B女頭髮又多又髦 李燦琛：點解變咗貝多芬？
廣告
李燦琛囡囡元元就嚟5個月喇！阿Sam不時都會PO阿女啲Cute Cute相上社交平台, 3個月前，擺住秦煌個樣喺元元隔離，結果成有8成似！3個月過後，元元大個咗，頭髮又多咗，點知又變咗樣喇！
撰文：Sunday Kiss 圖片：李燦琛IG
似秦煌定卡比獸？
秦煌喺《怒火街頭》演過阿Sam爸爸，咁元元個樣似「爺爺」，都唔出奇丫！
三個月之後，元元大個咗，頭髮突然多到一個點，又多又髦，結果連爸爸都笑佢似貝多芬！不過都係好Cute Cute呀！
4個嗰陣，已經識得自己揸奶樽，真係好叻豬呀！你睇佢隻米芝蓮手瓜仔！係咪好想咬落去呢！
大熱天時，有爸爸幫元元撥涼，呢啲咪叫梳乎囉～
爸爸第一次過父親節，我咩都冇送畀佢，不過佢見到我就已經好開心喇～你睇佢笑我幾冧！
