律只收TWD100,所以東大門夜市就成為我地幾乎每晚必去既食飯點!

民宿主人親切友善既服務,亦係迪迪媽大推薦既主要原因之一,事緣係咁的⋯⋯⋯

我地選擇左HK Express去花蓮既直航機,但帶住小朋友搭飛機實在係非常疲憊既事,所以一落機就快手快腳搞曬d手續,然後準備出閘後去換台幣,但係如果大家好似我咁就大件事,因為花蓮機場兌換台幣既櫃臺其實係閘內😱!到我發現呢件事既時候已經太遲,因為閘已出⋯⋯

身無台幣既迪迪媽,試過去問海關可唔可以比我入去換錢,又或者幫我換,又試過航空公司職員,但全部都唔得,佢地又建議如果我有銀聯卡,可以試下去ATM拎錢,但係同樣失敗,又膽粗粗咁去問計程車司機可唔可以載我地去換錢,雖然司機哥哥好好人比我地上車,但由於當時銀行已關,最終都係車我地去ATM,唯一慶幸我仲有粒WiFi蛋,同民宿主人聯絡後,佢幫身無分文既迪迪媽比左的士錢,仲幫我地換埋台幣(零手續費!)

要知道我地book房時,其實純粹口頭落實,無任何訂金,原先係要到達後一次付清,好在民宿原來都可以用信用卡,不過因為信用卡會收手續費,所以一般唔會建議,只係我地特別情況之下先比我地信用卡付款!

民宿主人亦比左好多行程上既建議,仲可以代購門票,代租車包車等等,而且佢知道我地會去玩水,仲特別幫我地代購泳帽,所以我真係超級比Like呢位民宿主人,實在太有Heart了!

綠森林親水樂園
綠森林親水樂園
綠森林親水樂園
綠森林親水樂園
綠森林親水樂園

迪迪媽今次旅程原先想5日都住呢間民宿,可惜其中一日已經比人book左,所以之後仲有住另一間民宿,詳情會再同大家介紹,請大家繼續留意啦!

更多精選內容