回鄉探親住酒店 1歲B女誤食用過避孕套

回鄉探親住酒店 1歲B女誤食用過避孕套

【嘔呀!】一位內地媽媽趁國慶假期,帶住一歲B女(萌萌),以及父母一齊返重慶銅梁老家探親,入住當地一間酒店。媽媽後來發現B女有作嘔嘅反應,於是拍拍B女背脊,隔咗一陣,B 女就嘔咗個dom dom(避孕套)出嚟,而且仲係用過嘅!?

撰文:Joanne 圖片:微博、看看新聞

酒店拒承認責任

1歲萌萌跟住媽媽同婆婆返去重慶探親,入去當地酒店。由於房間鋪咗地毯,所以媽媽就由得葫葫喺房度玩,點知過咗一陣,就發現萌萌作嘔!於是媽媽即刻抱萌萌上床,拍拍背脊,跟住萌萌就慢慢嘔出一個膠袋狀嘅嘢,媽媽仔細望一望,發現竟然係一個避孕套,而且仲係用過嘅!

媽媽當堂嚇一嚇!即刻同啷口,以及通知酒店,再帶個女去醫院檢查。但係酒店工作人員話,佢哋並冇販賣、及提供dom dom,所以唔知點解會有「咁嘅嘢」出現喺房間。

 

而醫生就同媽媽講,因為目前唔可以確定個dom dom 有冇病菌,而傳染病嘅潛伏期可能有幾個月咁耐,所以暫時未知萌萌會唔會受感染,日後需要再進行複查。

媽媽懷疑,萌萌誤食嘅dom dom,可能係之前嘅客人留低,但係酒店嘅管理係存在疏忽,至會發生「咁嘅事」!痛望萌萌最後平安無事啦!

更多精選內容