親子餐廳

【Cafe Roma親子餐廳】芬蘭理念-馬灣臨海親子餐廳

專欄

廣告

【親子餐廳】好多時去親子餐廳,都係小朋友最歎最開心,食得好又玩得放,大人就跟出跟入仲辛苦過番工,呢日去到馬灣這間臨海親子餐廳 Cafe Roma,終於可以過番個悠閒下午嘆一嘆。

撰文+圖片:呀劍萬帥 編輯:Sunday Kiss

 

去馬灣成日都覺得好遠,其實除咗由中環碼頭搭船過去珀麗灣外,仲可以到青衣或葵方搭NR330,幾乎每10分鐘就有一班$9.5,而且都只係花10-15分鐘就到。

【 Cafe Roma親子餐廳】芬蘭理念-馬灣臨海親子餐廳

Cafe Roma就位於馬灣東灣沙灘旁,只要在沙灘廣場落車,然後行幾步搭Lift落去地面一轉左就係餐廳,方便到爆!

【 Cafe Roma親子餐廳】芬蘭理念-馬灣臨海親子餐廳

餐廳裝潢充滿歐陸氣息,未入去都已經感受到陣渡假氣氛。Cafe Roma由芬蘭藉集團行政總廚Jaakko Sorsa主理,精心炮製小朋友最鍾意嘅美食。

【 Cafe Roma親子餐廳】芬蘭理念-馬灣臨海親子餐廳

由於餐廳跟馬灣沙灘相連接,一出餐廳外就已經係沙灘,所以小朋友未坐䁔張櫈就嗌住要出嚟玩。
【 Cafe Roma親子餐廳】芬蘭理念-馬灣臨海親子餐廳

餐廳都專程為小朋友準備多款沙灘玩具,小朋友可以食飯前後到外面玩沙。

【 Cafe Roma親子餐廳】芬蘭理念-馬灣臨海親子餐廳

嘢食未到之前,哥哥就帶埋芊芊出去外面玩沙,我同媽咪可以好放心喺餐廳裏面飲住杯嘢傾下計,因為只係隔住塊玻璃窗就可以清楚睇見外面小朋友玩緊嘅情況。

【 Cafe Roma親子餐廳】芬蘭理念-馬灣臨海親子餐廳

超細心的預備,餐廳好知道小朋友的喜好,安排埋多個水桶,小朋友可以邊玩沙邊玩水。

【 Cafe Roma親子餐廳】芬蘭理念-馬灣臨海親子餐廳

餐廳亦都唔介意小朋友赤腳走出走入,實在感覺好貼心好舒服。
兩兄妹玩玩下又走入嚟填顏色(都係餐廳有提供喔!)

【 Cafe Roma親子餐廳】芬蘭理念-馬灣臨海親子餐廳

完成一張仲有好多唔同款色俾佢哋選擇。

【 Cafe Roma親子餐廳】芬蘭理念-馬灣臨海親子餐廳

就連平時油幾下就嗌攰的芊芊,呢日油唔停。(睇嚟環境真係直接影響心情)

【 Cafe Roma親子餐廳】芬蘭理念-馬灣臨海親子餐廳

食物到啦!都唔需要等好耐(因為我最怕等),上完一道又一道菜,而且仲要每道菜式都超正。

「香脆雞條伴蜜糖芥末醬」雞肉唔會炸到乾哂,裡面肉質仍然好滑好Juicy,配上蜜糖芥末醬特別好味。

【 Cafe Roma親子餐廳】芬蘭理念-馬灣臨海親子餐廳

香脆雞條伴蜜糖芥末醬Crispy Chicken Strips with Honey-Mustard Dip (HK$88)

「蟹肉牛油果沙律」我真係冇誇張,簡直係我未試過嘅味道,感覺好Fresh,牛油果食落唔會好「漏」,同蔬菜好夾,食完一啖即刻想食第二啖,不過係不定期推出嘅Daily Special!如果想食就要睇吓綠份啦。

蟹肉牛油果沙律Crab MeatAvocadoSalad (HK8)
蟹肉牛油果沙律Crab MeatAvocadoSalad (HK$138)

這個「焗法國軟芝士」口感好過癮,明明咬落去外面脆脆哋,但係裏面的芝士軟棉棉,配上松子(我超喜愛)真係特別好味。

【 Cafe Roma親子餐廳】芬蘭理念-馬灣臨海親子餐廳

焗法國軟芝士配白松露油、迷迭香及松子

Baked Camembert Cheese with White Truffle Oil, Rosemary & Pine Nuts (HK$128)

Carbonara係我哋去到任何餐廳必食之選,而呢度嘅「黑松露卡邦尼闊條麵」,可以話係我食過最好味,因為佢意粉係用上Pasta Mancini(來自意大利中部馬其),總之就係好頂級的意粉。

【 Cafe Roma親子餐廳】芬蘭理念-馬灣臨海親子餐廳

黑松露卡邦尼闊條麵 Fettuccine Carbonara with Black Truffle (HK$148)

黑毛豬扒烤得好香,肉質好「林」好入味。

【 Cafe Roma親子餐廳】芬蘭理念-馬灣臨海親子餐廳

香烤美國黑毛豬扒 Grilled US Kurobuta Pork Chop (HK$208)
我自己鍾意食餅底好薄的Pizza,同埋配上Parma Ham特別Match。

【 Cafe Roma親子餐廳】芬蘭理念-馬灣臨海親子餐廳

意國風情薄餅 Italian Pizza (HK$148)

「甜品拼盤」都係每次嚟未必一樣㗎!因為每個時節當造的水果也不同,而且唔同水果都應配上唔同的做法。

【 Cafe Roma親子餐廳】芬蘭理念-馬灣臨海親子餐廳

甜品拼盤 Dessert Platter (HK$138)

大人唔駛擔心以上美食要同小朋友分,因為小朋友個兒童餐Kids Set仲吸引。

【 Cafe Roma親子餐廳】芬蘭理念-馬灣臨海親子餐廳

Cafe Roma x Marcus & Marcus 兒童餐 (HK$88)

– 是日餐湯

–番茄長通粉 或 兒童薄餅

– 新鮮雜果

– 果汁

唔問都唔知道,原來呢份兒童餐用上的餐具,係來自加拿大兒童餐具品牌Marcus & Marcus,餐具物料係以矽膠Silicon製作的,哥哥用上藍色的河馬造型,芊芊就鍾意黃色的長頸鹿造型。
哥哥真的心情好好喔,仲要戴上口水巾去配合,但佢真的還用得上。(陶大宇掩眼)

【 Cafe Roma親子餐廳】芬蘭理念-馬灣臨海親子餐廳

Cafe Roma x Marcus & Marcus 兒童餐 (HK$88)

佢哋特別喜愛嘅西瓜汁。

【 Cafe Roma親子餐廳】芬蘭理念-馬灣臨海親子餐廳

Jaakko Sorsa特別注重每一個細節,原來除咗不加味精外,就連用上的茄汁,都係佢自家配方,令小朋友食得好味又健康。

【 Cafe Roma親子餐廳】芬蘭理念-馬灣臨海親子餐廳

我通常小朋友講好食嘅嘢都唔健康,健康嘢食就一定唔會好好食,但呢度全部用上新鮮蔬菜食材,小朋友可以食得健康,而且廚師又整得咁好味,睇嚟我呢個定律要被推翻喇!

【 Cafe Roma親子餐廳】芬蘭理念-馬灣臨海親子餐廳

餐廳還提供多款兒童繪本圖書,最啱俾小朋友食飽休息一下睇睇書。

【 Cafe Roma親子餐廳】芬蘭理念-馬灣臨海親子餐廳

呢本Peppa Pig睇得又玩得!

【 Cafe Roma親子餐廳】芬蘭理念-馬灣臨海親子餐廳

哥哥特別喜愛看書,所以睇完一本又一本。

【 Cafe Roma親子餐廳】芬蘭理念-馬灣臨海親子餐廳

餐廳外面就係東灣泳灘,小朋友整裝待發,跑出去海灘繼續玩啦!

【 Cafe Roma親子餐廳】芬蘭理念-馬灣臨海親子餐廳

身後就係超美的青馬大橋靚景,梗係要打打咭啦!

【 Cafe Roma親子餐廳】芬蘭理念-馬灣臨海親子餐廳

呢日海水都特別乾淨,加上又唔多人,小朋友都玩得好開心。

【 Cafe Roma親子餐廳】芬蘭理念-馬灣臨海親子餐廳

仲有一樣最開心嘅地方,就係餐廳會讓小朋友帶埋沙灘玩具出海玩,唔駛自己喺屋企帶埋出嚟,不過大家記住一定要有借有還,玩完之後要執番齊還番俾餐廳喔!

【 Cafe Roma親子餐廳】芬蘭理念-馬灣臨海親子餐廳

超美超值得推介的一間親子餐廳喔!

【 Cafe Roma親子餐廳】芬蘭理念-馬灣臨海親子餐廳

想跟我去體驗其他活動,快D報名親子團,同埋留意專頁公佈詳情啦!

http://goo.gl/forms/CNZMEPoMIWkouK8o2

呀劍評分:10

呀劍評語:真心真心真心推介!(重要的講3次) 除了環境真的悠美連接東灣泳灘,而且所有服務都很貼心,兒童餐及餐廳外的嬉沙區,加上用餐後可到海灘繼續玩,真的可以消磨這個下午。再補充,其實又葵芳或青衣出發,真的很方便,沒想過15分鐘內便到!

Cafe Roma

地址:

香港珀麗灣沙灘商場地下 7-8 號舖 (馬灣東灣泳灘右側)

營業時間:

12:00 – 23:00

電話:

3446 1226
交通:

http://www.pitcl.com.hk/tc/bus_service.php

(以上資料更新至文章當日)

【 Cafe Roma親子餐廳】芬蘭理念-馬灣臨海親子餐廳