李亞男

李亞男親認陀B女 網民:拜託要像媽媽!

育兒

廣告

王祖藍同太太李亞男結婚3年,今天7月終於宣佈造人成功,李亞男經常笑言丈夫基因太強,如果生女似爸爸就大獲,因此一直未有公開BB的性別,不過今日李亞男終於開估,係囡囡呀!

撰文:CMY、Sundaykiss|圖片來源:Instagram、新傳媒資料庫、電視節目截圖

李亞男在個人Instagram上載了一張孕照,肚上就用粉紅色寫了「Baby Girl」,留言指:「今日小公主陪我開工,佢好乖!」

 

在 Instagram 查看這則貼文

 
李亞男Leanne(@therivergirl)分享的貼文 張貼

網民得知李亞男陀B女後,紛紛留言指希望不要像爸爸王祖藍,更有粉絲指會天天替李亞男祈禱:「拜託要像媽媽!」

胎動似攪肚痛

李亞男有咗4個月,狀態仲好好,冇增磅,冇腰痛,又冇乜作嘔作悶,胃口都OK!不時仲去行吓公園,希望對將來順產會有幫助。

View this post on Instagram

一家三口的小幸福 #找亮點

A post shared by 王祖藍 (@wong_cho_lam) on

李亞男話,初初感受到胎動嘅時候,感覺好奇妙,好似攪肚痛咁!

View this post on Instagram

Enjoying my backyard💕

A post shared by 李亞男Leanne (@therivergirl) on

未決定順產定開刀

李亞男話而家仲未決定順產定開刀,因為王祖藍實在太忙喇,怕BB出世會撞正爸爸要開工,如果開刀嘅話,爸爸就可以提早請定假!

李亞男選完華姐初到香港,就被公司安排同鍾嘉欣同住。而家佢哋都先後結婚,仲升級做媽媽喇!

李亞男:BB好錫媽咪

有網友就關心懷孕初期的李亞男早上有沒有晨起嘔吐、噁心、喜食酸物或厭油膩等妊娠反應,李亞男就表示,BB好錫媽媽,佢暫時都未經歷過孕期的任何不適,只會每日覺得好攰,又會頻頻「尿尿」。

暖男廚房 大肚食唔停

李亞男於5月曾推出食譜書,為了籌備出書的她,不時拜師學藝,亦成日喺IG上載食物相。而陀BB當然要好營養﹐入得廚房的李亞男,更為自己烹飪不少美食,懷孕後亦進食不少健康餐、生果及果汁!

曾自卑而導致分手

王祖藍 同李亞男喺06年已在教會秘密撻着,當時王祖藍寂寂無名,又怕俾唔對幸福對方,自卑之下,與李亞男分手。王祖藍曾經講過:「我嗰時係咩啫?兒童節目主持,冇人識,身高又……而佢,華姐喎,又高又靚,我唔敢高攀。佢哋由細到大都覺得係咪要搵個好啲嘅呢?所以李亞男都有啲驚。我哋05 年認識,06年決定喺埋一齊,但好快又冇喺埋一齊。」

分手後,王祖藍的工作機會接踵而來,事業不斷發展,歌影視三邊忙。09年,王祖藍始終都放唔低李亞男,之後寫咗一封情信加一隻自己寫嘅歌《跌落凡間的天使》送俾李亞男,終於佢哋又走番埋一齊。

台慶求婚成佳話

兩人於2010年11月爆岀戀情,李亞男大讚王祖藍有責任感,又夠勇表白,而王祖藍覺得李亞男係好女仔其後五年中他們愛得甜蜜。呢對「長短腳之戀」終於開花結果,王祖藍喺無線節目《萬千星輝賀台慶》中,當著全港700萬觀眾面前,跪地向李亞男求婚,最後李亞男喜極而泣,仲未講我願意就等唔切想戴戒指,場面感動又搞笑。

情人節舉行婚禮

最後王祖藍求婚成功,並喺2015年2月14日情人節當日舉行婚禮,邀請咗親友及圈中好友為佢哋簽紙見證,之後喺迪士尼擺酒,真係甜上加甜。

老婆入院 自責自己沒陪伴左右

王祖藍曾經因爲李亞男入院,自己又唔係老婆身邊而感到𤷪。佢覺得點解老婆最需要自己嘅時候唔喺度,佢又因呢件事而好決絕咁推晒半年嘅job。並因呢件事,王祖藍先覺得都係屋企緊要,錢搵唔晒嘅!

李亞男爆祖藍鍾意放屁

婚後兩人夫妻檔岀席活動又做節目主持例如《蜜月到訪》,李亞男仲大爆最唔鍾意祖藍放屁:「佢會喺我面前,扮啲好Cute嘅姿勢,我要放啦!一、二、三!仲要將個Pat Pat放喺我塊面前面放!」祖藍就笑住咁話:「我係教佢咩叫俾人噴到一面屁咋!」

王祖藍豪宅曝光

王祖藍自從轉移重心到內地密密搵銀養家後,在買樓方面也大擲手筆,以1億6千萬連掃3個大埔逸瓏灣豪宅單位,送給老婆及父母,是孝順又愛家的好男人!

其中一棟豪宅曝光,容納到二、三十人不止,還有名貴的玻璃擺設及紅酒等收藏。

祖藍對岳父岳母一點也不馬虎,在香港也為他們購入了一間豪宅,可謂愛屋及烏。