【親子好去處】酒店自助午餐 限時優惠+週末免費親子活動

【親子好去處】酒店自助午餐 限時優惠+週末免費親子活動

大家有無諗過嘆餐午餐,接下來就可以免費玩足全日。最近我地去咗富豪機場酒店食自助午餐,之後就參加好多酒店免費提供的親子活動,大人細路都玩得好開心呀。

【親子好去處】 酒店自助午餐 限時優惠 週末免費親子活動

原來富豪機場酒店由Summer開始,每個月最尾的一個weekend星期日都有好多唔同免費活動,工作坊比小朋友同大人一齊參加,一陣再同大家介紹下有咩好玩活動。

以家先同大家講下藝廊咖啡室 Cafe Aficionado嘅自助午餐先,環境當然係闊落啦,我地放咗2張high chair都好鬆動。自助午餐時間都由12:00noon去到2:30pm,適合一家大細慢慢食、慢慢坐去享用嘅自助餐。

唔好以為自助午餐食物選擇就得好小呀,佢地最近好像是亞洲主題,有好多唔同亞太地區的食物比大家選擇,泰式海南雞飯、烤肉、冰鎮海鮮、冷盤、熱食、甜品應有盡有。

講返食物都係集中在餐廳正中央,分割為唔同區域,包括沙律吧、芝士拼盤、麵包區、冷盤區、冰鎮海鮮,有新鮮嘅翡翠螺、青口、甜蝦等,而且仲係不停咁有職員refill。

回本海鮮

當然唔少得湯水啦,唔同種類嘅熱盤,十多款都算幾豐富架,而且有唔同地道特色,仲有烤肉,我食咗燒肉眼,肉質都ok,有唔同醬汁供應比大家,有黑椒汁、沙嗲汁同燒汁,仲有芥辣,岩哂喜歡食肉嘅朋友,當然唔少得白飯任裝!

冷盤亦有不少選擇
壽司被掃空,不過好快就會fill up

仲有特色主題嘅印度咖喱,泰國菜等。我妹仔肚當然最鍾意食呢個即煮麵檔,麵檔設計得好有地道風味。有幾款粉麵、同多款配料可以比大家自由配搭,佢有3種湯底比大家揀:越南牛肉湯、新加坡蝦湯、馬來西亞喇沙湯,絕對可以等大家食得飽飽。

肥美海南雞
麵檔設計得好有地道風味

 

多款東南亞即製麵食

但如果你想留肚食甜品又絕對係無錯喎,因為酒店的甜品種類真係好多,我估夾埋可能超過30款,芝士餅係我一直最喜歡食嘅、焦糖燉蛋、朱古力慕絲呢d都當然有啦。

啫喱糖就岩哂小朋友、孖寶大放肆呀,又食冬甩,又食啫喱糖,仲食埋雪糕。仲可以自己即製班戟、d甜品供應真喺超多,仲有生果,朱古力噴泉、夏日刨冰、紅豆沙、豆腐花等。

自助熱辣辣即製班戟

孖寶食咗2個朱古力冬甩,佢地都話好食,唔算太甜,而且煙韌得來又有咬口。

最值得一提又係重頭、壓軸當然就係Movenpick雪糕啦,好似成間Movenpick雪糕店咁,雪糕櫃上有好多款唔同口味比大家品嚐,我估起碼有15種以上。咁多款口味真喺第一次見,啱哂喜歡食雪糕嘅你。

超過15款口味可供選擇

總結我覺得最突出一定係甜品呢一part,超多款式,味道又ok, 而且重點係有Movenpick雪糕作餐後甜品。

藝廊咖啡室地方大,服務不錯,參加哂下午workshop之後,夜晚仲可以去埋東薈城行下Outlet。而且最近用滙豐credit card仲有65折,我地食呢個週日自助午餐,折咗都只係200左右,食得過呀。(詳細大家可以跟酒店餐廳查詢咩credit card有優惠呀)

好啦,食飽啦就到小朋友出場時間啦。我地當日參加咗Chinese Cooking Class Pork Dumpling 中式烹飪班 – 鮮肉水餃,有大廚好細心咁教小朋友包餃子。

免費親子 中式烹飪班

 

小朋友都好積極參與

 

其實酒店仲提供咗好多免費活動比大家參加架,有English Story-telling英語故事會、Hip Hop Dancing嘻哈舞蹈教室、Face Painting面部彩繪Face Painting面部彩繪等。附我8月的活動時間表比大家參考一下。

而佢地每個月最尾一個星期日的活動時間表都可能會有改變,詳細可以同酒店check返最update的活動時間表。

仲有個哥哥在場Balloon Twisting扭氣球送比大家,孖寶做咗2架飛機。


酒店Conference Centre 仲特設TV Games Station電子遊戲區比較大的小朋友同家長一齊玩。亦有Family Theatre 家庭影院放卡通片比大家睇,我地當日都睇咗The Incredibles 超人特工隊呀。

Overall,我最鍾意就係創意烹飪班,由師傅親自教授小朋友創意烹飪,比大小朋友一齊顯身手,製作過程之中又可以學到唔同的知識,趣味無限呀。

提提大家參加各活動都可以向藝廊咖啡室(地下)預先報名呀!

黎緊9月30日這個星期日我地都要bookmark定,再去玩返個下午。

藝廊咖啡室自助午餐:

成人HK$308 + 10%服務費 (週六、日及公眾假期)

3-11歲小童及長者HK$238 + 10%服務費 (週六、日及公眾假期)

***多間指定信用卡客戶更專享自助午餐 / 自助晚餐65折優惠***

 

限時7折 優惠傳送門:http://www.okibook.com/store/Cafe_aficionado_regal_airport_hotel

優惠期有限,詳情可以跟酒店餐廳查詢

 

餐廳資訊:

富豪機場酒店 藝廊咖啡室 Cafe Aficionado

地址 :赤鱲角暢達路9號富豪機場酒店地下 G/F, Regal Airport Hotel, 9 Cheong Tat Road, Chek Lap Kok

訂座電話:(852) 2286 6238

 

**是次的產品及產品資訊由品牌 提供**

我和孖寶的Facebook Page:荔枝與孖寶

我和孖寶的 Instagram IG#:laichimama

If there is any question or you looking for me and the boys, please feel free to contact LaiChiMaMa via Email:[email protected]

更多精選內容