【超感動!】臨盆遇塞車 高雄警察開路護送入產房

【超感動!】臨盆遇塞車 高雄警察開路護送入產房

【超感動!】日前,高雄一名人夫揸車載住臨盆在即嘅老婆趕入院生B,點知遇上收工人潮大塞車,好彩遇上兩名警察幫手開路,至趕得切去到醫院,BB亦安全順利誕生!過程被警察第一視角拍低,再喺網上瘋傳,除咗人夫被封為「愛妻號」,市民亦大讚警察有人情味!

撰文:Joanne 圖片:YouTube截圖

警助開路送產房

「高雄市政府警察局」喺Facebook專頁PO出事發當時所拍嘅短片,當晚人夫車住趕入院生B嘅太太,點知咁啱撞正放工時間,市內交通擠塞,人夫情急之下報警求助,警員接報就立刻幫開路,將本來需要30分鐘嘅車程,大大縮短為10分鐘!

臨盆

一到醫院,警察都開始緊張,問人夫「要唔要輪椅?」結果人夫諗都唔諗就嚟個「公主抱」將老婆打橫抱起,就衝入醫院,衝上5樓產房。

上到5樓人夫仲因為太過心急,想將老婆「擺上櫃枱」,令到本來好緊張、好緊急嘅氣氛,緩和落嚟!

最後,喺兩位警察同醫護人員嘅幫助下,BB女都順利出世喇!

警察叔叔連走佬袋都幫準爸爸攞埋!

由於條片係模擬B女大個之後嘅獨白,時間倒退到「回不去的出生的那天」,鏡頭又由警察身上嘅攝影機拍攝,以第一身視角出發,所以令到睇嘅人都更加投入,更感受到當時嘅氣氛,網民大讚警察有人情味,十分盡責!

更多精選內容