苟芸慧變身貝兒公主出嫁 網民大讚「有仙氣」

苟芸慧變身貝兒公主出嫁 網民大讚「有仙氣」

近日娛樂圈喜事非常多,繼陳展鵬於上星期與單文柔拉埋天窗後,又一TVB藝人於今日舉行婚禮!現年35歲的苟芸慧今天下嫁比她大10年的陸漢洋,二人在婚禮上大晒恩愛,Fit爆的苟芸慧更換上多套禮服,其中一套更是《美女與野獸》女主角貝兒公主的黃色低胸晚裝,網民大讚苟芸慧「有仙氣」,比動畫中的貝兒公主更美麗!

撰文:Sundaykiss|圖片來源:大會發相

二人手挽著手步入會場。
網民大讚苟芸慧有仙氣。
合巹交杯
切結婚蛋糕
苟芸慧和丈夫多次在鏡頭前Kiss,Sweet爆!
恭喜!

苟芸慧與陸漢洋今午於上水雙魚河鄉村會所舉行結婚午宴,場內播出二人九月在加拿大婚禮的片段,新郎陸漢洋對著太太大唱迪士尼動畫《美女與野獸》主題曲《Beauty and the Beast》,非常甜蜜。未知苟芸慧是否該套動畫的忠實Fans,所以在婚禮上換上黃色低胸晚裝,搖身一變就成為了「貝兒公主」!

苟芸慧搖身一變就成為了「貝兒公主」!

 

苟芸慧9月已成陸太 多倫多古堡舉行神秘婚禮

苟芸慧與陸漢洋今日在上水雙魚河鄉村會所舉行婚禮,原以為兩人會在今日註冊,但兩人其實九月時已在苟芸慧娘家、加拿大多倫多舉行神秘婚禮,兼已正式註冊結婚,大家可以叫聲苟芸慧做「陸太」啦!

原文:東方新地

陸漢洋拉大隊炮製驚喜

據知苟芸慧當時想婚前回多倫多探望家人,希望帶未婚夫拜見長輩盡禮數,而知道愛人一直想在古堡行禮的陸漢洋,就暗中鎖定了在多倫多一個古堡舉行婚禮,仲搵來未來外父、弟弟及舊同學等一齊炮製驚喜。

陸漢洋婚禮唱情歌

苟芸慧回覆傳媒時表示,當日的婚禮非常溫馨又感動,見到好多多年冇見的長輩、朋友們專誠嚟出席,最感動就係陸漢洋在婚禮上獻唱〈Nothing’s gonna change my love for you〉,連苟爸爸都熱淚盈眶,放心將個女交俾陸生!再一次恭喜陸生陸太!

延伸閱讀:

苟芸慧被網民封為大台最索明星!

苟芸慧一直都係大家心目中嘅女神!成為準人妻之後,苟芸慧就更加狀態大勇,無論係身材定靚樣都Keep得超好,之前以Deep V黑裙出席活動,睇到大家心心眼!

苟芸慧

幸福準新娘苟芸慧唔單止樣靚,仲要身型高挑比例好,最近仲變得更窈窕,睇嚟佢已經為咗嚟緊10月嘅婚事Keep住最好狀態!

肥瘦都係咁靚!

就算苟芸慧成為準人妻,網民對佢嘅愛都係有增無減,大家都對佢有讚冇彈啊!

Fit嘅時候就更加係靚到爆廠!!!

苟芸慧激罕性感廣告 準人妻最後一擊!

苟芸慧早前遠赴海外拍攝護膚品品牌廣告,盡晒弗爆身材及白滑肌膚,更以久違的泳衣上陣!隨時係準人妻苟芸慧最後一次性感,大家真係要落足眼力欣賞!

苟芸慧

苟芸慧

苟芸慧

苟芸慧苟芸慧

久違泳衣亮相

苟芸慧自選華姐後都極少以泳裝示人,今次廣告中以大Deep V一件頭泳衣上陣,非常性感!幸好苟芸慧之前曾表示,婚後一樣可以性感,只要係健康性感、唔令人感覺唔舒服就OK。

苟芸慧真係無得輸

苟芸慧本為華姐冠軍級人馬,樣貌、氣質、身材都係女神級,近年重拾自信又有愛情滋潤,每次出席公開場合都豔壓群芳,網民同傳媒講咗好多次都要要講:「回復狀態的苟芸慧,真係無得輸!」

王君馨大婚照搶鏡

猶記得去年七月王君馨大婚,一眾「處女黨」成員鍾嘉欣、岑麗香、李亞男及苟芸慧得組成索爆姊妹團,雖然話嘉欣媽媽一樣省鏡、香香公主依舊咁可愛,不過苟芸慧簡直係狀態大勇,靚到啪啪聲!

09年華姐冠軍

苟芸慧為2009年國際中華小姐冠軍。初出道時樣子甜美,身材索爆,盡得網民歡心!

肥定瘦一樣咁索

前苟芸慧早年經歷了許多風風雨雨,飽受甲狀腺問題折磿,無法控制體重,磅數一度達170磅,不過苟姑娘依然笑面迎人,而且以身體健康為大前題,沒有刻意為上鏡而減肥。其實無論佢身形肥或瘦,仍然係唔少男士心中的女神!

更多精選內容