5個簡易親子共食食譜 適合1歲孩子

5個簡易親子共食食譜 適合1歲孩子

小朋友1歲開始,食物選擇開始多元化,而且尤其想食「媽媽隻碗入面」嘅食物,佢地唔再想局限於BB食物,要開始「扮大人」!於是親子共食就可以滿足要求,Mrs.Lam就決定實現「不加調味都可以好好味」嘅目標,希望可以一齊食得好味又健康!

撰文、圖片:Mrs1amology 編輯:TLY

1.小米濃汁肉丸長通粉

率先分享嘅係 「小米濃汁肉丸長通粉」,重點當然係個汁啦,估唔到簡單煮一煮,就可以做到有粟米汁嘅效果,而且又唔驚好似栗米咁難消化呀!

來源:Mrs1amology

做法大公開(需時約30分鐘)

STEP 1/ 先加入小小油,炒香切件嘅節瓜同菜。
STEP 2/ 攪碎豬肉,加小小生粉,搓成肉丸。
STEP 3/ 加入肉丸同瓜菜同炒,封面即可。
STEP 4/ 當瓜菜開始出水時,加入2匙小米,攪拌待滾。
STEP 5/ 滾後加入約3碗水,就可「撞」出濃汁。
STEP 6/ 濃汁滾起,加入長通粉同煮至熟。完成。

來源:Mrs1amology

Mrs.Lam’s COOKING TIPS

「好多人可能唔知咩叫「小米」,
其實小米係類似稻米嘅一種,
不含麩質而且有豐富維他命B,
入口有啲似栗米,但當然比較早易消化啦!

2.虱目魚皮煮濃湯烏冬

事源 Mrs.Lam貪特意入手咗幾包急凍 #虱目魚皮,本來就係煎香後大人晚餐食,點知反而係果位人仔十分喜愛,於是今日就試下用黎湯烏冬,濃湯真係又香又甜!

來源:Mrs1amology

做法大公開(需時約30分鐘)

STEP 1/ 洗乾淨一包魚皮,一包大概有9塊
STEP 2/ 先加入小小油,炒香魚皮。
STEP 3/ 加入切條嘅菜類,用瓜類都得。
STEP 4/ 炒至8成熟,蔬菜開始出水時,加入約4碗水,待滾。
STEP 5/ 唔使加調味,大約10分鐘,濃湯已經滾起。
STEP 6/ 加入一包烏冬同煮至熟。完成。

來源:Mrs1amology

Mrs.Lam’s COOKING TIPS

「其實BB們係唔適合飲老火湯,所以平日我都會煲滾湯俾林小姐,但BB有時嫌滾湯唔夠濃味,於是我經常會輕輕煎一煎食材,然後「撞湯」,唔加任何調味,都可以30分鐘時間煮到濃郁好味嘅湯底喇!」

3.牛肉紅菜頭湯淮山麵

話說過敏bb林小姐連番茄都唔食得,所以我曾經好煩惱,因為媽媽最鍾意飲羅宋湯!後來我發現 紅菜頭絕對係最佳代替品,連葉一齊煮,就可以煮出好味又色彩繽紛嘅偽羅宋湯喇,今次仲配埋有益健康嘅淮山麵添!

來源:Mrs1amology

做法大公開(需時約30分鐘)

Step1/新鮮牛肉切片攪碎。
Step2/鍋中加油炒香牛肉。
Step3/紅菜頭葉切條、紅菜頭切粒。
Step4/紅蘿白切粒。
Step5/加入同炒至出水。
Step6/加入熱水待滾。
Step7/加入淮山麵同煮至淋身。食得。

來源:Mrs1amology

Mrs.Lam Cooking Tips

聽聞淮山幫助吸收,所以間唔時都會買黎煮,不過真係刨到手痕,朋友送咗2包 淮山麵 俾林小姐,見佢食得開心,又得閒煮下啦。

4.南瓜豆腐汁海鮮長通粉

是日親子共食係「南瓜豆腐汁海鮮長通粉」,加左蝦同魚柳,因為煮汁過程中魚肉已經碎左響汁入面,所以入口好香又有咬口,另外加左豆腐,令到個汁又滑又濃,真係話咁易就可以做大廚呀!

來源:Mrs1amology

做法大公開(需時約30分鐘)

Step1/先炒香大蝦同埋魚柳。
Step2/加入切小粒的南瓜同豆腐同炒至8成熟。
Step3/加入約3杯水,然後蓋上蓋待滾。
Step4/滾後可以輕輕用叉壓蓉南瓜,製成濃汁。最後加入長通粉煮熟就完成了。

來源:Mrs1amology

5.日式三文魚豆腐湯麵

是日親子共食主要食材就係日式三文魚,加埋豆腐做湯麵,配上淮山麵同埋bb豉油,又好味又可以「扮大人」!

來源:Mrs1amology

做法大公開(需時約30分鐘)

Step 1/先將三文魚扒煎到半熟
Step 2/然後加埋切粒嘅節瓜同埋矮瓜同炒
Step 3/炒至八成熟, 然後加水至遮蓋食材
Step 4/水滾後加埋豆腐, 湯底更加香甜
Step 5/再滾後,加入淮山麵, 大概煮3至5分鐘
Step 6/最後加少少bb豉油調味,完成

來源:Mrs1amology

Mrs Lam cooking tips

因為林少少長期唔夠磅,食咁多都唔長肉, 因為淮山有助吸收, 所以咪畀佢試下呢隻麵, 估唔到面條幼幼, 又幾好味,而且都幾容易差起, 啱曬 學緊用餐具嘅林小姐。今次與大膽選用bb豉油, 因為其實林小姐都大個啦,可以食少少調味, 呢隻醬油特別為bb而設, 作為入門級啱曬啦。

來源:Mrs1amology

Mrs1am-ology

不只是咖啡烘焙師之妻;也是新手全職媽媽。當狗與B同行,願望是不只看到暴走的畫面,而是更多可愛難忘片段。有空時也可以靜靜的坐下來,休閒地嘗杯咖啡吧!

更多精選內容