【親子好去處】Sanrio家族現身尖沙嘴 | 6大必影打卡位 + 必玩小遊戲

【親子好去處】Sanrio家族現身尖沙嘴 | 6大必影打卡位 + 必玩小遊戲

中秋節過後,各大商場開始迎接Halloween!Sanrio家屬率先換上Halloween主題服裝,現身尖沙嘴!場內除咗有必影打卡位之外,仲有2大必玩小遊戲!Sanrio粉絲必去!

撰文:Kamen | 攝影:Yoyo

【親子好去處】Sanrio家族現身尖沙嘴 | 6大必影打卡位 + 必玩小遊戲

Sanrio家屬除咗同海洋公園合作,仲現身尖沙嘴The ONE!9月23日至10月31日期間推出「魔幻神秘森林」,7大人氣角色齊齊同大家個Halloween!場內一共有6大打卡位,Hello Kitty、Kuromi、Little Twin Stars、gudetama(梳乎蛋)、Pompompurin(布甸狗)、Cinnamoroll(玉桂狗)及Bad Badtz-Maru(XO)全部都有齊!等編輯帶大家一齊睇下有咩打卡位啦!角色

打卡位1:嘩鬼森林城堡

嘩鬼森林城堡位於展場正中間,由Hello Kitty 同Kuromi一齊坐鎮,必影!

嘩鬼森林城堡
嘩鬼森林城堡由Hello Kitty 同Kuromi一齊坐鎮,粉絲必影!
編輯覺得企喺Kitty身後,影出嚟效果最好!可以影晒全個城堡!
Hello Kitty 手上拎住骷髏骨頭嘅糖果盒,好得意呀!
Kuromi嘅魔杖都好特別!

打卡位2:魔法南瓜車

魔法南瓜車由Little Twins Star 坐鎮,香港好少見有佢哋嘅展品!

魔法南瓜車由Little Twins Star 坐鎮。
編輯極度推薦坐喺依個位影!

Little Twins Star 都有萬聖節元素!你睇下!佢有吸血鬼尖尖牙㗎!

打卡位3:搗蛋南瓜田

搗蛋南瓜田係布甸狗嘅地頭!超級可愛!

搗蛋南瓜田係布甸狗嘅地頭!佢仲係狼人造型嚟㗎!
編輯好鍾意布甸狗!影到唔捨得走呀!
係行可愛路線嘅萬聖節展品!

打卡位4:黑幻墓地

黑幻墓地由吸血鬼XO 同以法老王及木乃伊造型登場嘅梳乎蛋一齊駐守!

吸血鬼XO 同以法老王及木乃伊造型登場嘅梳乎蛋,可愛程度滿分!
編輯最鐘意法老王造型嘅梳乎蛋!

打卡位5:魔法巫師肉桂湯

魔法巫師肉桂湯當然係玉桂狗嘅地頭啦!除咗有得影相,仲有小遊戲玩㗎!下文會講玩法,唔好走開!

巫師造型嘅玉桂狗

打卡位6:勇闖魔法蝙蝠籠

勇闖魔法蝙蝠籠係另一個小遊戲,編輯覺得有啲似電話亭(笑)

小遊戲-勇闖魔法蝙蝠籠
編輯覺得佢嘅燈柱都好值得影!係南瓜Hello Kitty啊!

必玩小遊戲 換領靚靚禮品

除咗打卡位,現場仲有3款小遊戲畀大家遊玩!分別係「勇闖魔法蝙蝠籠」、「魔法巫師肉桂湯」以及以手機APP集印花。

玩遊戲可以換領靚靚禮品!
玩遊戲可以換領靚靚禮品!

「魔法巫師肉桂湯」玩法係挑戰者要合力轉動魔法煲,將魔法珠轉到洞入面,挑戰成功可以獲得Sanrio characters限定版卡套!

挑戰者要合力轉動魔法煲,將魔法珠轉到洞入面
挑戰成功可以獲得Sanrio characters限定版卡套!
Sanrio characters限定版卡套,裝八達通啱啱好!

「勇闖魔法蝙蝠籠」玩法係要挑戰者企喺籠入面,喺限時內捕捉不同分數的蝙蝠,挑戰成功可以獲得Sanrio characters限定版杯墊!

挑戰者要企喺籠入面,喺限時內捕捉不同分數的蝙蝠
地下會吹起強風!記得唔好學編輯咁著裙去,唔係走光就唔好啦!
Sanrio characters限定版杯墊,其實好靚㗎!

除咗以上2個遊戲,大家亦可以下載The ONE手機APP,開啟藍芽成功收集5位Sanrio characters嘅印花,成功收集全部印花可以換領Sanrio characters限定版便利貼㗎!

下載The ONE手機APP,開啟藍芽成功後可以收集5位Sanrio characters嘅印花。
5位Sanrio characters嘅印花,只要連接咗藍牙,去指定樓層就會自動收集!
成功收集全部印花可以換領Sanrio characters限定版便利貼,好得意!

Little Twin Stars 見面會

9月30日及10月7日指定時間,Little Twin Stars將會同大家舉行見面會!粉絲可以近距離接觸,一齊Selfie!

Little Twin Stars將會同大家舉行見面會

Little Twin Stars將會同大家舉行見面會

「Little Twin Stars見面會」活動詳情:

日期:9月30日及10月7日 (星期日)
時間:下午2時(第一場)及3時(第二場)
地點:The ONE UG2中庭

The ONE Club會員憑800積分,即可免費換領入場證乙張,與Little Twin Stars見面合照! (每場名額:30個,每名會員只限換領一次。)
換領詳情:
日期:9月22日至換完即止
名額:共120個 (每場名額有限,先到先得,換完即止。)

消費滿指定金額換領小物

活動期間內,The ONE Club 會員於場內任何商戶以電子貨幣即日消費滿HK$800^或憑5,000積分,即可免費換領Sanrio characters「萬」用環保食物袋乙個,可愛又環保!The ONE Club 會員消費滿HK$1,300^或憑8,000積分,更可免費換領Sanrio characters「萌」聖節保溫袋乙個。

「萌」聖節保溫袋(上)「萬」用環保食物袋(下)
「萬」用環保食物袋
「萌」聖節保溫袋

「The ONE・Ocean Park・Sanrio characters魔幻神秘森林」消費禮遇詳情:

日期:9月22日至換完即止
時間:中午12時至晚上10時
地點:The ONE L2禮品換領處
方法:The ONE Club 會員於場內任何商戶以電子貨幣即日消費滿HK$800^或憑5,000積分,即可免費換領Sanrio characters「萬」用環保食物袋乙個。The ONE Club 會員於場內任何商戶以電子貨幣即日消費滿HK$1,300^或憑8,000積分,即可免費換領換領Sanrio characters「萌」聖節保溫袋乙個。

(每日名額有限,先到先得,換完即止)

「The ONE・Ocean Park・Sanrio characters魔幻神秘森林」開放詳情:

日期:9月23日至10月31日
時間:上午10時至晚上10時#
地點:The ONE UG2中庭

 

更多精選內容