小JM料理台。簡易滋潤糖水。對抗氣管敏感。銀耳露 (1.5yr+)

小JM料理台。簡易滋潤糖水。對抗氣管敏感。銀耳露 (1.5yr+)

對全職媽媽而言,返娘家不失為一個喘息點,亦係小JM媽嘅避風港。婆婆無論係我做女時、為人妻時或為人母時,亦一樣當我小朋看待,從無間斷。為人母後,我深深體會當中嘅樂與苦,真係要好好多謝媽媽一直以來嘅看顧、關懷、體諒 及照料。媽媽,辛苦你啦!愛你!Love You!

撰文、圖片:傑。斯與晴|編輯:Kayla

話說尋日屋企全棟樓停電維修,所以起身煮好銀耳露之後,好快手準備同小JM出發拎俾婆婆食。點知就遇上港鐵三線全停,結果等巴士都等咗九個字。還好有帶備定乾糧同飲品,可以俾小JM邊食邊等巴士。

整銀耳露唔難,亦好方便快捷,仲好啱一家大細而家轉季天氣飲用添!

雪耳

中醫角度認為雪耳性味甘淡平,對肺、胃、腎均有裨益,有滋陰潤肺功效,
適合肺陰虛、肺氣腫及虛勞咳嗽,咳中帶血,經常感到口渴、胸悶氣短人士食用。
同時亦對氣管敏感、抵抗力下降、月經不調、大便不暢都有一定幫助。

雪耳當中嘅蛋白質含有17種氨基酸,其中7種仲係人體必須既氨基酸,
有助促進新陳代謝,好啱女仕們飲用添架!

小提示:
雪耳有滑腸既功效,所以孕媽媽初期都係唔好食啦。
乖乖地等到預產期前先食啦。

紅棗

紅棗含有豐富維生素、果糖及各種氨基酸。
中醫認為紅棗性暖、養血保血,可改善血液循環外,亦可養顏美容。

杞子

杞子味甘,性平。
有淺腎、潤肺、補肝、明目既功效。

圓肉

圓肉味甘、性溫,益心脾,補氣血。
對失眠健忘,脾虛腹瀉,產後浮腫,精神不振,等病症有效。

材料:

圖片:傑。斯與晴

雪耳
紅棗
杞子
圓肉

做法:

圖片:傑。斯與晴

1.) 先將雪耳用水泡浸以去除雜質及令雪耳漲大。
將紅棗、杞子、圓肉以水輕輕清泡或泡浸一會,備用。

圖片:傑。斯與晴

2.) 雪耳浸泡好之後就可以剪成小片,以方便攪伴

圖片:傑。斯與晴
圖片:傑。斯與晴
圖片:傑。斯與晴

3.) 雪耳剪成小片後,放入攪拌機,再加少許水一齊攪動。
攪至成幼少粒顆即可。
可按個人喜好而將雪耳打成蓉亦可。

4.) 將雪耳蓉倒入鍋中,加入適量水份。
可按個人喜好調節稀稠度。

圖片:傑。斯與晴

5.) 將紅棗、杞子、圓肉加入鍋中一同煮。

圖片:傑。斯與晴

6.) 煮至自己喜歡嘅稀稠度,
再因應個人喜好加入冰糖即可。

因為小JM有份食,而且紅棗、杞子、圓肉已經有甜味,
所以我並未有加入太多冰糖。

圖片:傑。斯與晴

更多精選內容