去荷李活道玩足全日! 免費禮品+文藝表演+晚間巡遊 @Parent婷

去荷李活道玩足全日! 免費禮品+文藝表演+晚間巡遊 @Parent婷

(Presented By commissioner for Hertage’s Office Development Bureau)

邊個話唔可以一邊玩一邊學嘢?嚟緊星期日去「文物時尚.荷李活道」街頭嘉年華咪得囉!免費入場,有禮物拎,有表演睇,仲有晚間巡遊!好玩之餘又可以一家大細一齊了解香港歷史文化,快啲跟我Parent婷睇吓嗰日有咩必玩活動啦!

音樂舞蹈表演+工作坊+攤位活動 玩住學歷史!

今次「文物時尚.荷李活道」街頭嘉年華由發展局文物保育專員辦事處主辦,並與古物古蹟辦事處、大館、元創方、香港古董及藝廊商會,以及藝術及古蹟資料研究有限公司合作,等公眾體驗荷李活道嘅歷史、文化同藝術。

Parent婷就一早拎咗有關活動指南,做定功課~活動會喺荷李活道雲咸街至鴨巴甸街一段、大館和元創方舉行,到時除咗會有一連串音樂及舞蹈表演、導賞團、工作坊和展覽等外,仲有由第一至第三期「活化歷史建築伙伴計劃」項目嘅非牟利營運機構及其他團體設立嘅攤位活動,務求以最好玩嘅方式,俾大家體驗荷李活道嘅歷史及本港嘅文物保育發展,並了解經活化嘅歷史建築用途同服務~Parent婷就推介以下5大必玩Check Point!

5大必玩Check Points

1|Savannah College of Art and Design (SCAD) 香港分校

佢哋嘅攤位活動包括動態攝影、絲網印刷工作坊同免費贈送 SCAD T恤(先到先得,送完即止),除此之外仲有3場精彩嶄新嘅「動。幻。聲」繪畫與古箏表演,帶嚟視覺同聽覺嘅享受,記得留意時間啦!

攤位

地點:帳蓬8

時間:12:00 – 19:30

表演

時間:13:30 – 13:40/ 17:15 – 17:25/ 17:45 –17:55

地點:「大館」洗衣場石階

2|饒宗頤文化館

喺呢個攤位大家可以玩合體字拓印、臉部彩繪、整剪紙穿線心意卡,仲有AR照相館俾大家打卡Selfie!千祈唔好錯過同夫子會合辦嘅華服秀呀~一次過欣賞中國多個少數民族嘅傳統衣著打扮,包你大開眼界!

地點:帳蓬11 – 12

時間:12 – 7:30pm

3|大澳文物酒店

要了解香港歷史,當然要由漁村開始!喺呢個攤位大家可以親手整漁船模型,仲可以試著由查篤撐兒童粵劇協會提供嘅粵劇戲服,到時父母又要瘋狂影相喇!

地點:帳蓬9

時間:12 – 7:30pm

4|查篤撐兒童粵劇協會

試完粵劇戲服,睇埋表演至夠完美!當日大家可以欣賞由一班小朋友擔演嘅兒童粵劇,題材會用兒童日常生活為題材,用淺白易明嘅對話創作,個個功架十足,係帶小朋友認識粵劇嘅好機會!

地點:元創方

時間:1:30 – 5:20pm

5|音樂兒童基金會

聽完粵曲,不如睇吓音樂表演?Parent婷就最鍾意聽音樂演奏,已經book mark咗呢個由音樂兒童基金舉辦嘅節目,一班青少年小朋友到時會為觀眾演奏多個悅耳嘅樂曲,絕對值得一睇!

地點1:擺花街

時間:12 – 12:30pm

地點2:「大館」洗衣場石階

時間:2 – 2:15pm

儲完印仔 免費拎地標磁石貼+限量版康樂棋

阿囝最鍾意就係儲印仔,當日就可以帶佢到荷李活道唔同嘅攤位同地點集齊15個蓋印,以作紀念,同時亦可以喺訪客諮詢中心免費拎到大館、元創方、上環文武廟同「文物時尚.荷李活道」四款磁石貼,寫埋問卷後仲可換埋限量版康樂棋一份!不過先到先得,送完即止~

全晚壓軸!必睇大型晚間巡遊

活動咁精彩,梗係要由朝玩到晚!到咗夜晚仲有由香港古董及藝廊商會同東華三院安排嘅壓軸晚間巡遊,透過大型文武二帝人偶、東華三院龍獅隊同舞蹈組表演,將嘉年華會氣氛推到高峰!

晚間巡遊

提提大家,由於當日荷李活道雲咸街至鴨巴甸街一段會封路改道,所以記得盡量乘搭公共交通工具去現場呀~想知更多詳情就可以瀏覽活動網頁 ( https://bit.ly/2R8ALKZ)或致電2848 6230查詢(辦公時間:星期一至五上午九時至下午一時,下午二時至六時;十一月四日:上午九時至晚上八時三十分)。記得Mark低日子一家大細一齊去啦!

 

 

更多精選內容