自爆曾被老公背叛 吳若希:「陀B嗰陣我好癲又無理取鬧」

自爆曾被老公背叛 吳若希:「陀B嗰陣我好癲又無理取鬧」

現年26歲的吳若希(Jinny),上年簽紙結婚,正式成為人妻。Jinny當年未婚懷孕,誕下囡囡Giselle後才補結婚。近日,佢為新歌宣傳受訪時自爆曾被老公背叛,直至陀B時依然對呢件事耿耿於懷,唔知未婚先孕同呢件事有無關呢?

撰文:C | 圖片:Instagram

自爆曾被老公背叛 吳若希:「陀B嗰陣我好癲、好無理取鬧」

吳若希近日新歌上台忙宣傳。《為何你要背叛我》,這首歌講兩人感情之間需要坦承而做到互相信任。吳若希就自爆喺拍拖階段嗰時,發現仲未係老公嘅「澳門闊少」Alex喺感情上背叛過自己。

佢直言當時整個人好似瘋癲狀態、又好似女偵探咁,有一次拍緊嘢戲,突然發現咗一啲嘢,佢就喺一廠出面不停打電話。

接著佢解釋,因為對段感情越認真,才對背叛嘅事好上心。

陀B時耿耿於懷 吳若希:「我好癲又無理取鬧」

她直言懷孕期間依然對呢件事耿耿於懷,陀B時成個人好癲、對佢好衰,經常無理取鬧。試過一次早上6點话要食炒飯,未住就话自己唔鍾意間新屋,當時老公即刻答應搵地方再搬,事事忍讓。佢為我做咗好多嘢,真係對我好好。當下佢先發現,可以將自己託付畀老公。

囡囡做咗和事佬 爸媽重修舊好

問:即係囡囡幫咗爸爸等你哋修好?

吳若希:「都算㗎。」

問:經歷咗咁多,有信心走到最後?

吳若希:「唔敢講,希望係啦,嚟緊唔知發生乜事,但依家我好享受呢段關係。」

除咗老公之外,吳若希仲透露另一段感情亦曾被背叛,佢笑言:「對方已經消失天地之間,希望佢學習到一啲嘢以後生生性性。」

雖然唔知為新歌宣傳還是真有其事?不過,現在吳若希同老公、囡囡一家三口不時大晒溫馨、恩愛放閃,相信呢件事已經告一段落。

吳若希老公補求婚

之前,Jinny喺IG上載一張巨型鑽戒相,佢留言話:「7。23 我的人生,好像所有時序都是錯的,生完孩子,補結婚。結婚後快一年,我又突然收到了求婚戒指和驚喜派對。還好,時間錯的,人是對的,謝謝你,希望能拿餘生報答你的愛。」

Jinny透露隻戒指係由老公同品牌一齊設計,又話:「#我的朋友真的用盡了畢生演技#還有突然現身的家人#傻眼到一個點!」睇嚟Alex安排咗個大驚喜畀老婆!

自爆作嘔

吳若希自從有咗BB後搬咗去澳門同Alex一齊住,即使陀住BB到之後生完復工,都係經常港澳兩邊走,搭船過大海當食生菜,不過日前佢自爆搭船暈船浪作嘔,當時已有網友問佢係咪又有咗⋯

吳若希自從生咗BB做咗人老婆後,似乎收咗火,早幾日Alex踢完波腳痛,Jinny幫老公做按摩,感動到「眼淚~在心裡流」!

吳若希賀囡囡1歲生日 全家遊樂園慶祝

早前係佢哋囡囡Giselle一歲生日,吳若希一家三口去廸士尼慶祝,Jinny喺ig貼上合照,穿上藍白系列親子裝,大手拉小手好溫馨。

吳若希
吳若希囡囡生日,全家出動去主題樂園慶祝!

Jinny話﹕「這個小心肝才剛學走幾步,就學人站得那麼囂張,寶貝寶貝,祝願你繼續快樂地長大。」

老公Alex則留言﹕「1歲後的第1天。這一年你過得開心和幸福嗎?爸爸媽媽很愛你,我們都會給你最好的照顧,最好的關心。1年前你這個時候還需要爸爸媽媽抱著你,1年後你已經要拖著爸爸媽媽的手自己行,下1年你會進步到什麼情況?不論你變成怎樣,你(Giselle)一直都是爸爸媽媽的心肝寶貝。Happy birthday my princess!」

老公Alex暗示吳若希有公主病?

Alex喺IG上載咗囡囡淼淼嘅相,淼淼手仔細細,但就捉晒個名牌手袋唔放手,Alex仲鬼馬留言tag住「希望大個不要有公主病」、「如果屋企入面有兩個公主病會好辛苦」,係咪暗示老婆都有公主病?

吳若希簽字放閃:「家會是你永遠的後盾。」

吳若希早前簽字結婚,正式成為人妻,心情大好的她除了在IG與老公何兆鴻(Alex)放閃,更再次發表母親感言,慨嘆半歲的淼淼大得快,每天都有新進步。Jinny一向家人至上,面對再難聽的說話都為愛女撐下去,在剛張貼的囡囡爬行照中,她更留言:「無論怎樣,我想告訴你,家會是你永遠的後盾。」簡直母愛滿瀉!

女女學爬 Jinny感嘆:不想你長大!

吳若希於今年4月誕下囡囡Giselle(乳名:淼淼),半年以來一直以女為先,還多番表示要寵壞女兒,用一生來陪她走過所有困難。日前Jinny於IG大曬淼淼爬行照,相中囡囡落力爬之餘,媽媽亦很給力地在旁拍手打氣。Jinny在帖中留言:「看著妳每天都有不同的進步,既開心又不捨,不想你長大,又想你學習保護自己,矛盾到我也不知道自己想怎樣⋯⋯無論怎樣,我想告訴你,家會是你永遠的後盾」,看來十分感觸!

吳若希發感言 嘆半歲女大得快1

一直不忌分享湊女心聲,她曾稱:「第一年做人母,感觸很深。很想有長長的命教女兒做一個有同理心的好人,想陪她走過所有困難,想看著她長大找一個疼她的人出嫁。」其實在鏡頭和新聞背後,Jinny亦只是與天下間的母親一樣,對子女抱有滿滿的愛!

吳若希發感言 嘆半歲女大得快2

半歲淼淼 肥嘟嘟超得意

半歲的淼淼肥嘟嘟,樣子十分逗趣,就像Jinny所形容:「鼻子高高像爸爸,臉圓圓像媽媽。」除了媽媽貼身照顧,淼淼亦得到爸爸何兆鴻的寵愛。其實早在吳若希懷孕時,Alex已經慈父上身,經常和女友逛街買嬰兒用品,又預先學習湊B。

淼淼塊面圓碌碌,好有肉地,Jinny post親嘅囡囡相都會萌爆一眾網民!

Jinny在產後一月公開了一家三口的甜蜜合照,並代女兒淼淼向大家say hi!當月生日的她表示希望家人身體健康,並會永遠把他們放在第一位。Giselle有對愛錫佢嘅父母,好幸福呢!

雙十結婚 吳若希:請叫我何師奶!

吳若希在誕下愛女的半年後,終於與男友簽紙結婚,榮升做人妻。二人一切從簡,於好日子10月10日在唱片公司、律師、老闆Herman及好友見證下舉行婚禮。其實在得悉Jinny陀b後,Alex早已對女友揚言「無論你變得幾肥美,我都會一樣咁錫你」,結婚相信是遲早的事!如今二人結成夫妻,更有一名得意囡囡,一定幸福滿瀉。

終於下嫁Mr. Right的Jinny不忘大曬婚戒,更要大家改口叫她「何師奶」!

更多精選內容