美少女戰士大富翁11月登場 6款玫瑰金變身器棋子率先睇
廣告
咁多位美少女戰士fans要注意！美少女戰士版大富翁即將於11月登場，以《美少女戰士S》為背景，最特別的是6款玫瑰金色變身器造型的棋子，編輯都睇到心心眼！
撰文：K | 圖片：相關機構
美少女戰士大富翁11月登場 6款超級靚玫瑰金變身器棋子
大富翁近日宣佈推出美少女戰士版！今次美少女戰士版大富翁名為《MONOPOLY : Sailor Moon S Edition》，以 1994 年播出的《美少女戰士 S》為主題，相信一眾媽媽一定立刻被勾起童年回憶！美少女戰士版大富翁唔單止棋盤換上《美少女戰士S》嘅角色，棋子仲換成玫瑰金色嘅變身器！
6款棋子包括螺旋愛心鏡盒（Cosmic Heart Compact）、聖杯（Moon Chalice）、螺旋月光神杖（Spiral Heart Moon Rod），仲有Talisman 3 神器：石榴石歐姆（Garnet Orb）、深海之鏡(Deep Aqua Mirror)、宇宙之劍（Space Sword），全部都喺作品內出現過！而大富翁必備的機會卡、命運卡則變成愛情卡同友情卡，兩者同紙幣都印有美少女戰士嘅嘜頭！粉絲必買！
美少女戰士版大富翁將於11月9日推出，可以於外國網站訂購！
