迷倒後宮卻捉不住女兒的心 聶遠囡囡鍾情「傅恒」

迷倒後宮卻捉不住女兒的心 聶遠囡囡鍾情「傅恒」

喺《延禧攻略》劇中,後宮一班女人,為咗爭取皇上嘅寵愛,鬥個你死我活!於劇中飾演乾隆皇帝嘅聶遠,有後宮佳麗三千,但係現實當中,就連自己個女個心都俘虜唔到!早前接受訪問時,,透露囡囡天天鍾情嘅,係飾演傅恒嘅許凱!口講話會尊重囡囡嘅選擇,其實內心酸到不得了!

撰文:Sunday Kiss 圖片:聶遠微博

專演古代美男子

在《延禧攻略》中飾演皇上嘅聶遠,從演以來多次飾演古代美男子,如《三國》嘅趙子龍、《西遊記》嘅唐僧等!2004年張紀中籌拍《神鵰俠侶》,聶遠本來是飾演楊過嘅大熱人選,可惜最後角色落入黃曉明手中!

聶遠

2008年,聶遠與同門師妹楊光結婚,可惜婚姻只維持了4年,二人於2012年離婚。聶遠於2014年再婚,同年5月囡囡聶子一(天天)出世!天天而家已經4歲,係個眼大大,又可愛嘅小妹妹!

相片截自聶遠微博

聶遠成日都會喺微博PO佢同個女嘅合照!兩父女都成日出雙入對!

相片截自聶遠微博

今年天天生日,佢同媽媽講,想要一隻粉色嘅狗仔!聶遠知道之後頭都大埋,都唔知去邊度搵!最後就同天天一齊畫!

相片截自聶遠微博

因為個女仲細,聶遠開工嘅時候,經常會將個女帶喺身邊!

拍《延禧攻略》嗰陣,天天都日日喺片場陪住爸爸,深得一班後宮娘娘嘅寵愛,聶遠話天天成日都讚班後宮娘娘靚,不過語氣都好敷衍!直到有一日,飾演傅恒嘅許凱出現,天天就即時便咗「心心眼」喇!

相片截自聶遠微博

聶遠都好無奈咁話:「許凱太帥了~」所以個女見到佢就紅都面埋!皇上仲話會尊重女個嘅喜好,做一個開明嘅爸爸⋯ 嘩~浸醋味濃到呢~

更多精選內容