【親子好去處】包場式室內暖水池bb游水推介

【親子好去處】包場式室內暖水池bb游水推介

魔王芊除咗出世第一個月沖親涼都好似俾人虐打咁喊(委屈了嫲嫲),之後都係個愛玩水嘅小朋友,一有涼沖就喺浴盤玩到唔捨得走。

繼華欣初游,早排經朋友介紹,我哋就去咗Babyshine 親水會館再試游水喇!

【親子好去處】包場式室內暖水池寶寶游泳推介

佢哋選址係荔枝角高級商廈,地鐵站一出只係行3分鐘極方便。而且新開張唔係好耐,設備好新好靚!

Wilma媽今次同埋朋友們一齊去,三個家庭就有包場服務(最多12人),唔洗怕越佔走樣身材,俾外人見到。

除咗包場俾大家自己玩,佢哋亦可以加錢上親子游泳堂。
呢日都係BB們第一堂,教練教佢哋嘅都循序漸進,由媽媽用沖涼玩具。喺BB嘅頭上面灑水開始,到扶助佢哋用下半身浮同踢水,再同佢哋喺浮板上面玩。BB們可以慢慢習慣同水共處嘅感覺!
芊羽係魔王級嘅唔怕死,仲令佢越級挑戰潛水(一下,哈哈哈),雖然有少扁咀,但好快冇事。

而Babyshine有兩間好寬敞嘅更衣連沐浴室,包場範圍除咗暖水池,亦有小型波波池、小籃球架、遊戲機等等,好適合幾個閏蜜帶埋老公BB一齊玩!
題外話,佢哋有一半做咗小型健身室,爸爸媽媽們都係你哋鍛練線條嘅時候喇Hey!

Wilma媽再上佢哋fanpage睇多啲,見佢哋仲有好抵嘅Babyspa package同埋嬰兒按摩教學等等,大家有興趣都可以搵佢哋了解更多。

知大家會想問:

游水佢哋提供用具嗎?
答:有齊游水尿片、毛巾、濕紙巾等等提供,而嬰幼兒係靠媽媽旁實,唔洗用水泡,所以連水泡都唔使帶,淨係帶泳衣泳褲就得喇。

泳池用咩水?
答:因為我同朋友個仔都有濕疹底,我哋一直都唔敢去大型泳池,因為怕有氯水等等嘅消毒用品。Babyshine 用嘅係清水啊,有過濾系統,不含樂器,池水會經常更換,有需要時會用美國製泳池專用消毒粉清潔,不含任何化學成分,安全!

更多精選內容