【牛油果健康食譜】連食10日 改善肩頸僵硬問題

【牛油果健康食譜】連食10日 改善肩頸僵硬問題

【牛油果健康食譜】牛油果呢種食材,除咗有美容、減肥、降低患心血管疾病風險等效果外,對所有返office嘅打工仔嚟講,更是應多食嘅食材!點解咁講?因為牛油果原來仲有紓緩肩頸僵硬嘅功效!點食先最有效?睇睇醫生點講!

撰文:Carmen|圖片來源:《名医が認めた!病気や体の不調を予防改善してくれる最強の食べ物SP》

日本近6成人受肩頸僵硬困擾

日本近6成人受肩頸僵硬困擾。

肩頸僵硬唔止係中年、老年人士常見嘅毛病,成日長時間保持同一個動作打電腦嘅,一眾辦公室打工仔都容易患上!肩膊一帶嘅肌肉稱為「僧帽筋」,係支撐頭部、頸嘅肌肉。

肩膊一帶嘅肌肉稱為「僧帽筋」,係支撐頭部、頸嘅肌肉。

因為要支撐個頭,兩邊「僧帽筋」合共要負重10kg!係日常用得「最狠」嘅身體肌肉。而肩頸僵硬嘅原因,係疲勞積聚,令「僧帽筋」嘅血流滯住,血液循環唔好,就會令肌肉僵硬。

而肩膊僵硬嘅原因,係疲勞積聚,令「僧帽筋」嘅血流滯住。

節目分別邀請咗3組不同年齡層嘅男女做實驗,用專門測量肌肉硬度嘅儀器,量度測試對象喺食用牛油果嘅前後,肌肉硬度數值變化。10~29為「安心區」、30~39為「提高警覺區」、40或以上就係「硬到爆區」。

10~29為「安心區」、30~39為「提高警覺區」、40或以上就係「硬到爆區」。

上層顯示嘅數值為食用牛油果前嘅數值,近乎所有數值都處於「硬到爆區」!但只係食用咗牛油果10日,全員嘅肩頸肌肉硬度就回落到「提高警覺區」,甚至回落到「安心區」!

只係食用咗牛油果10日,全員嘅肌肉硬度數值就明顯下降!

喺未食牛油果前,數值最高嘅福田小姐嘅右肩已經硬到舉唔高手!

未食牛油果前,福田小姐嘅右肩已經硬到舉唔高手!

但只係跟食譜食咗10日,就能輕鬆舉起右手!連節目嘅現場嘉賓都驚喜不已!

只係跟食譜食咗10日,福田小姐就能輕鬆舉起右手!

牛油果營養價值

牛油果含有豐富維他命B1、B2、維他命E,有令肌肉疲勞回復嘅效果。

牛油果有令肌肉疲勞回復嘅效果。

另外,牛油果中亦含有油酸,對於預防動脈硬化、生活習慣嘅病痛非常有效。

牛油果中亦含有油酸,對於預防動脈硬化、生活習慣嘅病痛非常有效。

10日見效咪要食好多?醫生就話,其實一日食半個已經好足夠!呢個分量好easy啫!

一日食半個牛油果已經好足夠!

牛油果健康食譜

1|燒紫菜涼拌牛油果

日本管理營養師・渥美真由美指出,燒紫菜中含有豐富維他命B1、B2,有令肌肉疲勞回復嘅效果,配合牛油果一齊食,能夠發揮到更好功效!

燒紫菜中含有豐富維他命B1、B2,有令肌肉疲勞回復嘅效果。

所需材料:大牛油果1個(去皮、去核,淨重200g)、支裝日式芥末(半茶匙)、醋(1茶匙)、豉油(2茶匙)、欖橄油(1湯匙)、燒紫菜(半片)。

「燒紫菜涼拌牛油果」所需材料。

做法:先將牛油果切粒備用,再將所有調味料放到碗中拌勻,然後將牛油果粒倒入調味汁,最後將紫菜撕碎放埋入碗,一次過將整體拌勻就完成了!

「燒紫菜涼拌牛油果」

2|照燒汁煮牛油果豬肉卷

豬肉同樣擁有疲勞回復效果,而且喺咁多肉類當中,豬肉係含有最多維他命B1、B2。

喺咁多肉類當中,豬肉含有最多維他命B1、B2。

所需材料:牛油果(1個)、豬肉片(10片)、鹽+胡椒粉(各少許)、橄欖油(1湯匙)、豉油(1湯匙)、味醂(2湯匙)、檸檬油(1茶匙)。

「照燒汁煮牛油果豬肉卷」所需材料。

做法:牛油果去皮、去核後,縱向切至5等片,然後用豬肉捲住牛油果片,用鹽&胡椒粉調味。將橄欖油加到鑊中,調至中火烹煮牛油果豬肉卷。兩邊都煎至轉色後,就加入豉油、味醂、檸檬汁打芡,煮稠芡汁就完成。

「照燒汁煮牛油果豬肉卷」

更多精選內容