吳雨霏晒囝囝牀照:沒甚麼比當媽媽更快樂和光榮

吳雨霏晒囝囝牀照:沒甚麼比當媽媽更快樂和光榮

吳雨霏(Kary)15年下嫁初戀男友Brian後,一直希望可以生兒育女,自16年經歷過小產後,終在今年6月生下兒子Asher,一嚐當媽媽的幸福滋味。

撰文:CMY|來源:吳雨霏ig

自從兒子出生後,吳雨霏一直都只上載孩子的手仔、腳仔相,不過在日前她終於晒出Asher的「牀照」,見到Asher躺在BB牀上,面珠圓圓,雙眼非常精靈!曾經歷過小產的吳雨霏更留言指:「There’ s no greater joy and honor than being a mother(沒甚麼比當媽媽更快樂和光榮)。」講出了一眾媽媽的心聲!

Kary Ng // 吳雨霏(@ngk)分享的貼文 張貼

老婆坐月 Brian幫手湊BB!

吳雨霏在6月低晒出一張捉住BB手仔嘅相,並宣布囝囝嘅英文名叫Asher,吳雨霏留言:「遲來的報到,大家好,我叫做Asher!謝謝大家的祝福!Asher的意思是快樂和祝福,他就是天父爸爸送給我們最珍貴的禮物。」

選擇順產的吳雨霏生完BB後,不忘多謝醫生護士嘅照顧,她說:「生命真的很奇妙,從我肚子裡(裏)養育了9個月,然後搏鬥了10幾個小時後第一眼看到他,我知道我們的生命從此就不一樣。很想在這裡(裏)特別謝謝醫生和醫院的護士,從生產過程到出院一刻都好好的照顧我和BB辛苦你們了!」

而日前吳雨霏在其IG上載囝囝嘅短片,見Asher躺在BB玩具連地墊上,眼仔碌碌望住爸爸Brian,而Brian就搖吊住嘅BB玩具吸引兒子,真係好有愛!

32歲吳雨霏 順產誕男B

吳雨霏誕金叵羅前,已經同老公搬去半億愛巢,為囝囝提供優質生活,有指奶奶一直悉心照料,並搵定頂級產房及陪月員,老公睇定育嬰書學湊B,更豪裝BB房。

出名是愛妻號的Brian早前更斥資近半億買下渣甸山獨立屋送給愛妻,新居豪裝一年多已經入伙,兩公婆更花盡心思設計BB房。

挺9個月巨肚出山!吳雨霏 孖老公慶祝32歲生日
Kary已同老公Brian搬入半億新愛巢,更豪裝BB房迎接仔仔出世。

日前臨盆在即的吳雨霏約Stephy同區文詩食生日飯Stephy話同壽星女食飯好緊張,皆因她隨時生得!

孖老公慶祝32歲生日

6月9日是吳雨霏的32歲生日,她在老公洪立熙陪同下慶祝。將為人母的她在社交網分享與老公的合照,並留言︰「So blessed. Thank you all❤️」相中的Kary穿著背心花花衫,臉及手臂都未見水腫,同老公一齊流露幸福嘅笑容。

16年曾經小產

吳雨霏在2016年被傳小產,惟新聞爆出後Kary一路冇承認及否認,直至同年11月3日Kary終於在社交網站首度為事件開腔,與老公洪立熙(Brian)發表一篇長文章講述小產經過、發生不幸的事後兩夫婦如何一起走過黑暗的日子,及再期待小生命的降臨!

吳雨霏

其實Kary和Brian兩公婆都好鍾意小朋友,兩人2015年1月在美國註冊,7月意大利行禮,2016年2月成功陀B,但懷胎個多月不幸流產,令一直恨做媽媽的Kary大受打擊,一直停工休息,而Brian亦放下工作陪Kary度假散心。經過大半年休養,Kary終於收拾心情,身體已回復最佳狀態,兩公婆趁住假期飛到有蜜月聖地之稱的北海道二世古,再度開行turbo造人!

吳雨霏夫婦二人齊齊度假,放鬆心情。
吳雨霏夫婦二人齊齊度假,放鬆心情。
吳雨霏夫婦二人齊齊度假,放鬆心情。

同奶奶感情好

據知Kary為老公一索得男,洪家上下對迎接金叵羅都非常緊張,奶奶更加搵定頂級產房及陪月,又經常煲靚湯畀新抱仔進補,事事照顧周到。據知情者透露:「Kary同老公兩家人係世交,奶奶可以話係睇住Kary長大,Kary同奶奶感情一向都好好,之前照超聲波,知道係陀男仔之後,老爺奶奶都好開心,始終Brian係長子,屋企第一個孫仔喎!成家人都好興奮,講真Brian不嬲都對Kary好好,知道老婆有咗之後,佢仲爭晒屋企啲家務嚟做,又請假貼身陪實老婆安胎先放心,佢仲睇定育嬰書,學定點湊B,佢真係廿四孝老公!」

吳雨霏
近年Kary放慢工作步伐,將更多時間陪老公及家人,Brian亦減少工作陪老婆周圍飛享受二人世界。
吳雨霏
兩年前不幸小產,Kary除咗同老公Brian互相扶持走出傷痛,更在Sammi主動鼓勵下返教會,Kary之後洗禮正式成為基督徒,兩個教友更因此成為好友。

更多精選內容