淋坑山

天水圍淋坑山行山路線|30分鐘登上天水圍後山、睇日落放風箏

親子好去處

廣告

淋坑山在哪裡?大仁生活推介天水圍一處「BB級」行山路線,只要30分鐘就可以登上天水圍後山-淋坑山,睇日落放風箏!父母帶小朋友踏出室內,到郊外遊山玩水,呼吸一下新鮮的空氣,鍛鍊一下身體,舒展筋骨。

撰文:大仁生活 | 圖片:大仁生活| 編輯:Kamen、TLY

淋坑山BB級行山

30分鐘登上天水圍後山淋坑山

我經常問魚子媽:「幾時帶我去行BB山呀!」; 魚子媽:「天水圍你又話嫌遠」我:「唔遠唔遠,周末一齊去啦!」於是我們又展開了久違了的BB級行山之旅啦!

圖片:大仁生活
淋坑山BB級行山 圖片:大仁生活

淋坑山路線

我們相約16:00 於天水圍西鐵站A出口等,之後便走到下面巴士總站,乘K76至總站天恒商場。魚子媽:「這個巴士總站係新起㗎,以前要行去對面先搭到車嘅!」

圖片:大仁生活
乘K76至總站天恒商場到淋坑山。圖片:大仁生活

原來由地鐵站坐至總站也不用10分鐘,SY:「乜咁快就到? 我都仲未同子子研究完陀螺。」

圖片:大仁生活
圖片:大仁生活

就在天恒與天澤商場中間的一條直路,前方有一條小橋,原來就在橋的對岸便已經看到我們今次的目的地,天水圍後山。

圖片:大仁生活
圖片:大仁生活

 

魚子媽:「其實佢叫淋坑山,不過佢好矮,全高都係得81米。」

圖片:大仁生活
圖片:大仁生活

我:「奇怪,點解明明座山係我哋條橋前面,但係⋯⋯無得直行嘅?」

圖片:大仁生活
圖片:大仁生活

 

魚子媽:「我哋轉左一直行,就會見到紅綠燈⋯⋯(吓?明明係對面,就要兜咁大截路?) 其實轉右都一樣得,因為大馬路兩邊都有個缺口, 好多街坊都係咁出入⋯⋯」不過馬路如虎口,交通規則要遵守!

圖片:大仁生活
圖片:大仁生活

輾轉兜了一大段路,我們便走到馬路的另一邊,左手邊路旁會發現一個入口, 一大幅丟空的爛地,亦有哥哥在玩航拍機。

圖片:大仁生活
圖片:大仁生活

 

穿過爛地走上雜草叢間,上山的路就是在這裡開始,看一看錶時為16:40。

圖片:大仁生活
開始登淋坑山。圖片:大仁生活

魚子媽說:「其實這個山每朝都有好多叔叔姨姨嚟晨運,所以好簡單,好易行。」雖然部份路段比較斜,但又有一級一級的石階,實在一點也不困難。

圖片:大仁生活
圖片:大仁生活

 

不過我家有位比較起我更少運動的大嬸,一邊行一邊喘氣地說:「好難行,我仲以為平路,好斜好斜。」

圖片:大仁生活
圖片:大仁生活

我:「街坊老友記朝朝係度晨運,你好似仲水皮過佢哋喎!」說時遲那時快,魚子媽:「你睇一睇後面,我哋行咗一半啦!後面就係我哋頭先落車嗰度囉!」(嘩!正喎,咁快就行咗一半。)

圖片:大仁生活
圖片:大仁生活

 

再上約2分鐘,子子便大叫:「呢度就係Check Point 1啦!」 我:「Yeah! Yeah!」 SY:「真係好快喎!咁有冇 Check Point 2呀?」

圖片:大仁生活
圖片:大仁生活

魚子媽用手指指一指前方,原來 Check Point 2 就在前方約5分鐘的路程。我說:「嘩!BB級數嘅山真係啱晒我,話咁快就行到上山頂。」

圖片:大仁生活
圖片:大仁生活

 

不計巴士總站到山腳的路段,由爛地開始計起,30分鐘便可登山至最開揚的一個75m標高柱。

圖片:大仁生活
淋坑山75m標高柱。圖片:大仁生活

人在山嶺上,可以360°飽覽天水圍之餘,還有深圳灣大橋,后海灣及流浮山。

圖片:大仁生活
圖片:大仁生活

 

魚子媽準備了風箏,魚子爸是放風箏高手,兩三下手勢,大大隻海棉寶寶便已經高掛天空上。

圖片:大仁生活
圖片:大仁生活

杯緣子專家都有為SY預備風箏,可惜是一隻$20的扭蛋風箏,大家用盡九牛二虎之力,最後還是靠魚子爸的技藝,勉強能隨風飄揚。

圖片:大仁生活
圖片:大仁生活
圖片:大仁生活
圖片:大仁生活

魚子媽說:「終於完成我行山放風箏嘅心願啦」, 而我家主子當然心願就是幫緣子拍照⋯⋯其實正所謂:「日本有「我老婆日日都扮死」,香港都有「我老婆日日都影緣子」是也!」

圖片:大仁生活
圖片:大仁生活

山頂其實一早己有不少龍友在等待日落,亦有小情侶在享受黃昏,而散步聊天的人士也不少,小小的山頭, 一點也不寂寞。

圖片:大仁生活
圖片:大仁生活

黃昏6時,橋方位置正正就是日落西山的情點, 山上人人也目不轉瞪的為太陽伯伯留倩影,除了我們的兩位小朋友。

圖片:大仁生活
圖片:大仁生活

 

他們很高興的大笑大叫,其實我不明白他們說甚麼笑甚麼,只見他們連望到野花又笑一大餐, 可能心情開朗得變傻了!哈哈!

圖片:大仁生活
圖片:大仁生活
圖片:大仁生活
圖片:大仁生活

 

無憂無慮就是最好。一覽無遺望著鹹蛋黃漸漸下沉,真的很治癒!我要再約魚子媽下次再去另一個BB山頭先得。

圖片:大仁生活
圖片:大仁生活