訓練孩子手眼協調 自製簡易Sticker小遊戲

訓練孩子手眼協調 自製簡易Sticker小遊戲

「手眼協調」,我地成日都會聽到呢4個字,但到底係咩來嘅呢?其實手眼協調係指人通過視覺信息,引導手部去做出一d精細動作。呢一切都係以正常視覺訊息接收同視覺感知力為基礎、再加上我地眼睛追視能力,仲有肌能動作嘅發展去達成的。

撰文、圖片:荔枝與孖寶

我一直覺得每個孩子都有自己專屬嘅發展節奏,手眼協調嘅能力係需要用時間同經驗不斷咁累積出來;我地做父母亦唔應該過度緊張同操之過急,盡量以正向態度,多鼓勵代替責備、以耐心支持,咁都係有助小朋友增強信心。

圖片:荔枝與孖寶

其實有時「做得唔好亦係一種練習」,我地父母、照顧者如果可以適度放手,孩子就可以得到更多嘅練習機會,亦可以係嘗試當中自己搵出解決方法、從而得到成就感,最終培養出小朋友嘅耐性同對挫折嘅承受度。

圖片:荔枝與孖寶

最近有些家長亦會問如何訓練小朋友嘅手眼協調,可能因為家長都知道讀寫能力同手眼協調其實係息息相關,擁有良好讀寫能力對小朋友將來嘅學習會有一定嘅幫助。

圖片:荔枝與孖寶
圖片:荔枝與孖寶

其實日常生活當中到處都係訓練手眼協調嘅機會,令小朋友可以自然又愉快咁活動,黎幫助佢地手眼自然地協調係最不錯嘅方式。

圖片:荔枝與孖寶
圖片:荔枝與孖寶

今次想同大家分享呢個小遊戲,就係大家都可以係屋企做到,只要購買圓形貼紙,加上我地用嘅圖案template,大家都可以輕鬆在家玩呀!

圖片:荔枝與孖寶
圖片:荔枝與孖寶
圖片:荔枝與孖寶

孖寶都好喜歡車,唔同類型嘅車佢地都好有興趣,所以我就循住佢地喜歡嘅事物,幫助佢地練習手眼協調,估唔到呢個小遊戲兩兄弟當時第一次玩都好鍾意,既可以刺激佢地嘅手部肌肉,又可以再強化佢地對顏色嘅認識。

圖片:荔枝與孖寶
圖片:荔枝與孖寶

今次我地用唔同顏色16mm嘅圓形貼紙去玩,孖寶見到d車車圖案已經急不及待好想開始,呢種貼紙小遊戲可以訓練小手嘅靈活度,非常岩d小朋友玩。

圖片:荔枝與孖寶
圖片:荔枝與孖寶

同一時間,亦可以培養小朋友嘅專注力,我相信咁專注應該都係呢d車車嘅威力大。

圖片:荔枝與孖寶

呢d製成品都係兩兄弟自己完成架,每次佢地都會自選擇要咩顏色,之後自己貼上去。佢地自己完成到真係好開心,仲係咁要求再比多d車車佢地貼。

圖片:荔枝與孖寶

呢個小遊戲,可以分辨顏色,又可以加強小手靈敏度,仲可以培養小朋友嘅專注力,提昇手眼協調。而且仲可以好好消磨時間…………哈哈~

圖片:荔枝與孖寶

大家不妨都試下,如果有興趣可以去我地Facebook專頁荔枝與孖寶相關這個Sticker樂嘅post上留言,領取呢d唔同款的車車template黎玩呀。

我和孖寶的Facebook Page:荔枝與孖寶

我和孖寶的 Instagram IG#:laichimama

Oh爸媽 – ohpama.com:Featured Bloggers

MamiBuy香港媽咪幫:駐站部落客

Sunday Kiss:Featured Bloggers

更多精選內容