【恭喜!】陳智燊宋熙年囝囝出世!新手爸爸親剪臍帶

【恭喜!】陳智燊宋熙年囝囝出世!新手爸爸親剪臍帶

陳智燊(Jason)同老婆宋熙年(Sarah)結咗婚兩年,今年4月宣布有孕嘅宋熙年,早兩日已經低調入院,剖腹為Jason生咗個B仔,BB有6磅重,新手爸爸仲親手為BB剪臍帶添!

撰文:Sunday Kiss 圖片:陳智燊宋熙年IG

6磅B出世 母子平安

今日(31/8) 陳智燊宋熙年同時更新IG,原來佢哋嘅愛情結晶「Boss baby」,已經出世喇!Sarah PO咗一張Jason抱住BB嘅相,慈父相表露無遺!

同時Jason就PO咗一樣同BB頭貼頭嘅相,個樣勁冧,仲話好多人都話個仔同佢似樣,咁即係大個都會係一個靚仔啦!

新手爸爸Jason在訪問中表示,心情好興奮。上個星期老婆仲係大住肚,BB而家出咗世,成件事唔知點去消化,覺得好得意、好神奇!而佢亦都有陪老婆入產房,過程好順利!

BB尚未改名

報導指,Jason仲喺醫生傍住之下,幫囝囝剪臍帶!佢話當時好似剪綵咁,醫生仲叫佢影咗相先!剪完BB仔冇事,佢自己都冇嚇親。Jason覺得BB瞓覺個樣好甜,好似媽咪,不過朋友就個個話BB 似爸爸。

更多精選內容