最低調的何家千金 何超欣又係學霸一名

最低調的何家千金 何超欣又係學霸一名

賭王何鴻燊有四房太太,十六個仔女,有傳佢最愛錫嘅,就係78歲時,同四太梁安琪所生孻女何超欣,可能係因為孻女拉心肝啦!賭王不止一次讚呢個女「靚到不得了」!時光飛逝,超欣而家都19歲喇,婷婷玉立,生性文靜低調,不過講到讀書就唔係人咁品喇!超欣同哥哥何猷君一樣,都係學霸一名,難怪深得父母寵愛!
撰文:Joanne 圖片:新傳媒資料室、何猷君、何超盈IG,網上圖片

小學在港讀名校

四太梁安琪講過過,希望超欣喺冇傳媒壓力下成長,所以超欣自細就好低調,就算同屋企人出席活動,都有媽媽、家姐阿哥睇到實。自細一向品學兼優嘅超欣,小學就讀灣仔區傳統名校瑪利曼小學,除咗讀書叻,亦都好有運動細胞,小學已經喺學界田徑場上盡顯鋒芒,小三被選為「最有潛質運動員」。

何超欣

細細個就見慣大場面,每次出現都好淡定。

四房全家福,(左一)為二哥猷亨,(中)三哥猷君,(右)為大家姐超盈。

超欣12歲就去咗英國讀寄宿學校, 所以自細就好獨立,識得自己照顧自己。

喺英國讀咗6年書,早前考GCSE考到9個A*,數學更加攞滿分。

本來劍橋已經收咗佢喇,不過超欣就想轉換吓環境,於是就跟阿哥去美國繼續升學。

而家超欣已經入讀美國麻省理工大學(MIT),仲做埋中國留學生會會長,認真叻叻豬!

最近超欣仲代表MIT去參加同哈佛(Harvard)、耶魯(Yale)、普林斯頓(Princeton)同史丹福(Stanford)共5間名牌大學搞嘅五校同舟會學生組織,仲成為呢個組織嘅主席。

媽咪以前係跳舞老師,跳舞對超欣嚟講,又點會有難度!

19歲少女,好多都沉迷K-pop,追韓星,不過超欣就話自己係個宅女,平時鍾意煲劇,睇小說。

自2002年開始,每年於11月舉行的巴黎名媛舞會(Bal Des Debutantes),聚集20多名由16至22歲來自不同國家的年輕名媛淑女的盛大舞會。超欣舊年都有應邀出席,成為25位名媛其中之一,亦係在場唯一一位華人!

超欣嘅社交平台,唔似其他哥哥姐姐咁多姿多采,而家仲係私人帳戶嚟!要留意佢嘅動態,就要留意佢啲哥哥姐姐嘅平台喇!

呢張唯一嘅水着相,就係家姐超盈PO架喇 !(不過好似P圖重手咗!)

喺咁多兄弟姊妹當中,超欣同哥哥猷君感情最好!

猷君係數學天才,小學時連續兩年喺「世界數學測試邀請賽」中獲獎, 大個之後係麻省理工最年輕的金融碩士,18 歲被美國麻省理工和哈佛大學同時錄取,只係用咗 3 年時間,就攞到 MIT嘅畢業證書!

更多精選內容