【親子好去處】屯門全新兒童主題Party Room

【親子好去處】屯門全新兒童主題Party Room

屯門媽媽,新場啊!新淨又舒適!開party超正!1300 尺,可以容納50人!超級超級多玩具,5間唔同主題遊戲房,小朋友樂而忘返啦!唔一定要包埸架~平時都有散場可以玩!$78/2.5小時~飲品任飲,媽媽們約埋上去輕鬆一下唔錯!
撰文、圖片:初初媽媽編輯:YIU

我喺沙田搭263巴士,喺豐景園站落車,隔離就係屯門泳池輕鐵站,行過去大約7分鐘左右,都算方便!

到達!

今日係萬聖節party,準備咗個南瓜籃!

入口處

鞋架除鞋仔先

有急救箱
有免費儲物櫃提供!媽媽袋可以放低啦
好多幼兒玩具呀!
一排車仔!好多款式!
仔好鍾意個鏟泥車,後面仲有個毛毛蟲捐山窿,同埋sir滑梯!
地下鋪左海洋圖案軟墊!
波波池,仲可以掉牆上面啲魚!
梳妝枱,小女孩最愛!
遙控警車,的士!
有免費Wi-Fi
仲有點讀筆~動靜皆宜!

玩完個廳,入房玩啊!第一間房入面有間屋,好多煮飯仔玩具,仲有一排造型衫,可以玩角色扮演!

扮消防員~
阿媽都玩埋一份,扮護士,哈哈⋯
仲有醫生玩具
九唔搭八添,消防衫加萬聖節頭飾
有收銀機、購物籃、好多嘢食!小朋友最鍾意玩!
唔該八達通付款!
仲有間帳幕屋,入去嘆杯茶先
要打掃做家務啦,清潔玩具!
夠鐘餵BB食奶奶~推下BB車
好忙啊,跟住仲要燙衫摺衫⋯
仲有好多桌上玩具!玩唔完

第一間房都玩左勁耐!好多野玩跟住第二間房有育嬰區,有萬聖節裝飾,好應節!

換片枱
心心池
金幣池啲錢聲好正!

不斷重複玩左好耐,哈!

牆上面仲有圖案配對,

仲有啲遊戲板!

好多樂器呀!

景觀開揚!又夠光猛!有海景㗎!

第三間房,靜態區

可以除Lego積木

仲有好多圖書,可以坐喺度慢慢睇

有個帳幕,小朋友最鍾意捐落去玩

第四間房,活動區!跳彈床仔

雙人鞦韆~幾好玩

彈彈車~隔離仲有個搖搖板架!

第五間房,休息區,可以喺度食下野
黃色嗰個寶藏箱,入邊有唔凍嘅飲品架!飲品任飲的!

仲有啲磁石玩具,有BB櫈㗎!

有凍嘢飲,任飲㗎!選擇都幾多

呢度仲有小食售買,即叫即做架!
有麵、通粉、意粉!

好貼心,仲有兒童餐!

仲有暖奶器提供

可以自己叫嘢食上嚟都得!我哋今次叫咗pizza!

Love baby play house
查詢

初初媽媽
Hello~我係初初,懷孕時已辭去工作,轉做全職媽媽,仔仔出世後開始分享親子好去處、幼兒食譜、生活點滴及我的產後扮靚減肥心得。

更多精選內容