一家四口着靚靚散步 張繼聰做龍友影家庭照
廣告
一連幾日長假期，有唔少人都選擇一家大細行開幾日，度吓假。張繼聰同謝安琪就趁呢個假期，難得又有好天氣，忙裡偷個閒，同一對仔女喺屋企附近散個步，爸爸張繼聰仲化身龍友，為家人留個倩影。
張撰文：Joanne 圖片：張繼聰ig
襯晒衫去散步
黃昏時分，張繼聰同太太謝安琪，囝囝張瞻，仲有囡囡張靖，一家四口趁晚飯前喺自住屋苑散步。一身白色衫，明顯有襯過啦！
由爸爸負責揸機，將兩個一生最愛嘅女人，影得特別靚！
阿仔喺爸爸嘅鏡頭下，忽然多咗幾分90年代嘅偶像特質！
可惜少咗一張全家福！呢張唔知係媽咪揸機定係阿仔揸機呢？
