【全港交通大混亂】阿女困港鐵 森美飛撲營救

【全港交通大混亂】阿女困港鐵 森美飛撲營救

【全港交通大混亂】今日(16/10)港鐵4條綫路出現信號系統故障,導致服務嚴重受阻,搞到全港交通大混亂,市民返工返學遲大到!森美今朝喺電台做節目嗰陣就話,阿女曦童朝早搭港鐵返學,用咗45分鐘至行到兩個站,由於擔心個女嘅安全,於是森美就即刻揸車出動,親自送個女去中環返學,最遲都遲咗個半鐘至返到學校。

撰文:Joanne 圖片:新傳媒資料室、森美ig、whatsApp群組

仲亂過「山竹」過後

今日港鐵史無前例4條綫一齊信號故障,引發港九交通大混亂,打工仔、學生哥用2至3個鐘都未必返到工,返到學,繼早前「山竹」襲港之後嘅工作日,仲要混亂後!港鐵逼都逼唔入,成20分鐘先有一班車!
森美

等巴士一樣咁多人!

九龍塘去太子用咗45分鐘

森美話,本來曦童今朝由九龍塘站搭港鐵去中環返學,大約7點20收到阿女電話,話要20分鐘先有一班車,好驚會遲到,好不容易上咗車,點知只係由九龍塘站搭去太子站,已用咗差唔多45分鐘!因為擔心人多擠逼,個女會有意外,於是佢就決定揸車出去送個女兒返學校!

於是森美同老婆揸車出番去太子接個女,諗住行西隧過海就唔會塞車,點知一去到中環,山都未上又再塞過,最後陪女兒遲咗個半鐘先返到學校,森美命講笑話,兩個鐘和歌山都去到喇!

曦童就讀於聖保羅男女中學。

關鍵詞
森美

更多精選內容