最上鏡小姐 – Kat Chan

最上鏡小姐 – Kat Chan

最近名校圈內興起一股「曬校友」熱,出得最多靚女嘅名女校,就梗係嘉諾撒聖瑪利書院啦!點解?因為佢哋一共出咗3個港姐冠軍、一個季軍同兩個最上鏡小姐!而最暗淡無光嘅,真係非有「半山扒房」之稱嘅英華女學校喇!(詳情請自行搜尋”英華校友”!)

不過英華女生近年質素真係高咗幾多,起碼之前都有兩個上過學界男女神啦!而家仲有第三個tim!阿Kat(陳蒨瑩),係英華嘅舊生,而家喺CityU讀緊Year 4,個樣生得精緻之餘,又好上鏡!仲係模界嘅新力軍tim!

profile

阿Kat兩年前開始做Model,雖然話做Mode算係幾舒服嘅part-time,不過都有辛苦嘅時候!好似話studio通常都會開好大冷氣,有日凍到得十幾度,喺studio開行冷氣就得番幾度,當時阿Kat仲要着件tubetop影相,影完即刻偏頭痛發,個頭仲痛咗幾日!

3

阿Kat話啱啱入行嗰陣咩都唔識,好緊張又冇信心,動作又生硬。而家擺pose影相對阿Kat嚟講,都已經冇咩難度喇,一埋位就自己交貨,最開心就一定係攝影師啦!

5

你會唔會以為做Model要keep住咁fit嘅身材,就一定冇餐食得飽?唔係囉!好似阿Kat呢啲,就係先天瘦底,食極都唔肥,而家得90磅嘅佢,最大嘅興趣就係食嘢!

4

雖然食極都唔肥,但係阿Kat平時都有keep fit,佢仲分享咗佢嘅秘訣!例如可以嘅話就盡量行多啲,得閒就做吓gym操muscle。飲食方面都要注意吓,汽水、零食、麥記同煎炸嘢,就掂都唔好掂喇!

7

喺擇偶條件方面,阿Kat嘅喜好都特別,因為自己瘦得滯,所以佢想搵個豐滿啲嘅男朋友,因為肥仔好得意,而且得閒仲可以比佢搣吓tim!

6

阿Kat自然係靚女一名,不過上咗鏡就仲要省鏡啲tim!講堅架!即刻睇埋片啦!

嚟到2015年,「學界男女神」都要增值吓,唔止要睇盡中學界靚人,仲要殺入大專界!

所以無論你係讀緊中學定大專,只要你認為自己或者身邊嘅同學仔有呢個資格,都可以自薦或推薦俾我哋! 由今期開始,成功自薦或推薦嘅話,仲有嘢送!

參加方法好簡單,只要將想推薦嘅同學,或者自薦勇士嘅facebook ,tag喺下面 “Comment”嘅位置;再將參加者及提名人嘅姓名、年齡、就讀學校、個人專長、聯絡電話,仲有一個月內影嘅近照兩張(全身及正面),喺Sunday Kiss facebook專頁 inbox或電郵到[email protected]俾我哋;如果成功通過編輯部審核,成為「學界男女神」,自薦或推薦者就可以得到由遵理學校送出嘅「$300課程現金券」。

成功自薦或推薦者,可獲得3張面值$100嘅課程現金券。
成功自薦或推薦者,可獲得3張面值$100嘅課程現金券。

「學界男女神」,等緊你嚟挑戰!

撰文: Joanne

攝影: Sing

攝錄: Anthony Leong

剪接: Candy

Hair:[email protected] Makeup

Makeup: [email protected] Makeup

鳴謝:Partyland (提供場地)

[Corporate]- Beacon tutorial-Logo_2015

贊助獎品

更多精選內容