【親子好去處】泰迪熊聖誕市集即將登陸九龍灣 4米高泰迪熊國王+過百隻熊仔+德國傳統美食攤檔

【親子好去處】泰迪熊聖誕市集即將登陸九龍灣 4米高泰迪熊國王+過百隻熊仔+德國傳統美食攤檔

熊啤啤一直是很多女生的最愛!每個人的童年必定會有一隻熊啤啤,你有冇諗過俾一大堆熊啤啤圍住?今年聖誕,泰迪熊聖誕市集將會登陸九龍灣!屆時場內將會有4米高泰迪熊國王,亦會有過百隻熊仔等著同大家影相!雖然就未有場地嘅相片,不過一於睇住熊啤啤的造型照,率先計劃定聖誕好去處!

撰文:K |圖片:K

泰迪熊聖誕市集即將登陸九龍灣

雖然剛剛踏入10月不足半個月,各大場地已經相繼推出聖誕活動預告!打響頭炮的有德國百年泰迪熊品牌Steiff!Steiff宣佈於11月頭在九龍灣舉辦「泰迪熊聖誕市集」,屆時場內將會展出全球首次登場、4米高並以路德維希二世國王造型亮相的毛毛泰迪熊,以及以夢幻德國新天鵝堡為設計藍本的主題裝置,配上浪漫飄雪效果,絕對是一家人的打卡首選!

泰迪熊
泰迪熊們非常可愛!

今次率先睇下其中5款泰迪熊!每隻都好可愛㗎!都時佢哋都會喺市集中同大家見面!

啡色的泰迪熊,非常經典!
灰色的泰迪熊軟淋淋的,非常好「攬」
這隻泰迪熊比較「硬」身,可以扭動四肢和頭部。
淺啡色的泰迪熊亦是很多人的童年摯愛!
還有迷你版的泰迪熊!

場內更有過百隻、超過20款造型的大小泰迪熊於不同角落與大家迎接聖誕,暢遊傳統德國聖誕村莊。市集內有當地地道美食,包括德國咸豬手、德國腸及熱紅酒等等,更有售賣不同聖誕飾物及手作精品的攤檔,想買聖誕禮物畀仔女?依度幫到你!

泰迪熊熊仔擁有多款造型,有不同的衫仔、鞋仔配襯。
有很多不同的衫仔可以換住着!
泰迪熊換上聖誕節的打扮,可愛!

泰迪熊聖誕市集
日期:2018年月11月5日(星期一)至2019年1月1日(星期二)
時間:早上11時至晚上9時
地點:九龍灣德福廣場一期中央展場

Steiff泰迪熊展覽
時間:正午12時至晚上10時
地點:九龍灣德福廣場二期中庭

更多精選內容