【玩過火】張繼聰囡囡一見爸爸就嗌…

【玩過火】張繼聰囡囡一見爸爸就嗌…

因為成日喺IG 喪PO同個女之間嘅小互動,張繼聰已經由早前被封嘅「完美愛妻號」,變成今天嘅「晒囡狂魔」!早前,張繼聰考囡囡點樣叫爸爸,一度被精靈囡囡引發笑蛋。昨日,張繼聰又再上次一段張靖(KaKaBall)可愛日常短片熱笑網友,張繼聰好滿足感留言話:「 咁嬌嗲!真係令我迷醉!」

撰文:Sunday Kiss 圖片:張繼聰IG

張繼聰考囡囡點叫老竇

張繼聰一家四口幸福滿瀉人人都知,早前,張繼聰就上載一段不斷問囡囡「動物點叫」嘅對答短片喺個人社交網,片中開首老竇就起勢咁問囡囡KaKaBall狗、貓、鴨、牛、雞、羊呢啲動物點叫,而醒目嘅囡囡非常有耐性咁逐一回答「谷谷」、「咩咩」嘅叫聲,非常萌爆!

對著呢位「問題爸爸」真係得返愛女KaKaBall先咁好氣答佢。

經過一輪爸爸猛烈提問及囡囡耐心回答後,張繼聰終於入自己心中一直想問嘅正題,佢又玩意起 問囡囡:「咁爹哋點樣叫㗎?」

爸爸你又想整估我?!

KaKaBall諗一諗後,就勁醒目咁答:「阿聰!」真係估佢唔到!旁邊嘅「阿聰」起勢咁爆笑!

【玩過火】張繼聰囡囡一見爸爸就嗌…

呢日,張繼聰又再上傳一段得意女KaKaBall嘅短片,片中直接囡囡一轉頭見到爸爸,就直接嗌:「阿聰」!

雖然囡囡直接嗌爸爸名係有小小尷尬,不過張繼聰對著呢位「前世情人」就一啲都唔介意!仲好滿足咁興奮留言:「嗌「阿聰」唔緊要,仲要嗌到咁嬌嗲!仲要失驚無神嗌一嘢,求佢嗌多嘢都冇, 真係令我迷醉~」

網友封囡囡為:「最強情敵+阿聪的情人」

網友笑言:「回眸嗰下真係攞命,學得媽咪真傳!」、「好得意」,另有網友就話:「KaKaBall OS:鬆一口氣,今晚終於唔駛再畀人提問!」

更多精選內容