【哈囉喂2018】海洋公園4間鬼屋率先玩 | Sanrio主題美食+精品一覽
編輯：K | 原文：Kelly@新假期| 圖片：Woody、海洋公園
率先試玩4間鬼屋！海洋公園哈囉喂2018
海洋公園哈囉喂全日祭2018將於10月5日至31日期間舉行，今年一共有11個哈囉喂景點、13種獨特體驗，透過一系列多媒體和互動元素令刺激感提升！其中有些鬼屋更加入了VR技術，令參與者可以更代入情境，驚嚇指數up！除咗恐怖鬼屋，今年海洋公園亦同Sanrio合作，推出既可愛又「恐怖」的哈囉喂主題美食、精品，穿上哈囉喂主題服裝的Sanrio家族亦會出現於海洋公園！哈囉喂唔再係大膽朋友嘅專利，小朋友都啱去！而編輯部「嘩鬼專員」就率先試玩4間鬼屋，其中鬼屋深海怨靈更是海洋公園首次以神秘深海為主題建造，到底有多神秘？即刻睇睇啦！
鬼屋1：屍營醫院
兩位嘩鬼專員在探索鬼屋的時候，不停問周邊已試玩過的人，都指屍營醫院是這4間鬼屋中最恐怖！在入去前，「屍體們」會給予一支可以探測靈異活動的電筒探路。當有靈異靠近時，電筒會亮起燈號、震動及發出聲響提示，場景和氣動裝置亦會對電筒有所回應，令靈探的你們非常驚讓慌，更會不停左望右望尋找「鬼仔鬼女」，不過非常不容易，因為製作團隊更特意令靈異探測電筒不時發生「故障」，無故閃爍或在漆黑環境中突然轉暗等，非常難捉摸！
鬼屋2：深海怨靈
海洋公園首次以神秘深海為主題建造鬼屋深海怨靈，雖然鬼屋的驚嚇度不及屍營醫院，不過兩位專員都覺得這間鬼屋非常靚！因為內裡的設計都是以海洋做主題，加入了水池、漏水水管、大水缸等佈置，而且鬼怪們更是「美人魚」「魚類」上身，詭異非常。
鬼屋3：血腥馬戲團
講到最最最靚設計，非血腥馬戲團莫屬，一進入鬼屋，馬戲細節例如旋轉木馬、小丑等等都呈現眼前，令你置身馬戲團之內，不過雖然鬼屋的燈光較亮，但千萬不要掉以輕心！因為鬼怪隱藏的地方，大多你都意想不到！隨時嚇你一驚！
連體鬼怪。
鬼屋4:VR屍間潛行
除了以上3間鬼屋體驗外，今年海洋公園更有VR鬼屋，「探靈者們」需要坐在鵝蛋形裝置中，戴上虛擬實境眼鏡，便會置身擺滿屍體的停屍間，屍體更會爬上身！小心呀！
【「腥」級版越礦飛車】
除了以上4間鬼屋外，海洋公園熱全港首個虛擬實境過山車越礦飛車，亦會在哈囉喂期間限定升級，「捉鬼獵人」們需要戴上虛擬實境眼鏡，坐在過山車上捉鬼！從墳墓、荒廢的西部小鎮至巨型馬戲團帳篷，一路追擊邪惡馬戲班主，與邪惡班主決一死戰。
可愛到點食呀？ Sanrio 萬聖節套餐
今年海洋公園首次與Sanrio合作，打造香港有史以來最大型的Sanrio characters哈囉喂派對，當中當然有不少的Sanrio 卡通美食啦！款款都可愛到爆，點食得落口！
必買！限定Sanrio x哈囉喂精品
【親子好去處】海洋公園 x Sanrio 哈囉喂 | 糖果村打卡+見面會！
每年海洋公園哈囉喂都以恐怖嘅鬼屋吸引唔少大膽朋友拉大隊入場挑戰。不過一班朋友或者一家人，仲有人比較大膽，有人好鬼怕死，搞到有人玩得好開心，有人就嚇到喊曬口。海洋公園今年就同Sanrio合作，10月5日至10月31日期間哈囉喂派對、糖果村及見面會都有Sanrio家族嘅身影，一次過滿足曬大膽同細膽嘅你地。到時爸爸同細佬去玩鬼屋，媽咪就可以同妹妹去打卡影相，一家人都可以玩到盡興！
Sanrio家族聯萌哈囉喂派對
Sanrio家族今個萬聖節決定大搞派對，不過Kuromi為咗成為派對主角，竟然施展魔法困住所有成員。一眾迷途嘅Hello Kitty、梳乎蛋、玉桂狗就等緊你破解魔法地圖去拯救！
Sanrio家族糖果村
萬聖節緊係要Trick or Treat喇！係糖果村成功挑戰小遊戲就會有糖贈送！而且場內有多個打卡位可以拍照留念。仲有從未係香港露面嘅神秘Sanrio家族成員首次現身！又食又玩又影相，真正一次過滿足你3個願望啊！
Sanrio家族哈囉喂見面會
因為萬聖節，一眾家族成員都換咗萬聖節限定嘅造型，只此一次，一定要搵佢地影多啲相留念！
鍾意Sanrio又想申請全年證嘅粉絲注意！8月13至9月9日期間以正價續購或購買智紛全年證優越卡或金卡，即刻送你限量Sanrio精品、額外2個月會籍、與Sanrio家族合照特快通行乙次等等多個優惠。今個萬聖節千祈唔好錯過！
