應采兒鬧陳小春咩都唔記得 陳小春神回應:記得妳是我老婆

應采兒鬧陳小春咩都唔記得 陳小春神回應:記得妳是我老婆

內地真人騷《妻子的浪漫旅行》由應采兒主持,節目中應采兒和陳小春大談夫妻之道,節目組更首次公開囝囝Jasper的睡房,隨時大過你同我屋企個廳!

撰文:K | 圖片:妻子的浪漫旅行

應采兒鬧陳小春咩都唔記得 陳小春神回應:記得妳是我老婆

內地真人騷《妻子的浪漫旅行》在網上放出「治癒加長版 」,片段中應采兒和陳小春大談夫妻之道,被問到應采兒懷孕時脾氣是否暴躁,應采兒搶答「沒有這個問題」,但老公陳小春就有另一番看法「懷孕的時候就動手動腳呀,說什麼都是對的」,令應采兒笑著說「放屁!」這時候應采兒提及陳小春在自己懷孕時「講大話」,騙自己要開會實情是出海去,陳小春笑著回應「我在海中央開會呀。」聽到這個答案,應采兒忍不住打陳小春的頭。

《妻子的浪漫旅行》
《妻子的浪漫旅行》
《妻子的浪漫旅行》

應采兒更提到,當時準備半身麻醉剖腹生Jasper的時候陳小春忘記為相機叉電,最後只能夠用手機拍下生仔一刻。

節目組又問到記不記得二人首次親吻的地方,陳小春表示:「忘記了」,應采兒忍不住問:「你記得什麼?」,陳小春即深情的說「我記得?我記得我老婆是你」,好sweet!

《妻子的浪漫旅行》
《妻子的浪漫旅行》
《妻子的浪漫旅行》
《妻子的浪漫旅行》

首次公開囝囝Jasper睡房

節目片段中公開應采兒和陳小春一家的住所,片段中見到,整個大廳非常整潔,完全沒有Jasper的玩具。「我跟我兒子講,客廳是屬於大家的,不是屬於你的。你的玩具要放在自己的房間裏」

《妻子的浪漫旅行》
《妻子的浪漫旅行》

但眼見Jasper的睡房超級大間,就算Jasper玩具有幾多,也不怕沒有地方放吧!

《妻子的浪漫旅行》
《妻子的浪漫旅行》
《妻子的浪漫旅行》

陳小春:我老婆「八卦、八婆、又話嘮」

在最新一期《妻子的浪漫旅行》中,節目組請來四位人妻的老公到現場,睇著節目直播一齊討論自己老婆。

《妻子的浪漫旅行》

在介紹老婆環節時,平時妻管嚴嘅陳小春竟以「八卦、八婆、又話嘮」形容應采兒,一度嚇壞主持人陶晶瑩。

《妻子的浪漫旅行》

然而,沒想到他繼續補刀:「她本來就是這一種人!」老婆不在場,小春似乎完全唔怕老婆發火。

不過,聽完現場另外3位老公對老婆的一致好評,主持人陶晶瑩亦畀機會陳小春改一次答案。有啲怯嘅陳小春馬上補返一句:「我老婆最漂亮」

為咗令老公更好哋了解老婆,節目特意播出夫妻二人的生活片段。其中,應采兒和陳小春二人在節目中超貼地、真實的相處,笑料不斷。

節目片段中,陳小春攤喺沙發,采兒在一旁不停叫醒佢,又問佢中午食啲咩?

《妻子的浪漫旅行》

就喺采兒軟磨硬泡下,仲發緊夢、未瞓醒嘅陳小春選擇性忽略老婆。

《妻子的浪漫旅行》

應采兒提議用「溫情路線」相處 陳小春冇眼睇:「你改嫁啦!」

過咗一陣,應采兒玩意起同老公講,覺得二人的夫妻生活唔夠浪漫,一啲都「唔似偶像劇」,順勢提議二人應該嘗試另一種「溫情的」生活。

《妻子的浪漫旅行》
《妻子的浪漫旅行》

不過,老公毫不猶豫哋回答:「改嫁吧!」大笑姑婆采兒聽到擺出一副眼凸表情,不過一啲都唔嬲,反而喺旁邊大笑起來。

《妻子的浪漫旅行》

應采兒連環炮發問 男人最怕的問題之一「中午食咩好?」

應采兒之後繼續要求陳小春配合新的溫情相處style,又嗲聲嗲氣問「老公,等一下要吃什麼?」

《妻子的浪漫旅行》
《妻子的浪漫旅行》

陳小春道出男人心聲:「我安排嘅你都唔鍾意」

起初陳小春一副非常震驚的樣子,又話「我話吃什麼你最後都不滿意的啦」一副「懶得理你」嘅表情。

就係老婆一再追問下,話自己「今日聽你安排」、「無意見」,但深知老婆心得陳小春依然不為所動,最後實在忍唔住老婆「連環攻擊」爆出一句「食屎吧」。

應采兒:「我發誓今日老公你話事」
連節目組都唔感打出呢三個字!!! 聽到老公答案,應采兒童老公兩個都爆笑,采兒就笑言老公就係「無文化嘅人」

應采兒模仿大S撒嬌

講完相信陳小春都有點後怕,馬上起身逃離現場去換衫,應采兒就模仿大S用台灣腔講:「老公,你去哪裡?我會怕怕」,陳小春一臉無奈哋回頭,拍門離去……

模仿大S 名場面 「老公!你去哪!你不在我會怕怕!」
應采兒講完自己都覺得好笑
《幸福三重奏》節目截圖 大S汪小菲夫婦

而全身都係戲嘅應采兒前一秒在大笑,下一秒老公一轉頭,立刻變臉,場面超好笑

超貼地 陳小春應采兒 第一次拍拖係去

九記牛腩搭枱食光速餐

應采兒回憶第一次同陳小春約會嘅地方,就係喺中環嘅九記牛腩,而且仲要同人搭枱,根本就傾唔到偈,最後兩個人只係食咗15分鐘就閃人,應采兒話,嗰陣以為陳小春好孤寒,但係後來至知,原來佢根本唔識搵好嘢食,佢個世界就只有茶餐廳同打邊爐!

應采兒
YouTube截圖

咁陳小春就梗係自我感覺良好啦!仲話香港Style就係食呢啲! 應采兒就話,當時其實心都涼咗半截!

YouTube截圖

采兒仲要不斷笑老公,明明唔鍾意畀人望,但係又要同人搭枱,同枱食客問想同佢影相攞簽名,就態度超衰!

YouTube截圖

再食番呢碗定情牛腩,陳小春話味道一啲都冇變!應采兒即打蛇隨棍上問:「咁我有冇變呀?」、「你有冇後悔娶我呀?」雖然陳小春答得敷衍,但係兩句簡單直接秒回:「冇!」,已經係最最肯定嘅答案。

YouTube截圖

陳小春喺節目中剖白,其實自結婚以嚟,都係由得應采兒想點就點,因為佢唔想同老婆起任何衝突,因為一有衝突,輸嘅一定係佢,所以只要老婆開心,佢就咩都冇所謂!

YouTube截圖

應采兒就慶幸佢哋嘅婚姻係可以互補不足,佢鍾意控制人,咁啱又搵到一個老公又鍾意畀人控制⋯⋯ 嗯!咁你哋真係天生一對喇!

YouTube截圖

應采兒大談情史:「對的時間遇到陳小春」

夫妻性格大不同 與小春互補

被問到與老公的關係如何,丁丁便揚言與小春性格大不同:「 我哋互補,佢唔係好講嘢、唔係咁多意見發表,同我係相反,佢靜啲、我嘈啲,佢雖然玩得,但平時係比較boring啲嘅人,我就比較hyper啲,夫妻兩個人過一世,其實係需要互補,我多嘢諗,佢唔鍾意諗嘢,我鍾意fine dining,佢鍾意食魚蛋粉,慢慢,其實日子都係咁過,有時咪fine dining,有時咪食下車仔麵囉,其實冇問題㗎!好唔同反而結婚,呢啲先係真愛。」丁丁形容在她「癲」的時候,總會有在旁的小春叫她冷靜下來。

對的時間遇上陳小春

丁丁選擇在當時結婚,原因是她厭倦了不穩定的感情。她稱:「我諗我覺得攰嘞!係時候搵一個穩定性高同唔自私嘅人。男人自私好恐怖,好簡單,孝順父母真係好緊要!你連你阿媽都唔錫,我唔覺得你會錫得我去邊囉!唔鍾意小朋友或者動物都好恐怖㗎嘛,起碼要鍾意其中一樣。」應采兒喜歡孝順仔,難怪揀曾獲得中國十大孝順獎(中國演藝界十大孝子)的小春做老公。

丁丁以往的感情皆不牽涉圈內人,她直言,喜歡有很多人幫手睇住老公,但從不擔心他的去向,就算遇上小春的前度都不會尷尬,因為沒有事比她的家人重要。對於小春結婚前的爛玩形象,她回應道:「佢自己stop嘅,佢自己唔想蒲、唔想拍散拖,唔想識啲新女仔,佢嗰個階段咁啱係咁,我咁啱嗰個timing撞到嗰時嘅陳小春,我哋識咗咁耐,講真係冇任何嘢㗎,就係因為timing。」

陳小春:我命很好才會娶到采兒

小春和采兒一向人前人後以甜蜜見稱,這次夫妻檔出席活動,當然不會錯過放閃機會。二人均穿上黑色套裝示人,合襯度大增之餘又不失時尚感。

二人於頒獎禮獲頒「年度最有態度風尚伉儷」獎,正所謂「有其父必有其子」,看到Jasper在《爸爸去哪兒》裡的時尚打扮,就知道他的爸爸媽媽也一樣是個時尚達人,得獎當然實至名歸。

陳小春在頒獎典禮接受傳媒訪問,期間突然大講愛的宣言,向大家表示:「我命很好娶到采兒,她是百分之一千的綜藝咖!」,大讚老婆性格好又幽默,甜蜜滿瀉。

更多精選內容