6磅B女報到! 謝天華再做老豆

6磅B女報到! 謝天華再做老豆

51歲謝天華今年4月宣布老婆Tina懷上第二胎!早前在電影宣傳時至啱啱公布BB性別,今日(3/10)B女就正式報到!重6磅,個名叫做Mia ,同哥哥「天天」湊成一個「女子」字,恭喜晒!

撰文:Joanne 圖片:謝天華微博

天秤座B女出世

Laughing Gor第二度做老豆!今日喺微博PO出兩張B女相留言:「Hello我來了,先跟大家打個招呼!我叫Mia,體重2.88kg ( 6磅5安士 ),願各位哥哥姐姐身體健康!」

謝天華
抱住個女都不忘要Chok樣!認真入戲!

囡囡Mia BB 出世有6磅重,雖然唔算好有斤兩,不過嘴仔嘟嘟,啖啖定定,好可愛呀!

天秤座女生,有自信,有魅力,生性浪漫!

4月宣布Laughing嫂再度懷孕

謝天華在4月時,於微博貼出一張超聲波圖片,並留言話:「今年將會迎接家裏的新成員,感恩感恩天天要做哥哥了也辛苦了媽媽。」第二胎宣告製造成功!

日前謝天華同陳小春、鄭伊健、錢嘉樂同林曉峰一齊出席電影宣傳活動時,就大方公佈BB性別!

Laughing Gor話:「係開心事嚟嘅,嚟緊屋企會再多個新成員,今次係粉紅色嘅。」恭喜天天做咗哥哥喇!

 

更多精選內容