梁芷珊冇做過怪獸家長  囡囡IGCSE 考獲11A

梁芷珊冇做過怪獸家長 囡囡IGCSE 考獲11A

梁芷珊同前夫羅傑承所生嘅囡囡Eily已經16歲,早兩年去咗英國讀書,近日IGCSE(國際普通中學教育文憑)放榜,Eily考獲11個A嘅佳績!梁芷珊喺個人FB公布喜訊,更加開心係自己又成功「不勞而穫」!因為佢從來都冇Push過個女!

撰文:Sunday Kiss 圖片:梁芷珊Facebook 專頁

阿女生日送厚禮畀媽咪

8月30 號係梁芷珊囡囡Eily16歲嘅生日,但係媽咪未同個女慶祝,囡囡就先送上厚禮!皆因Eily今年考IGCSE(即係類似香港當年嘅會考),考獲11A嘅佳績!梁芷珊為囡囡感到高興之餘,亦都覺得好安慰!

梁芷珊

即刻同羅生報喜

知道成績後,梁芷珊都有即刻同羅生報喜,恭喜佢「我哋再一次不勞而穫!」有呢個講法,係因為佢哋從來冇Push過個女去做任何嘢。梁芷珊話,「值得開心既係,我終於可以用事實來證明,小朋友讀書學習係唔駛迫既,開心快樂成長最緊要,絕對唔駛報十間幼稚園,唔駛補習,唔駛學芭蕾舞,唔需要學七國語言。」

青梅竹馬好友係IB狀元

同日,Eily同一個由細玩到大嘅男仔朋友一齊慶祝,因為呢個朋友仔,今年考IB考到45分滿分,係今年嘅IB狀元!

更多精選內容